Yeremiya 41:16 - Tonga Bible 1986

¹⁶ Sono Yohanani mwana waku Kareya ndi ŵarongozgi ŵa maŵanja ŵa pamoza nayo ŵanguto wose ŵakujapo wo Ishimaele mwana waku Netaniya wanguŵatole umkoli kutuwa ku Mizipa pavuli wati wabaya Gedaliya mwana waku Ahikamu, ŵasilikali ŵankhondo, ŵanthukazi, ŵana ŵamithenu, Yohanani wanguŵawezgako ku Gibeoni.

Yeremiya 41:16 Referans Kwoze

Yeremiya 42:8

Sono wangudana Yohanani mwana waku Kareya ndi wose ŵakurongozga maŵanja ŵeniwo ŵenga pamoza nayo, ndi ŵanthu wose kutuwa ku ŵapasi mpaka ku ŵapachanya.

Yeremiya 41:10

Sono Ishimaele wanguŵachita uŵanda ŵanthu wose ŵakujapo wo ŵenga mu Mizipa, ŵana ŵanthukazi ŵakaronga ndi ŵanthu wose wo ŵangujapo mu Mizipa, wo Nebuzaradani nduna ya ŵalonda ŵa ŵakaida wangupereka kwaku Gedaliya mwana waku Ahikamu. Ishimaele mwana waku Netaniya wanguŵayole ku umkoli ndipo wangusoka wangwambukiya ku Amoni.

2 ŴaKaronga 25:23

Sono penipo ŵarongozge wose ŵa maŵanja ghankhondo ndi ŵanthu ŵawo ŵanguvwa kuti karonga wa Babiloni wakumika Gedaliya kuŵa mweruzgi mura, ŵanguza ndi ŵanthu ŵawo kwaku Gedaliya pa Mizipa, mazina ghawo Ishumaeli mwana waku Netaniya Johanani mwana waku Kareya, Seraya mwana waku Tauhumeti mwina Netofati ndi Jazaniya mwana waku Makati.