Yeremiya 36:3 - Tonga Bible 1986

³ Kokuli nyumba yaku Yuda yikavwanga uheni wose weniwo ndikhumba kuchita paku wo alinga we yose winu wangang'anamukako ku nthowa yake yiheni, ndikuti ndinguŵagowoke ulakwi ndi uheni wawo.”

Yeremiya 36:3 Referans Kwoze

Yeremiya 18:8

ndipo asani mtundu wuwa ndakambiyapo, uweko ku uheni wake, po ndipo ndikang'anamukangako ku uheni weniwo ndatinge ndiuchitiyenge.

Machitidu gha Ŵakutumika 3:19

Viyo ng'anamukani, ndi nyongokani, alinga kuti visisitike vilakwa vinu, viyo kuti zingaza nyengo za chisisipuska kutuwa ku chisku cha Ambuya:

Ezekiele 12:3

chifukwa ndi nyumba ya chigaruka. Pa chifukwa cho, mwana wa munthu, ujirongosole katundu wapa ulendo ku umkoli, ndipo urutenge ku umkoli ndi msana pa maso ghawo; ukarutanga nge ngwamkoli kutuwa pa malo ghako kuya pa malo ghanyake pa maso ghawo. Akhumba ŵakawangamo nanga mba nyumba ya chigaruka.

Yeremiya 26:3

Vinu kokuli ŵakategherezganga, kuti we yose waweko ku nthowa yake yiheni, mwakuti nding'anamukeko ku chiheni cho ndikhumba kuŵachitiya chifukwa cha machitidu ghawo ghaheni.

Marangu 30:2

Penipo mukawerenga ku Ambuya Chiuta winu, imwe ndi ŵana ŵinu, ndi kusunga mazu ghake mwaku chose cho nditumulanguliyani msana wale, ndi mtima winu wose ndi mzimu winu wose;

Yeremiya 36:7

Vinu Ambuya akavwanga kuŵeyere kwawo, ndi kuti we yose wakang'anamukangako ku nthowa yake yiheni, pakuti nkhukuru kukwiya ndi kukara ko Ambuya akambiya pa ŵanthu wawo.”

2 Petro 3:9

Mbuya walive kuziulika pa phanganu lake, uli ndimo ŵanyake ŵapimiya chiziu; kweni ngwakulekerezga kuchiri kwaku imwe, wambura kukhumba kuti yumoza wanangike, kweni kuti wose ŵazichipe.

Machitidu gha Ŵakutumika 26:18

kwachibanuwa maso ghawo, ndi kuŵanyongo ku mdima kuyiya ku ukweru, ndi kuŵanyongo ku mtufu waku Satana kulazgiya kwaku Chiuta, mwakuti iwo ŵaronde chigowoke cha mwaku ine.’

Marko 4:12

alinga kuti kuwona ŵangawona kweni ŵangawamo cha; vinu kokuli ŵangang'anamuka, ndipo ŵangagowokereka.”

Yeremiya 35:15

Ndakutumiyani ŵateŵeti ŵangu wose ŵamchimi, kuŵatuma kaŵikaŵi, kuti, ‘Ng'anamukaniko yose waku imwe ku nthowa yake yiheni, ndipo musinthe machitidu ghinu, ndipo mungalondonga ŵachiuta ŵanyake cha kuŵatataliya po ndipo mukajanga mu charu chenicho ndingukupaskani imwe ndi auskemwe.’ Kweni kuti munguvwiya cha pamwenga kutegherezga kwangu.

Yeremiya 24:7

Ndikaŵapaskanga mtima wakuziŵa kuti ine ndine Ambuya; ndipo ŵakaŵanga ŵanthu ŵangu, ine ndikaŵanga Chiuta wawo, pakuti ŵakaweriyanga kwangu ndi mtima wawo wose.

Yeremiya 18:11

Sono, chifukwa cho, kamba ku ŵanthu ŵaYuda ndi ŵakuja mu Yerusalemu, atiti Ambuya, ‘Ehe, ndirongosole chiheni paku imwe, ndighanaghana fundo yakumikana namwe. Weniko, we yose ku nthowa yake yiheni, ndipo nozgani nthowa zinu ndi machitidu ghinu.’

