Yeremiya 34:8 - Tonga Bible 1986

⁸ Mazu ghenigho ghanguza kwaku Yeremiya kutuwa ku Ambuya, pavuli Karonga Zedekiya wati wachita phanganu ndi ŵanthu wose mu Yerusalemu kuchita mumemezu wa wanangwa kwaku wo,

Yeremiya 34:8 Referans Kwoze

ŴaLevi 25:10

Ndipo mukapatuwanga chirimika cha machumi ghankhonde (50), ndi kumemeza wanangwa ku ŵanthu wose ŵakuja mu charu cho; ndipo mukakondwanga ndi kwangara mose penipo we yose wakaweriyanga kwake ko kwe vinthu vyake ko kwe mbumba yake.

Yeremiya 34:17

Chifukwa cho, viyo atiti Ambuya: Mulivi kundivwiya ine kumemeza we yose ku mwana munyake ndi ku mzengezgani wake; wanangwa, ehe, nditikupaskani wanangwa waku lipanga, waku chideru, ndi wanangwa waku chilala, atiti Ambuya. Ndikamuchitaninga kuŵa chakofya ku maufumu ghose gha charu chapasi.

2 ŴaKaronga 11:17

Ndipo Yehoyada wanguchita phanganu pakati pa Ambuya ndi karonga ndi ŵanthu, ŵakaŵanga ŵanthu ŵa Ambuya, ndipo ndi pakati pa karonga ndi ŵanthu.

Yesaya 61:1

Mzimu wa Ambuya Chiuta wa paku ine, chifukwa Ambuya andipaka ine kutole makani ghamampha mu ŵakuyuzgika; andituma kwachimanga ŵakusweka mtima, kumemeza chifwatuwa ku ŵamagoŵa, ndi kujurika kwa nyumba ya magoŵa kwaku wo ŵakumangika;

Nehemiya 9:38

Chifukwa chaku ivi vyose tichita phanganu lakukho ndi kulilemba ndi ŵanangwa ŵidu, ŵaLevi ŵidu ndi ŵazukuru ŵidu, tiŵikapo chizighiriyo paku lo.

2 Mikoka 29:10

Sono ichi che mu mtima wangu kuchita phanganu ndi Ambuya, Chiuta, waku Yisraele, kuti ukari wake wakofya utuwepo paku ifwe.

2 Mikoka 23:16

Ndipo Yehoyada wanguchita phanganu pakati pake ndi ŵanthu wose, ndi pakati pa karonga, kuti ŵaŵenge ŵanthu ŵaku Chiuta.

Marangu 15:12

“Asani mbali winu, muHebere munthurumi, pamwenga munthukazi waguliskika kwinu, wakakuteŵetiyaninga virimika vinkhonde ndi chimoza, ndipo mu chirimika cha chinkhonde ndi chiŵi, mukamulekanga, warutenge kwawanangwa.

Yesaya 58:6

“Kumbi kufunga ko ine ndisankha asi ndi uku: kufwatuwa vimangiru vya uheni, kufwatuwa mikoŵa ya gori, kupaska wanangwa ku ŵakuyuzgika, ndi kuswa gori le lose?