Yeremiya 36:2 - Tonga Bible 1986

² “Uto mapepala ghakuzinga ndipo ulembepo mazu ghose ghenigho ndarongora nawe ghakumikana ndi Yisraele ndi Yuda ndi mitundu yose, kwamba zuŵa lo ndingurongoro nawe, kwamba ku mazuŵa ghaku Josiya mpaka msana wale.

Yeremiya 36:2 Referans Kwoze

Yeremiya 30:2

“Viyo atiti Ambuya, Chiuta waku Yisraele: Ulembe mu buku mazu ghose gho ndakukambiya.

Yeremiya 25:3

“Kwavirimika machumi ghaŵi pachanya vitatu (23) kwamba pa chirimika cha chumi ndi vitatu (13) chaku Josiya mwana waku Amoni karonga wa ŵaYuda, mpaka zuŵa lino, mazu gha Ambuya ghaza kwaku ine, ndipo ndakamba kaŵikaŵi kweni kuti mwavwiya cha.

Yeremiya 1:10

Wona ndakumika iwe msana wale pa mitundu ndi pa maufumu, kupontho ndi kuswiya pasi, kubwanganduwa ndi kuthereska, kuzenga ndi kupanda.”

Chituwa 17:14

Ndipo Ambuya anguti kwaku Mosese, “Lemba ichi nge nchikumbusku mu buku, ndipo uchikambe mu makutu ghaku Yoswa kuti ndisisistiyanga limu chikumbusku chaku Amaleke mu charu chose chapasi.”

Ezekiele 2:9

Ndipopo ndingulereska, wonani, janja lingunyoroke kwangu, ndipo, ehe, buku lakuzinga lakulembeka lenga mwenimo;

Yeremiya 51:60

Yeremiya wangulemba mu buku viheni vyose vyakuza pa Babiloni, mazu ghose yagha ghakulembeke chifukwa cha Babiloni.

Yeremiya 36:23

Yehudi wanguti waŵerenga vigaŵa vitatu pamwenga vinayi, karonga wangucheketa ndi chimayi ndi kutaya pa moto mu chiyaŵi, mpaka po buku lose lakuzinga lingumaliya pa moto wo wenga mu chiyaŵi, cha mkuŵa.

Yeremiya 36:6

viyo urutenge ndiwe, ndipo pa zuŵa laki funga ŵanthu ŵachiwungana mu nyumba ya Ambuya, ukaŵerenge mazu gha Ambuya ghapa pepala gho walemba gho ndakunene. Wakughaŵerenga so ku ŵanthu wose ŵaku Yuda wo ŵatuma mu misumba yawo.

Yesaya 8:1

Sono Ambuya anguti kwaku ine, “Uto chakulembapo chikuru ulembepo mu malembo ghakuziŵikwa kuti, ‘Wa kwaku Maherashalala-hashibazi.’ ”

Sumu 40:7

Sono ndinguti, “Ehe, ndaza; mu chizinga cha buku mukurembeka vya paku ine.

Ezra 6:2

Ndipo mu Ekebatana wo ndi msumba ukuru mu chigaŵa cha charu cha Media, mungusanirika kalata wa mazu yagha ghakuti, “Chikumbusku.

Hoseya 8:12

Chingana ndingumurembe marangu vikwi chumi (10,000) ghatinge ghapimikenge nge nchinthu cha waka.

Yeremiya 45:1

Mazu gho Yeremiya mchimi wangurongoro kwaku Baruki mwana waku Neriya, penipo walembanga mazu yagha mu buku wachimunene Yeremiya, mu chirimika cha chinayi chaku Yehoyakimu mwana waku Josiya karonga waku Yuda:

Yeremiya 36:29

Ndipo gha paku Yehoyakimu karonga waku Yuda unenenge kuti, ‘Viyo atiti Ambuya, Wawocha buku ili ndipo utiti, “Chifukwa chine walemba kuti karonga wa Babiloni wakazanga kubwanganduwa charu ichi, ndi kutuzgamo ŵanthu ndi nyama?”

Yeremiya 2:4

Vwani mazu gha Ambuya, mwa nyumba yaku Yakobe, ndi mphapu zose za nyumba yaku Yisraele.

Yeremiya 1:5

“Ndenga ndindakupange mu chibali ndingukuziŵa kale, ndipo wenga undapapike ndingukupatuwa kale; ndingukusankha kuŵa mchimi ku mitundu.”

Jobu 31:35

Owe! Mphanyi wengapo wakundivwa! (Chidindu changu ndi ichi! Wanthazizose wandimuke!) Kuti mphanyi wanguremba cha buku murwani wangu!

Marangu 31:24

Penipo Mosese wanguti wamara kulemba dangu ili mu buku,

ŴaHebere 10:7

Sono ndinguti, ‘Awona, ndaziya mu chizinga cha buku kwalembeka paku ine kwachichita khumbu linu, Achiuta.’”

Yeremiya 1:9

Sono Ambuya angutambaruwa janja lawo ndi angukwaska mlomo wangu, ndipo anguti kwaku ine, “Ehe ndaŵika mazu ghangu mu mlomo wako.

Yeremiya 36:14

Sono ŵaraŵara wose ŵangutuma Yehudi mwana waku Netaniya, mwana waku Shelemiya, mwana waku Kushi, kwachikamba ndi Baruki, “Uzi nalo kuno buku lakuzinga lo unguŵerenga mu makutu gha ŵanthu.” Viyo Baruki mwana waku Neriya wanguto buku lakuzinga ndi wanguza kwaku wo.

Yeremiya 36:18

Baruki wanguŵamuka kuti, “Wangundipatauliya mazu yagha ghose, sono ine ndaghalembanga ndi inki mu buku lakuzinga.”