Yeremiya 39:10 - Tonga Bible 1986

¹⁰ Nebuzaradani, nduna ya ŵalonda, wangusiyamu mu charu chaku Yuda, ŵanthu ŵanyake ŵakusauka ŵeniwo ŵengavi kuŵa ndi kanthu, ndipo wanguŵapaska minda ya mphereska ndi minda pa nyengo yeniyo pe.

Yeremiya 39:10 Referans Kwoze

2 ŴaKaronga 25:12

Kweni nduna yo yingusiyamo ŵasauchi ukongwa mu charu cho kuti ŵaŵenge ŵakusunga minda ya mphereska ndi ŵakulima.

Yeremiya 52:16

Kweni Nebuzaradani wangusiya ŵanyake ŵa ŵakusauka ŵa charu cho kuŵa ŵalimi ŵa mphereska ndi wakulima.

Yeremiya 40:7

Nduna zose za maŵanja mu charu chapakweru ndi ŵanthu, ŵanguvwa kuti karonga wa Babiloni wakumika Gedaliya mwana waku Ahikamu kuŵa mumirizi mu charu chiya. Ndipo ŵanguvwa kuti wakupereka kwaku iyo ŵanthurumi, ŵanthukazi, ndi ŵana, ŵa ŵakusauka ŵeniwo ŵengavi kutoreke ku umkoli ku Babiloni;

Ezekiele 33:24

“Mwana wa munthu ŵakuja mu malo gha mapopa agha mu charu cha Yisraele, ŵeche kukamba kuti, ‘Abrahamu wenga munthu yumoza pe, ndipuuli wanguchihara charu ichi; kweni ifwe te ŵanandi, charu ichi nadi chikupaskika kwaku ifwe ku chihara.’

Yesaya 7:21

Mu zuŵa liya munthu wakasunganga ng'ombe yamoyo yinthukazi yampupuka ndi mberere ziŵi,

Yeremiya 40:10

Ine ndikajanga pa Mizipa, kumumiyani paurongo pa ŵaKaldiya wo ŵakazanga kwaku ifwe; kweni imwe unjikani vinyo, ndi vipasi vya chipwepwe ndi mafuta, ndipo muvilonge mu viyaŵi vinu, ndipo muje mu misumba yinu yeniyo mwato.”

Yeremiya 43:6

ŵanthurumi, ŵanthukazi, ŵana, ŵana ŵanthukazi ŵa ŵakaronga, ndi munthu yose mweniyo Nebuzaradani nduna ya ŵalonda ŵangusiya ndi Gedaliya mwana waku Ahikamu, mwana waku Shafani; ndi so Yeremiya mchimi ndi Baruki mwana waku Neriya.

Zekariya 11:7

Viyo ndinguŵa mliska wa mskambu wo wamubayikiya wo ŵagulananga mberere. Ndipo ndingujitore ndodo ziŵi; yimoza ndinguyidana Wezi, yinyake Kurungana. Ndipo ndaliskanga mberere.