Yeremiya 34:5 - Tonga Bible 1986

⁵ Ukafwanga mu chimangu. Ndipuuli nge ndimo ŵangoche ausu, vyachema, ŵakaronga ŵakali ŵeniwo ŵengako paurongo pako, viyo ŵanthurumi ŵawochenge vyachema ndi kukuliliya, kuti, “Owe ambuya!” ’ Pakuti ndakamba mazu, atiti Ambuya.”

Yeremiya 34:5 Referans Kwoze

Yeremiya 22:18

Chifukwa cho atiti Ambuya paku Yehoyakimu mwana Josiya, karonga waku Yuda: “Kuti wakamutenjerenga cha kuti, ‘Owe mzichi wangu!’ Pamwenga ‘Owe mbumba yangu!’ Kuti wakamutenjerenga cha, kuti ‘Owe mbuyangu!’ Pamwenga ‘Owe chiyembwe!’

2 Mikoka 16:14

Ŵangumuŵika mu muunda wake wo wangujinozge yija mu msumba waku Davidi. Ŵangumgoneka pa chita chakuzaza ndi vyachema vya mtundu mtundu, vyakunozgeka ndi ŵakupanga minkhwara, ndipo ŵangusonkha chi moto chikuru mwakumtumbika.

Danyele 2:46

Viyo karonga Nebukadanezara wanguwa kavunama, kulambiya Danyele, ndipo wangulangula kuti sembe ndi vya chema vipasikeke kwaku iyo.

Ezekiele 17:16

Mo ndiliri wamoyo, atiti Ambuya Chiuta, kwakuneneska mu malo mo karonga waja yo wangumuŵika kuŵa karonga, yo wanyoza rapu lake, yo watuswa phanganu lo wangupangana nayo, mu Babiloni wakafwanga.

Chitenje 4:20

Muvuchi wamu mphunu zidu ifwe tawakupakika wa Ambuya, ungutoleka mu mazenje ghako, iyo mweniyo tingumukamba, “Pasi pa chiduzi chake tikawanga wamoyo mu wamitundu.”

2 Mikoka 34:28

Awona ndikuwunjikenge ku ambuyako, uŵikikenge ku muunda wako mu chimangu, maso ghako kuti ghawonenge cha uheni wose wo ndizenge nawo mu malo yagha ndi pa ŵanthu ŵake wo ŵe mwenimo.’ ” Ndipo viyo ŵanguwe ndi mazu yagha ku karonga.

2 ŴaKaronga 22:20

Chifukwa cho, ehe, ndikakuwunjikanga pamoza ndi ausu, ndipo ukasikiyanga ku muunda wako mu chimangu, ndipo maso ghako kuti ghakawonanga mauheni ghose gho ndikatolenga pa malo yagha cha.’” Ndipo ŵanguwezge mazu ku karonga.

Yeremiya 34:4

Kweni ivwa mazu gha Ambuya, Zedekiya we, karonga waku Yuda, viyo atiti Ambuya gha paku iwe: ‘Kuti ukafwanga ndi lipanga cha.

1 Samuele 31:12

vinkhara vyose vingusoka, ŵangwenda usiku wose, ŵangwachipawuwa chitanda chaku Sauli ndi vitanda vya ŵana ŵake pa chimati chaku Beteshani; ŵanguza navyo ku Yabeshe ndipo ŵanguvyocha kweniko.