1 Samuele 7:3

Penipo Samuele wangunena ndi nyumba yaku Yisraele, “Asani mung'anamukiya ku Ambuya ndi mtima winu wose, iku tuzgani ŵachiuta ŵachilendo ndi Ashitaroto mukati, rongozgiyani mitima yinu ku Ambuya, mteŵetiyeni iyo, ndipo wakamupozomoskaninga mu janja la ŵaFilisti.”

Marangu 30:8

Ndipo muwerezgengepo kusunga mazu gha Ambuya, ndi kusunga marangu ghake gho nditumulanguliyani msana wale.

Machitidu gha Ŵakutumika 28:27

Chifukwa mtima wa khamu lenili watutuŵa, ndipo ndi makutu ghawo ŵatuvwa chizituzitu, ndipo maso ghawo ŵasizimiya; vinu akhumba ŵangawona ndi maso ghawo, ndi ndi makutu ghawo ŵangavwa, ndipo ndi mtima ŵangawamo, ndipo ŵangang'anamuka, ndipo ine ndingaŵachizga.’

Machitidu gha Ŵakutumika 26:20

kweni ku ŵamu Damasko danga, ndi so ku ŵamu Yerusalemu, ndimu charu chose chaku Yuda, ndi ku mitundu, ndingugozga evangeli, kuti ŵang'anamuke mu mtima, ndi ŵang'anamukiye kwaku Chiuta, ndi kuteŵeta milimu yo njakwenere ching'anamuka.

Luka 20:13

Sono wanguti mweni-munda wamphereska, ‘Ndichitenge chine? Nditumenge mwana wangu wakwanjiwa; kokuli wamphwerenge.’

Mateyu 13:15

Chifukwa watutuŵa mtima wa khamu lenili, ndipo makutu ghawo ghatuvwa chizituzitu, ndi maso ghawo ŵajara; vinu kokuli ŵangathoŵa ndi maso ghawo, ŵangapulikizga ndi makutu ghawo, ndipo ndi mtima wawo ŵangawamo, ndi ŵangang'anamuka ndipo ndingaŵachizga.’

Zefaniya 2:3

Penjani Ambuya, mose mwa ŵakuzika ŵamu charu, imwe mwachita malangulu ghake; penjani urunji, penjani kuzika; pamwenga mungabisika mu zuŵa la ukari wa Ambuya.

Ezekiele 18:23

Kumbi ndenalo likondwa pa nyifwa ya muheni, atiti Ambuya Chiuta, asi chakuruska nchakuti wang'anamukeko ku nthowa yake waŵe ndi umoyo?

Yeremiya 23:14

Ndipo mu ŵamchimi ŵa Yerusalemu ndawonamo chinthu chakofya: ŵachita ureŵi ndipo ŵatenda mu mautesi; ŵalimbiska manja gha ŵakuchita uheni, viyo kuti palivi yumoza yo waweko ku mautimbanizi ghake; wose ŵaŵa nge ndi Sodomu ndipo ŵakujamo ŵake nge ndi Gomora.”

Yesaya 6:10

Utuluvye mitima ya ŵanthu yaŵa, makutu ghawo ghaŵe ghazituzitu, ndi ujare maso ghawo; vinu ŵangawona ndi maso ghawo, ŵangavwa ndi makutu ghawo, ndi ŵangawomo ndi mitima yawo, ŵangang'anamuka ndi ŵangachizgika.”

Nehemiya 1:9

kweni asani mukaweriyanga kwangu ndi kusunga marangu ndi kughachita, chingana kumbininiskika kwinu kungalutiriya ku midengwendi yakutali ndikaŵawunjikanga pamoza kutuwa kweniko ndi kuza nawo ku malo gho ndasankha kuwandiska zina langu kweniko?’

Marangu 5:29

Mtima wa viyo wenga mwaku iyo mazuŵa ghose kundopa ndi kusunga marangu ghangu ghose, mwakuti kuŵaŵiye kwamampha iwo ndi ŵana ŵawo muyaya!

Sumu 139:24

Wonanimo vinu kalimo kaheni mwaku ine, ndipo ndirongozgeni mu nthowa ya muyaya.