Yeremiya 4:5 - Tonga Bible 1986

⁵ Kambani mwaku Yuda ndipo memezani mu Yerusalemu, ndi muti, “Mbani mbata kuporota mu charu; kamburani, munene kuti, ‘Wunganani, ndipo tiyeni tirute ku mizi ya malinga!’

Yeremiya 4:5 Referans Kwoze

Yeremiya 8:14

Chifukwa chine tija chisisi? Unjikanani pamoza tirutenge, kwachisere mu mizi ya malinga, tikafwiye mwenimo, pakuti Ambuya Chiuta widu ŵatiteme kufwa, ndipo ŵatipaska maji gha nduru kuti timwe, chifukwa talakwiya Ambuya.

Yeremiya 6:1

Thaŵiyani kwakubisama, mwa ŵanthu ŵaku Benjamini, kuthaŵa mukati mu Yerusalemu! Mbani mbata mu Tekoa, ndipo soskani chiteskeru pa Betehakeremu; pakuti chiheni chituza kutuliya ku nkhonde ndi pharghaniko likuru.

Yoswa 10:20

Ndipo Yoswa ndi ŵaYisraele ŵanguti ŵamara kuŵabaya, mpaka po ŵanguparghanika wose, penipo ŵanyake ŵakujapo ŵaku wo ŵangusere mu misumba ya malinga,

Hoseya 8:1

Ŵika mbata ku mlomo wako, chifukwa khuŵi le pachanya pa nyumba ya Ambuya, chifukwa ŵaswa phanganu langu, ndi ŵajumpha dangu langu.

Amosi 3:8

Nkharamu yichibangula; ndiyani wareka kopa? Ambuya Chiuta wakamba; ndiyani wangareka kuchima?”

Amosi 3:6

Kumbi mbata yingambika mumsumba, ndipo ŵanthu ŵangareka kopa? Kumbi chiheni chingaŵamo mu msumba, kwambura kuti chachitika ndi Ambuya?

Yeremiya 35:11

Kweni penipo Nebukadanezara karonga waku Babiloni wanguza kuzachirwa ndi charu ichi, tinguti, ‘Tiyeni tirutenge ku Yerusalemu pakopa wumba wankhondo wa ŵaKaldiya ndi nkhondo yaŵa Siriya.’ Viyo tija mu Yerusalemu.”

Yeremiya 11:2

“Vwani mazu gha phanganu ili, murongoro ku ŵanthu ŵaku Yuda ndi ŵakuja mu Yerusalemu.

Yeremiya 9:12

Njani munthu yo wangaŵa wa vinjeru kuti wangawamo ichi? Nkhwakuyani ko Ambuya arongoro, kuti iyo waziŵiske ichi? Chifukwa nchine charu chapasuka ndi chaŵa chaŵakaŵaka nge ndi bozwa, mwakuti palivi yumoza wakuporotamo?

Yeremiya 5:20

Ziŵiskani ichi mu nyumba yaku Yakobe, chimemezeni mwaku Yuda;

Maŵerengedu 10:3

ndipo asani ŵamba mbata zose ziŵi; penipo wumba wose uwunganenge kwako pa khomo la hema lakuwunganamo.

Ezekiele 7:14

Ŵamba mbata wose ŵajirongoso; kweni palivi nanga njumoza wakuya ku nkhondo, pakuti ukari wangu we pa wumba wawo wose.

Yoele 2:1

Mbani mbata mu Zioni; wawatani mu phiri langu lakupaturika! Wakuja mu charu chose watentheme, chifukwa zuŵa la Ambuya liŵandika, zuŵa lituza.

Maŵerengedu 10:2

“Ujichitiye mbata ziŵi za siliva uchite zakusula; ziŵe zakudana ŵanthu pakuwungana, ndi kuchiska pa ugoŵi kwenda ulendo,

Yesaya 28:19

Nyengo zose lichiporotapo likamutoninga; pakuti mlenji ndi mlenji, likaporotangapo, msana ndi usiku; ndipo chikaŵanga chofyu chiduru kuwamo uthenga wo.