Yeremiya 32:41 - Tonga Bible 1986

⁴¹ Ndikakondwerenga mu kuŵachitiya umampha iwo, ndipo ndikaŵapandanga mu charu ichi, ndi mtima wangu wose ndi mzimu wangu wose.

Yeremiya 32:41 Referans Kwoze

Yeremiya 24:6

Ndikalereskanga iwo kuŵachitiya umampha, ndipo ndikaŵawezgiyanga ku charu ichi. Ndikaŵazenganga, ndi kuti ndiŵapasuliyenge pasi cha; ndikaŵapandanga, ndipo kuti ndikaŵazuwanga cha.

Zefaniya 3:17

Ambuya Chiuta wako, we mukati mwako, wanthazi yo wapaska upundi. Wakondwenge paku iwo ndi chimwemwe, wakusanduskenge mufya mu chanju chake.

Amosi 9:15

Ndiŵapandenge pa charu chawo, kuti ŵakazuwikanga so cha mu charu cho ndaŵapaska,” atiti Ambuya Chiuta winu.

Yesaya 62:5

Pakuti mo munyamata watole mwali, viyo ŵana ŵinu ŵakatonga imwe, nge ndimo mweninthengwa wakondwe pa mwali yo wato, viyo so ndimu Chiuta wakondwere paku imwe.

Yesaya 65:19

Ndikakondwanga mu Yerusalemu ndikasekerenga mu ŵanthu ŵangu; chiwawa cha kuliya kuti chikavwikanga so cha mwaku iyo ndi kuliya kwa masuzgu.

Yeremiya 31:28

Ndipo kukaŵanga, uli ndipo ndaŵalereze pa kupawuwa ndi kufyore pasi, kuwiska, kunanga, ndi kutoliyapo chiheni, viyo ndikaŵalereziyanga so pa kuzenga ndi kupanda, atiti Ambuya.

Yeremiya 18:9

Ndipo asani pa nyengo ye yose nditaula pa mtundu pamwenga ufumu, kuti ndikauzenganga ndi kuwupanda,

Marangu 30:9

Ambuya Chiuta winu wakamusakatiskaninga kwakuzara mu nchitu yose ya janja linu, mu chipasi cha liŵavu linu, ndi chipasi cha ng'ombe zinu, ndi mu chipasi cha minda yinu. Pakuti Ambuya akaŵikangapo so mtima pakumusakatiskani uli ndimo anguchitiya ndi auskemwe,

Marangu 28:63

Ndipuuli ndimo wangukondwere kumuchitiyani umampha ndi kumwandaniskani, ndimo Ambuya akakondwiyanga mu kutole pharghang'iku pinu ndi kumumarani, ndipo mukazuwikanga mu charu chenicho mukaserengamo kwachiŵa chinu.

Sumu 80:8

Munguza ndi mphereska kutuwa ku Egipiti; mungudikiskamo mitundu mu charu ndipo munguyipanda.

Yesaya 62:4

Kuti mukadanikanga so Ŵakujoworeka cha ndipo charu chinu kuti chikadanikanga Mapopa cha; kweni mukadanikanga likondwa Langu le mwake (Hefiziba), ndi charu chinu Wakuŵirwa (Beula); pakuti Ambuya akondwere mwaku imwe, ndipo charu chinu chikaŵirwanga.

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Yesaya 60:21

Ŵanthu ŵinu wose ŵakaŵanga ŵakongorekwa; wakaharanga charu cho muyaya, mphanda ya kupanda ine, nchitu ya manja ghangu, alinga kuti ndikankhuskike.

Ezekiele 36:36

Penipo ndipo ŵa mitundu wo ŵakusiyika kuzingirizga imwe ŵakaziŵanga kuti ine, Ambuya, ndazenga malo ghakubwanganduka, ndapanda so gho ghanguŵa phasulu; ine, Ambuya, ndakamba, ndipo ndikachichitanga.

Hoseya 14:5

Ndiŵenge nge ndi dungwi kwaku Yisraele, wakaŵanga ndi maluŵa nge ndi lombo; ndi kuthaza misisi yake nge ndi mukongwe.