Yeremiya 41:1 - Tonga Bible 1986

¹ Mu mwezi wa chinkhonde ndichiŵi, Ishimaele mwana waku Netaniya, mwana waku Elishama, wamu mbumba ya ufumu, yumoza wa nduna zira za karonga, wanguza ndi ŵanthu chumi kwaku Gedaliya mwana waku Ahikamu, pa Mizipa. Ŵachirgha kurgha pamoza pa Mizipa,

Yeremiya 41:1 Referans Kwoze

Yeremiya 40:8

ŵanguruta kwaku Gedaliya pa Mizipa ndipo Ishimaele mwana waku Netaniya, Yohanani mwana waku Kareya, Seraya mwana waku Tenahumete, ŵana ŵaku Efai mu Netofate, Jezaniya mwana waku Makata, iwo ndi ŵanthu ŵawo.

Yeremiya 40:6

Sono Yeremiya wanguruta kwaku Gedaliya mwana waku Ahikamu pa Mizipa, ndipo wanguja nayo mukati mu ŵanthu wo ŵangusiyika mu charu.

Sumu 41:9

Nanga ndi mwanasi wangu wapa mtima mwaku mweniyo ndingugomekezga, yo wangurgha kurgha kwangu, nayu so wandisoske chitende chake.

Yohane 13:18

Kuti ndinena imwe mose cha; ine ndiziŵa wo ndatondo: kweni kuti lifiskike lembo lo, ‘Wakurgha chiŵande pamoza nane wasoske paku ine chitende chake.’

Ezekiele 17:13

Ndipo wanguto yumoza wa mbeu ya ufumu wanguchita nayo phanganu, kumurapiya rapu. (Wanguto ŵaraŵara ŵa charu,

Yeremiya 36:20

Viyo ŵanguruta mu bwalo la karonga, ŵanguti, ŵaŵika buku mu chipinda chaku Elishama mlembi; ndipo ŵangupatauliya karonga mazu yagha ghose.

Yeremiya 36:12

wangusikiya ku nyumba ya karonga, mu chipinda cha mlembi, ndipo ŵaraŵara wose ŵanguteka mwenimuwa; Elishama mlembe, Delaya mwana waku Shemaya, Elenatani mwana waku Akibori, Gemariya mwana waku Shafani, Zedekiya mwana waku Hananiya, ndi ŵaraŵara wose.

Nthanthi 27:4

Chikwiya mbukari, ukari uphwanya, kweni njani wangamiya sanje?

Nthanthi 13:10

Ndi mutafu wambura kuphwere wachita ndeu, kweni ŵeniwo wazomera kuŵapanga fundu ndi zeru.

Sumu 109:5

Ŵatindiripa uheni pakuŵachitiya umampha ndi kutinkha po ine ndituŵanja.

2 Mikoka 22:10

Ataliya nyina waku Ahaziya wanguti wawona kuti mwana wake wafwa wangusoka kunanga mphapu yose ya ufumu waku Yuda.

2 ŴaKaronga 25:25

Kweni mu mwezi wa chinkhonde ndi yiŵi, Ishumaeli mwana waku Netaniya, mwana waku Elishama wamu mbumba ya chifumu wanguza ndi ŵanthu chumi, wangukoso ndi kubaya Gedaliya ndi ŵaYuda pamoza ndi ŵaKaldiya wo ŵenga nayo pa Mizipa.

2 ŴaKaronga 11:1

Penipo Ataliya nyina waku Ahaziya wanguwona kuti mwana wake wafwa, wangusoka ndi wangubwanganduwa mbumba yose ya ukaronga.

2 Samuele 3:27

Po Abnere wanguti wawere ku Hebroni, Yoabu wangumtore ku mphepete mukati mwa likomo kurongoro nayo, pa ubende, penipa wangumugwaza pa moyo, ndipo wangufwa, pa chifukwa cha ndopa zaku Asahele mbali wake.

Yeremiya 39:14

ŵangutuma ndi ŵangwachimuto Yeremiya ku bwalo la ukaidi, ŵangumupereka kwaku Gedaliya mwana waku Ahikamu, mwana waku Shafani, kuti warutenge nayo kwake. Viyo wanguja mukati mu ŵanthu wo.

Yeremiya 40:5

Asani ukajanga iku uwere kwaku Gedaliya mwana waku Ahikamu, mwana waku Shafani mweniyo, karonga wa Babiloni wakumika kuŵa mumirizi wa misumba yaku Yuda, ndipo ukajenge nayo mukati mu ŵanthu; pamwenga rutanga kose kweniko ughanaghana kuti nkhwakurunjika kuyako.” Viyo nduna ya ukaidi wangumupaska vyakurgha ndi chaulera, ndipo wangumuzomerezga kuruta.

Yeremiya 40:13

Sono Yohanani mwana waku Kareya ndi ŵarongozgi wose ŵa maŵanja mu charu cha pakweru ŵanguza kwaku Gedaliya pa Mizipa,

2 ŴaKaronga 25:22

Ndipo paku wo ŵangusiyika mu charu chaku Yuda, wo wanguŵasiya Nebukadanezara karonga wa Babiloni wangumikapo Gedaliya, mwana waku Ahikamu, mwana waku Shafani kuŵa mweruzgi mura.

Yeremiya 40:7

Nduna zose za maŵanja mu charu chapakweru ndi ŵanthu, ŵanguvwa kuti karonga wa Babiloni wakumika Gedaliya mwana waku Ahikamu kuŵa mumirizi mu charu chiya. Ndipo ŵanguvwa kuti wakupereka kwaku iyo ŵanthurumi, ŵanthukazi, ndi ŵana, ŵa ŵakusauka ŵeniwo ŵengavi kutoreke ku umkoli ku Babiloni;