Yeremiya 39:2 - Tonga Bible 1986

² pa zuŵa la chinkhonde ndi chinayi, mu mwezi wa chinayi, mu chirimika cha chumi ndi chimoza muzi ungupankhuka.

Yeremiya 39:2 Referans Kwoze

Zefaniya 1:10

“Mu zuŵa lo,” atiti Ambuya, “kukambura kuvwikenge kutuliya ku Likomo la Somba, kutenje kutuliya ku chigaŵa cha chiŵi ndi muswayo kutuliya ku mapiri.

Ezekiele 33:21

Pa zuŵa la chinkhonde la mwezi wa chumi, mu chirimika cha chumi ndi viŵi cha uŵanda widu, munthu yo wanguthaŵa ku Yerusalemu wanguza kwaku ine, wanguti, “Msumba wawa.”

Yeremiya 5:10

“Ukwere ukaporoti mu mizere yake ya mphereska ndi ukaparghang'e, kweni kwachimarizgiya limu cha; katuzgemo mphanda zake pakuti kuti za Ambuya cha.

Yeremiya 1:3

Ghangumuziya so mu mazuŵa ghaku Yehoyakimu mwana waku Josiya waku Yuda; ndipo mpaka ku umari wa chirimika cha chumi ndi chimoza cha muwusu waku Zedekiya, mpaka po Yerusalemu wangukoreka umkoli mu mwezi wa chinkhonde.

Yeremiya 32:1

Mazu ghenigho ghanguza kwaku Yeremiya kutuwa ku Ambuya mu chirimika cha chumi chaku Zedekiya karonga waku Yuda. Chenga chirimika cha chumi vinkhonde ndi vitatu (18) chaku Nebukadanezara.

Yeremiya 34:22

Ehe, ndikalanguranga, atiti Ambuya, ndipo ndikaŵawezgiyanga ku msumba uwu; ndipo ŵazamukurwa nawo, ndi kuwocha ndi moto. Ndikachitanga misumba yaku Yuda kuŵa mapopa mwambura wakujamo.”

Yeremiya 37:8

Ndipo ŵaKaldiya ŵazenge so kurwa ndi msumba uwu; ŵakautonga ndi kuwuwocha ndi moto.

Ezekiele 4:3

Uto mbali ya chisulo, uyiŵike nge nchimati cha chisulo pakati paku iwe ndi msumba; chisku chako chidunjike paku wo, uŵe wakujarizgika, ujarizgike ndi nkhondo kumikana nawo. Ichi nchisimikizgu ku nyumba yaku Yisraele.

Ezekiele 5:2

Chigaŵa chimoza cha vigaŵa vitatu uwoche pa moto mukati mu msumba, asani mazuŵa ghakuwujarizgiya ghafiskika; chigaŵa chinyake uchipume-pume ndi lipanga kuzunguliya msumba; ndipo chigaŵa cha chitatu uchimbininiske ku mphepo, ndipo ine ndikasoronga lipanga pavuli pawo.

Zekariya 8:19

“Viyo atiti Ambuya ŵa maŵanja: Kufunga kwa mwezi wachinayi, ndi kufunga kwa wachinkhonde, ndi kufunga kwa wa chinkhonde ndi chiŵi, ndi kufunga kwa wa chumi, kukaŵanga ku nyumba yaku Yuda mu nyengo za likondwa ndi chimwemwe, ndi madghera ghakusangaruska; viyo mwanje uneneska ndi chimangu.