Yeremiya 33:10 - Tonga Bible 1986

¹⁰ “Viyo atiti Ambuya: Mu malo yagha ghenigho mutighanena kuti, ‘Ndi mapopa mwambura munthu pamwenga nyama,’ mu misumba yaku Yuda ndi miseu ya Yerusalemu yeniyo nja uyiku, yambura munthu, pamwenga wakujamo, pamwenga nyama, mwazamuvwika so

Yeremiya 33:10 Referans Kwoze

Yeremiya 32:43

Minda yikagulikanga mu charu ichi chenicho mutichinena kuti, ‘Ndi mapopa, mo mulivi munthu pamwenga nyama, chikupaskika ku ŵaKaldiya.’

Ezekiele 37:11

Penipo angunena nane, “Mwana wa munthu, viwanga ivi ndi nyumba yose yaku Yisraele. Awona, ŵatiti, ‘Viwanga vidu vyamira, chigomezgu chidu chawara, tadumurika kwamara.’

Yeremiya 32:36

“Chifukwa cho sono Ambuya atiti, Chiuta waku Yisraele, gha pa msumba uwu weniwo imwe mutiti, ‘Wapaskika mu janja la karonga wa Babiloni ndi lipanga, ndi chilala, ndi chideru’:

ŴaLevi 26:32

Ndipo nkhapasuwanga charu cho, viyo kuti ŵamawongo ŵinu wo ŵajengemo ŵakazizwanga pakuchiwona.

Yeremiya 26:9

Chifukwa chine wachimiya mu zina la Ambuya kuti, ‘Nyumba iyi yikaŵanga uli ndi Shilo, ndipo msumba uwu ukaŵanga mapopa, mwambura munthu wakujamo?’ ” Ndipo ŵanthu wose ŵanguunjikana kwakuzunguliya Yeremiya mu nyumba ya Ambuya.

Yeremiya 34:22

Ehe, ndikalanguranga, atiti Ambuya, ndipo ndikaŵawezgiyanga ku msumba uwu; ndipo ŵazamukurwa nawo, ndi kuwocha ndi moto. Ndikachitanga misumba yaku Yuda kuŵa mapopa mwambura wakujamo.”

Hagayi 1:4

“Kumbi ndi nyengo iyi kwaku imwe kuja mu nyumba zamampha zamathabwa ghakupala, penipo nyumba iyi njakupasuka?

Sumu 85:7

Tirongoni chanju chinu chakufikapo, Ambuya, ndipo utaski winu tipaskeni.

Sumu 147:13

Ndiyo wasunga gha nthazi malikomo ghako; watumbika ŵana ŵako mukati mwako.