Yeremiya 33:4 - Tonga Bible 1986

⁴ Pakuti viyo atiti Ambuya, Chiuta waku Yisraele, gha pa nyumba zamu msumba uwu ndi nyumba za ŵakaronga ŵaku Yuda zo zingubwangandulikiya pasi kwachichita linga lakujivikiriya ku vimbumira vya wakuzinga ndi ku nkhondo:

Yeremiya 33:4 Referans Kwoze

Habakuku 1:10

Ŵaseka ŵakaronga, ndipo mafumu ŵaghanyoza. Ŵaseka pa malinga ghose, chifukwa ŵarunda ndundu ya dongo ndi ŵayito.

Ezekiele 4:2

ndipo paŵe nchitu yakuwujara, uwuzenge linga ndi kuwuchitiya chimbumira; uwuzenge so misasa kumikana nawo, ndipo uŵike mizinga kwakuzunguliya yirazgani nawo.

Yeremiya 32:24

Ehe, vidya vya ŵakuzinga vyafika ku msumba kuti ŵauthereske; ndipo chifukwa cha lipanga ndi chilala ndi chideru, msumba waperekeka ku ŵaKaldiya ŵeniwo ŵarwana ndi msumba wo. Chenicho imwe mungukamba chafiskika, ndipo ehe, mutichiwona.’

Ezekiele 21:22

Mu janja lake la marghe mutuwa mphenduzga yapa Yerusalemu, kujura mlomo ndi kuliya, kusoska mazu ndi kubangula, kumika vyakugumuliya pa malikomo, kuviwunjika vimbumira, kuzenga vitanthali vya nkhondo.

Ezekiele 26:8

Ku mtunda wakabayanga ŵana ŵako ŵanthukazi ndi lipanga; wakakuzengiyanga linga, ndi kuwunjika chimbumira paku iwe, ndi kusoska mtenje wa zinguru paku iwe.

Yesaya 32:13

pakuti mu nyata ya ŵanthu ŵangu mwame minga ndi kankhande, inya, chifukwa cha nyumba za kukondwa mu muzi walikondwa.

Yesaya 32:14

Pakuti nyumba ya ufumu yikajowolekanga, msumba wa ŵanthu ŵanandi ŵakawuthaŵanga; mtunthu ndi sonjo waulonda vikaŵanga zimphanji muyaya, likondwa la ŵaboli, malo gha uliska wa vyakuŵeta,

Yeremiya 6:6

Pakuti Ambuya ŵa maŵanja ŵakati viyo: “Dumuliyani pasi miti yake; ungani mugandu kuzunguliya Yerusalemu. Uwu ndiwo msumba wo utenere kulangika mulivi kanthu kanyake kweni kunyekezgeka pe mukati mwake.

Chitenje 2:7

Ambuya ayeya chigaŵa chawo cha sembe, apata malo ghawo ghakupaturika; apereka vimati vya nyumba zake za ufumu mu janja la wakupindikana; kuliya kukuru kunguchitika mu nyumba ya Ambuya, nge mpha zuŵa la dghera lakutemeka.

Marangu 20:20

Mungatema miti yo kuti vipasi vyake virghika cha mwakuti mukachitiye nchitu yakugoŵe msumba wo umikana namwe mpaka ubwangandurike.

Yesaya 22:10

munguŵerenga nyumba zamu Yerusalemu, ndipo mungubwanganduliya pasi nyumba kuvikiriya linga.