Yeremiya 40:4 - Tonga Bible 1986

⁴ Sono, ehe, nditukufwatuwa iwe msanawale ku maunyolo gha pa manja ghako. Asani nchakwenere kwaku iwe kuruta nane ku Babiloni, zanga, ndipo ine ndikakuphwerenga umampha; ndipo asani kuti nchakwenere cha kuruta nane ku Babiloni, ungazanga cha. Ona, charu chose che paurongo pako; rutanga kwe kose ko ughanaghana kuti nkhwamampha ndi nkhwakurunjika kuyako.

Yeremiya 40:4 Referans Kwoze

Chiyambo 20:15

Ndipo Abimeleke wanguti, “Awona, charu changu che paurongo pako, uje penipo pose ungakhumba.”

Chiyambo 13:9

Kumbi charu cho chose kuti che paurongo pako cha? Patukana nane. Asani ukatonga kuchiri ku maze, ine ndikayanga ku marghe; pamwenga asani ukatonga ku marghe, iku ine ndikayanga ku maze.”

Chiyambo 47:6

Charu cha Egipiti che paurongo pako; ausu ndi ŵana ŵanyako uŵapaske pakuja po mphamampha ukongwa pa charu ichi; ŵanjenge mu charu cha Gosheni; ndipo asani utiŵaziŵapo ŵanthu ŵanthazi mukati mwawo, uŵamike kuŵa ŵakuphwere ng'ombe zangu.”

Yeremiya 37:14

Ndipo Yeremiya wanguti, “Mbutesi; kuti ndipatuka ku ŵaKaldiya cha.” Kweni Irija kuti wangumuvwiya cha, ndipo wangumuko Yeremiya ndi wangutore ku ŵakaronga.

Chitenje 3:7

Wandizingiya mu chimati mwakuti nditondeke kuthaŵa; wandimanga ndi maunyolo ghazitu;

Chiyambo 44:21

Sono iwe unguti ku ŵateŵeti ŵako, ‘Mukazi nayo kuno kwangu kuti ndizichimuwona ndi maso.’

Estere 3:11

Ndipo karonga wanguti kwaku Hamani, “Siliva ndako, ndi ŵanthu viyo kuti uchite nawo nge ndimo ungakhumbiya.”