Yeremiya 39:1 - Tonga Bible 1986

¹ Mu mwezi wa chumi, chirimika cha chinkhonde ndi vinayi chaku Zedekiya karonga waku Yuda, Nebukadanezara karonga wa Babiloni ndi wumba wake wose wa nkhondo ŵanguza kurwana ndi Yerusalemu ndipo ŵanguwuzinga;

Yeremiya 39:1 Referans Kwoze

Zekariya 8:19

“Viyo atiti Ambuya ŵa maŵanja: Kufunga kwa mwezi wachinayi, ndi kufunga kwa wachinkhonde, ndi kufunga kwa wa chinkhonde ndi chiŵi, ndi kufunga kwa wa chumi, kukaŵanga ku nyumba yaku Yuda mu nyengo za likondwa ndi chimwemwe, ndi madghera ghakusangaruska; viyo mwanje uneneska ndi chimangu.

Marangu 28:36

“Ambuya akamuperekaninga pamoza ndi karonga winu yo mwamika pachanya pinu ku mtundu wo imwe nanga mbauskemwe ŵalivi kuwuziŵa, ndipo kwenikuwa mwamuteŵete ŵachiuta ŵanyake ŵa muti ndi ŵa mwa.

Yeremiya 32:1

Mazu ghenigho ghanguza kwaku Yeremiya kutuwa ku Ambuya mu chirimika cha chumi chaku Zedekiya karonga waku Yuda. Chenga chirimika cha chumi vinkhonde ndi vitatu (18) chaku Nebukadanezara.

Yeremiya 34:1

Mazu ghanguza kwaku Yeremiya kutuwa ku Ambuya, penipo Nebukadanezara, karonga wa Babiloni ndi ŵankhondo ŵake wose, ndi maufumu ghose ghenigho wanguusa ndi ŵanthu wose ŵarwananga ndi Yerusalemu ndi misumba yake yose:

Yeremiya 34:22

Ehe, ndikalanguranga, atiti Ambuya, ndipo ndikaŵawezgiyanga ku msumba uwu; ndipo ŵazamukurwa nawo, ndi kuwocha ndi moto. Ndikachitanga misumba yaku Yuda kuŵa mapopa mwambura wakujamo.”

Yeremiya 42:18

“Viyo atiti Ambuya ŵa maŵanja, Chiuta waku Yisraele: Mwenimo kukwiya kwangu ndi ukari wangu vingupungulikiya pa ŵakuja mu Yerusalemu, viyo ndimu ukari wangu ukapungulikiyanga paku imwe asani mutiya ku Egipiti. Mukaŵanga kawerere, chakofya, thembo chakunyozeka. Kuti mughawonenge so cha malo yagha.

Ezekiele 4:3

Uto mbali ya chisulo, uyiŵike nge nchimati cha chisulo pakati paku iwe ndi msumba; chisku chako chidunjike paku wo, uŵe wakujarizgika, ujarizgike ndi nkhondo kumikana nawo. Ichi nchisimikizgu ku nyumba yaku Yisraele.

Ezekiele 5:2

Chigaŵa chimoza cha vigaŵa vitatu uwoche pa moto mukati mu msumba, asani mazuŵa ghakuwujarizgiya ghafiskika; chigaŵa chinyake uchipume-pume ndi lipanga kuzunguliya msumba; ndipo chigaŵa cha chitatu uchimbininiske ku mphepo, ndipo ine ndikasoronga lipanga pavuli pawo.

Ezekiele 33:21

Pa zuŵa la chinkhonde la mwezi wa chumi, mu chirimika cha chumi ndi viŵi cha uŵanda widu, munthu yo wanguthaŵa ku Yerusalemu wanguza kwaku ine, wanguti, “Msumba wawa.”

Ezekiele 40:1

Mu chirimika cha machumi ghaŵi pachanya vinkhonde cha uŵanda widu, pakwamba kwa chirimika, pa zuŵa la chumi la mwezi, mu chirimika cha chumi ndi vinayi pavuli pakuthereskeka kwa msumba, pa zuŵa leniliya ilo, janja la Ambuya linguŵa paku ine,

2 Mikoka 36:17

Pa chifukwa ichi Chiuta wanguŵaziya ndi karonga wa ŵaKildiya yo wangubaya ŵanyamata ŵawo ndi lipanga mu nyumba yawo yakupaturika, ndipo kuti yinguŵachitiya lisungu cha chingana mbanyamata pamwenga ŵamwali, khongwi pamwenga yo wenga khongwi lakukota ukongwa: wanguŵapereka wose mu janja lake.

Yeremiya 6:6

Pakuti Ambuya ŵa maŵanja ŵakati viyo: “Dumuliyani pasi miti yake; ungani mugandu kuzunguliya Yerusalemu. Uwu ndiwo msumba wo utenere kulangika mulivi kanthu kanyake kweni kunyekezgeka pe mukati mwake.

Yeremiya 52:1

Zedekiya po wangusere ukaronga wenga wa virimika machumi ghaŵi pachanya chimoza ndipo wanguwusa virimika chumi pachanya chimoza mu Yerusalemu. Zina la anyina lenga Hamutala mwana munthukazi waku Yeremiya waku Libina.