Yeremiya 32:21 - Tonga Bible 1986

²¹ Mungutuzga ŵanthu ŵinu ŵaYisraele mu charu cha Egipiti ndi visimikizgu ndi vyakuziziswa, mungutambaruwa janja la nthazi, ndi kofyeska ŵanthu ukongwa;

Yeremiya 32:21 Referans Kwoze

Marangu 26:8

Sono Ambuya angutituzga mu Egipiti ndi janja lakutambaruka, ndi chofyu chikuru, ndi visimikizgu, ndi vyakuziziswa.

Chituwa 6:6

Viyo kamba ku ŵaYisraele, ‘Ndine Ambuya, ndipo ndikakutuzganingiko kusi ku mphingu za ŵaEgipiti, ndipo ndikakupozomoskaninga ku uŵanda wawo, ndipo ndikakuwomboninga ndi janja lakutambaruwa ndipo ndi nchitu zikuru za cheruzgu,

Sumu 105:43

Viyo angutuzga khamu lawo ndi chimwemwe, ŵanthu ŵawo ŵakusankhika ndi kusekere kukuru.

Sumu 105:37

Penipo angutuzga ŵaYisraele, ŵangupinga siliva ndi golide, ndipo wose ŵenga ŵa umoyo wamampha ndi ŵanthazi.

1 Mikoka 17:21

Ndi mtundunji wa ŵanthu panu pasi wo ukukozgana ndi mtundu winu Yisraele weniwo Chiuta wanguruta kuŵawombo kuti, ŵaŵe ŵanthu ŵake, kujiyuskiya mwaŵeni zina mu vinthu vikuru ndi vinthu vyakofya, pakudikiska mitundu paurongo pa ŵanthu ŵinu wo munguŵawombo kutuwa ku Egipiti.

1 ŴaKaronga 8:42

(pakuti ŵakavwanga ghazina linu likuru, ndi janja linu la nthazi, ndi mkono winu wakutambaruka), asani watuza kuzachiromba kuratana ndi nyumba iyi,

Marangu 4:34

Paŵavi chiuta nanga njumoza yo wesapo kuruta ndi kwachijitore mtundu wa ŵanthu mukati mu mtundu wa ŵanthu ŵanyake, ndi kuŵasosomo ndi visimikizgu ndi vyakuziziswa, ndi nkhondo, ndi janja la nthazi ndi mkono wakunyoroka, ndi vyakofya vikuru kwakuringana ndi vyose vyo Ambuya Chiuta winu wangukuchitiyani mu Egipiti pa maso ghinu?

Chituwa 13:14

Ndipo asani mu nyengo yo yituza mwana winu munthurumi watikufumbani, ‘Ching'anamuwanji ichi?’ Mutinge kwaku iyo, ‘Ndi nthazi ya janja Ambuya angutituzga mu Egipiti, ku nyumba ya uŵanda,

Chituwa 13:9

Ndipo chikaŵanga kwaku imwe nge nchisimikizgu pa janja linu ndipo nge nchikumbusku pakati pa maso ghinu, alinga kuti dangu la Ambuya liŵenge mu mlomo winu; pakuti ndi janja la nthazi Ambuya akutuzgani mu Egipiti.

Chituwa 6:1

Kweni Ambuya anguti kwaku Mosese, “Sono ukawonanga chenicho ndikachitanga kwaku Farao pakuti ndi nthazi wakaŵatuzganga, inya ndi nthazi wakaŵadikiskanga mu charu chake.”

Marangu 7:19

vyakwese vyo maso ghinu ghanguwona, visimikizgu vyakuziziswa, janja lanthazi ndi mkono wakutambaruka, ndi vyenivyo Ambuya Chiuta winu wangumutuzgani navyo. Ndimo Ambuya Chiuta winu wakachitiyanga ku ŵanthu wose ŵeniwo mutopa.

2 Samuele 7:23

Ndi mtundu nuwu unyake pa charu chapasi wo uyana ndi khamu linu Yisraele, ŵeniwo Chiuta wanguruta kwachiŵawombo kuti ŵaŵe wanthu ŵake, kujichitiya mweneko zinandi kuŵachitiya vinthu vikuru ndi vyakofya pa kudikiskiya kubwalo mutundu ndi ŵachiuta ŵake paurongo pa ŵanthu ŵake?

Chituwa 3:20

Viyo ndikatambaruwanga janja langu ndi kukoso Egipiti ndi vya minthondwi vyose vyenivyo ndikachitanga mukati mwake, pavuli paku vyo wakamuzomerezganinga kuruta.

Marangu 11:3

visimikizgu vyake, ndi nchitu zake zo wachita mu Egipiti kwaku Farao, karonga wa Egipiti, ndi ku charu chose cho.

Yesaya 63:12

mweniyo wangutambaruwa janja lake la unkhankhu kuruta ku janja la marghe laku Mosese, mweniyo wangugawuwa maji paurongo pawo kujichitiya mweneko zina la muyaya,