Yeremiya 33:3 - Tonga Bible 1986

³ Danani kwaku ine ndipo ndikwamukeninga, ndikuneniyeninga vinthu vikuru ndi vyakubisika vyo mulivi kuviziŵapo.

Yeremiya 33:3 Referans Kwoze

Yeremiya 29:12

Po ndipo mukandananga paku ine ndi mukazanga kuromba kwaku ine; ndipo ndikamuvwaninga.

Yesaya 65:24

Ŵenga ŵandadane, ine ndamukenge, penipo ŵeche kurongoro, ine ndikavwanga.

ŴaEfeso 3:20

Sono kwaku mweniyo ngwanthazi kwachichita ukongwa limu kwakuruska vyose vyenivyo tipempha chingana nkhupima, kwakuyana ndi nthazi yo yakutataliya mwidu,

Yesaya 48:6

“Mukuvwa, sono onani ivi vyose; kumbi kuti muchitaulenge cha? Kwamba nyengo yino kuya kuurongo nditumuvwiskani vinthu vifya, vinthu vyakubisika vyo mulivi kuviziŵa.

Sumu 91:15

Ŵakandidananga, ndikaŵamukanga; ŵachiŵa musuzgu, ndikaŵanga pamoza nawo ndiŵapozomoskenge ndi kuŵatumbika.

Marangu 4:29

Kweni mwamupenja Ambuya Chiuta winu mweche kwenikuwa, ndipo mwakumusaniya asani mwakumupenja ndi mtima winu wose ndi umoyo winu wose.

Sumu 50:15

undidane mu zuŵa la suzgu; ndikupozomoskenge, ndipo undikankhuskenge.”

Sumu 145:18

Ambuya epafupi kwaku wose wo ŵatiŵadana, wo ŵatiŵadana mu uneneska.

Marangu 4:7

Pakuti palivi mtundu ukuru wa ŵanthu wo ŵendi chiuta pafupi nawo, mo Ambuya Chiuta walili pafupi ndi ifwe penipo titumudaniya?

Machitidu gha Ŵakutumika 2:21

ndipo kukaŵanga kuti yose yo wangadana zina la Mbuya, wakataskikanga.’

Amosi 3:7

Nadi Ambuya Chiuta kuti wachita kanthu cha kakuwubende, kwambura kuti wadanga wakavumbuliya ku ŵateŵeti ŵake ŵamchimi.

Sumu 25:14

Ambuya ndi bwezi laku ŵeniwo ŵati ŵawopa, ndipo phanganu lawo atiŵaziŵiska.

Yesaya 45:3

ndikupaskenge mauromba gha mu mdima ndi mauromba gha mu malo ghakubisika, alinga kuti uziŵe kuti ndine, Ambuya, Chiuta waku Yisraele, yo watukadana iwe ndi zina lako.

Chivumbuzi 2:17

Yo we ndi gutu wavwenge cho Mzimu ukamba ku mipingu. Ku wakupunda yo nkhampaskangapo vya mana gho ghakubisika, ndipo nkhampaska nga mwa utuŵa, ndi pa mwa wo zina lifya lakulembekapo, lenilo palive yumoza watiliziŵa, kweni yo waronda pe ndiyo.’

Mateyu 13:35

Alinga kuti lifiskike nenedu lamu mchimi, yo, wakuti, “Ndibanuliyenge mu zintharika mlomo wangu; ndikambenge vyo vikubisika kutuwa kukujarikika kwa charu.”

Mika 7:15

Nge ndi mu mazuŵa pomwa tuwanga mu charu cha Egipiti, nkhaŵalongonga vinthu vyakuziziswa.

Yoele 2:32

Ndipo kuŵenge kuti, yose yo wadanenge pa zina laku Chiuta wataskikenge; chifukwa mu phiri Zioni ndi mu Yerusalemu ŵakaŵangamo wo ŵapozomokenge, nge ndimo Ambuya anene; ndipo mwaku wo ŵajako ndi umoyo, muŵenge wo Ambuya atuŵandana.

1 ŴaKorinte 1:2

ku mpingu waku Chiuta wamu Korinte, ku ŵakupaturika mwaku Kristu Yesu, wakudanikiya kuŵa wakupaturuka, pamoza ndi wose mu malo ghose wo ŵadana pa zina laku Yesu Kristu Mbuyafwe, tose pamoza Mbuya wawo ndi widu.

Yeremiya 23:35

Mukakambanga viyo, we yose ku mwanasi wake ndi we yose ku mwana munyake, ‘Kumbi Ambuya ŵamukanje?’ pamwenga ‘Ambuya ŵakambanje?’

Yeremiya 32:17

‘Owe Ambuya Chiuta! Ndimwe mukwata machanya ndi charu chapasi ndi nthazi yinu yikuru ndi janja linu lakutambaruka! Palivi cho nchinonono kwaku imwe.

Yeremiya 32:27

“Ehe, ndine Ambuya, Chiuta wa vinthu vyose; kumbi kalipo kanthu ko nkhanonono kwangu?

Danyele 2:18

ndipo wanguŵanene kuromba lisungu laku Chiuta wa kuchanya, pa chamuchibisibisi ichi. Mwakuti Danyele ndi ŵamoza nayo ŵareke kubayikiya pamoza ndi ŵazeru ŵamu Babiloni.

Danyele 2:22

wavumbuwa vyamu ndimba ndi vinthu vyamuchibisibisi, waziŵa cho chemu mdima, ndi ukweru we kwaku iyo.

Danyele 2:23

Kwaku imwe, Chiuta wa ŵada, ndipereka viwongo ndi marumbu, chifukwa mwandipaska zeru ndi nthazi, ndipo sono mwandivumbuliya cho tingufumba kwaku imwe, chifukwa mwativumbuliya makani gha karonga.”