Yeremiya 39:14 - Tonga Bible 1986

¹⁴ ŵangutuma ndi ŵangwachimuto Yeremiya ku bwalo la ukaidi, ŵangumupereka kwaku Gedaliya mwana waku Ahikamu, mwana waku Shafani, kuti warutenge nayo kwake. Viyo wanguja mukati mu ŵanthu wo.

Yeremiya 39:14 Referans Kwoze

Yeremiya 38:28

Ndipo Yeremiya wangujaririya mu bwalo la ukaidi mpaka ku zuŵa lo Yerusalemu wangutoreke.

Yeremiya 26:24

Kweni janja laku Ahikamu mwana waku Shafani lenga ndi Yeremiya viyo kuti wengavi kuperekeka ku ŵanthu kuti wabayike.

2 ŴaKaronga 22:12

Ndipo wangulanguliya Hilkiya mzukuru, ndi Ahikamu mwana waku Shafani, ndi Akiboru mwana waku Mikaya, ndi Shafani mlembi, ndi Asaya mteŵeti wakaronga, kuti,

Yeremiya 40:1

Mazu ghanguza kwaku Yeremiya kutuwa ku Ambuya pavuli penipo Nebuzaradani nduna ya ŵalonda wangumuzomerezga kuruta kutuwa ku Rama, penipo wangumuto wakumangika mu unyolo pamoza ndi ŵamikoli wose ŵamu Yerusalemu ndi Yuda, wo ŵayolekiyanga ku Babiloni.

Yeremiya 39:15

Mazu gha Ambuya ghanguza kwaku Yeremiya pa nyengo yo wangujarikiya mu bwalo la ukaidi.

Yeremiya 38:13

Sono ŵangumuguziya pachanya Yeremiya ndi vingwe, ŵangumutuzga mu chisima. Ndipo Yeremiya wanguja mu bwalo la ukaidi.

Yeremiya 37:21

Viyo karonga Zedekiya wangurangura, kuti ŵamuŵike Yeremiya mu bwalo la nyumba ya ukaidi; ndipo chimbanduka cha chingwa chiperekeke kwaku iyo zuŵa ndi zuŵa chakutuliya ka mseu wa ŵakubika, mpaka chingwa chose cha mu msumba chimari. Viyo Yeremiya wanguja mu bwalo la nyumba ya ukaidi.

Sumu 105:19

Mpaka penipo chingufiskika cho angulangula, mazu gha Ambuya ghangumusimikizgiya uneneska.

2 ŴaKaronga 22:14

Viyo Hilkiya, Ahikamu, Akiboru, Shafani, ndi Asaya ŵanguruta kwaku Hulda mchimi munthukazi, muwoli waku Shalumu mwana waku Tihava mwana waku Harhasi, wakusunga vyakuvwara (panyengo iyi wajanga mu Yerusalemu mu chigaŵa cha chiŵi); ndipo ŵangurongoronayo.

2 Mikoka 34:20

Wangumunene Hilikiya ndi Hikamu mwana waku Shafani, ndi Abdoni mwana waku Mika, ndi Shafani mlembe, ndi Asaya wa nchitu wa karonga, kuti,

Yeremiya 32:2

Pa nyengo yiya wumba wa ŵankhondo ŵa karonga ŵaku Babiloni unguzinga Yerusalemu, ndipo Yeremiya mchimi wangujarikiya mu bwalo la ukaidi lo lenga mu nyumba ya ufumu ya karonga waku Yuda,

Yeremiya 39:13

Viyo Nebuzaradani nduna ya ŵalonda, Nebushazabani mlonda mura, Nergala-sharezere mchini mura ndi nduna zose za karonga wa Babiloni,

Yeremiya 40:5

Asani ukajanga iku uwere kwaku Gedaliya mwana waku Ahikamu, mwana waku Shafani mweniyo, karonga wa Babiloni wakumika kuŵa mumirizi wa misumba yaku Yuda, ndipo ukajenge nayo mukati mu ŵanthu; pamwenga rutanga kose kweniko ughanaghana kuti nkhwakurunjika kuyako.” Viyo nduna ya ukaidi wangumupaska vyakurgha ndi chaulera, ndipo wangumuzomerezga kuruta.

Yeremiya 40:6

Sono Yeremiya wanguruta kwaku Gedaliya mwana waku Ahikamu pa Mizipa, ndipo wanguja nayo mukati mu ŵanthu wo ŵangusiyika mu charu.

Yeremiya 41:1

Mu mwezi wa chinkhonde ndichiŵi, Ishimaele mwana waku Netaniya, mwana waku Elishama, wamu mbumba ya ufumu, yumoza wa nduna zira za karonga, wanguza ndi ŵanthu chumi kwaku Gedaliya mwana waku Ahikamu, pa Mizipa. Ŵachirgha kurgha pamoza pa Mizipa,

Yeremiya 26:22

Sono karonga Yohoyakimu wangutuma ŵanthu ku Egipiti, Elenatani mwana waku Akibori ndi ŵanyake pamoza nayo,

Yeremiya 40:7

Nduna zose za maŵanja mu charu chapakweru ndi ŵanthu, ŵanguvwa kuti karonga wa Babiloni wakumika Gedaliya mwana waku Ahikamu kuŵa mumirizi mu charu chiya. Ndipo ŵanguvwa kuti wakupereka kwaku iyo ŵanthurumi, ŵanthukazi, ndi ŵana, ŵa ŵakusauka ŵeniwo ŵengavi kutoreke ku umkoli ku Babiloni;