Yeremiya 30:8 - Tonga Bible 1986

⁸ “Ndipo kwazamukuŵa mu zuŵa lo, atiti Ambuya ŵa maŵanja ndazamufyo gori pa khosi lawo, ndikapasuwanga ma unyoro, ndipo ŵalendo kuti ŵakaŵaŵetanga so cha.

Yeremiya 30:8 Referans Kwoze

Ezekiele 34:27

Miti ya mudondo yipasenge vipasi vyawo, ndipo charu chapasi chipaskenge mwandanu wake, ndipo zikajanga kwakufwasa mu charu chawo, ndipo zikaziŵanga kuti ine ndine Ambuya, penipo ndikafyonga minthambi gori lawo, ndikuzipozomoska mu janja laku wo ŵanguziko umkoli.

Nahumu 1:13

Ndipo sono ndiswenge goŵa lake lituweko kwako, ndi ndidumuwenge vimangilo vyako pakati.”

Yeremiya 27:2

Viyo anguti Ambuya kwaku ine: “Ujichitiye vyakumangiya vyachikumba ndi magori, ndipo uviŵike pa khosi lako.

Yesaya 9:4

Pakuti gori la mphingu yake, ndi katundu wapa pheŵa lake, ndodo ya wakumusuzga iyo, imwe mwafyo ulaka mpha zuŵa liya laku Midiani.

Yeremiya 28:10

Sono mchimi Hananiya wangutuzgapo gori pa khosi laku Yeremiya mchimi, ndi wangulifyo.

Yeremiya 28:13

“Ruta, kamunene Hananiya, ‘Atiti Ambuya, Iwe wafyo magori gha muti, kweni mu malo ghawo ndikachitiyangamo magori gha chisulo.

Yeremiya 27:7

Mitundu yose yikamuteŵetiyanga iyo ndi mwana wake ndi ŵazuku ŵake, mpaka penipo nyengo ya kunangiya charu chake yafika, po ndipo mitundu yinandi ndi ŵakaronga ŵakuzirwa ŵazakumusanduska kuŵa muŵanda wawo.

Yeremiya 25:14

Pakuti mitundu yinandi ndi ŵakaronga ŵakuvwika ŵakaŵachitanga uŵanda, ndipo ine ndikaŵaripilanga kwakulingana ndi nchitu zawo ndi nchitu za manja ghawo.”

Yeremiya 2:20

“Pakuti ndikale ukongwa mungufyo gori linu ndipo munguphwatuwa vimangiro vinu, ndipo munguti, ‘Kuti nditataliyenge cha!’ Inya, pa phiri lose litali ndi msina muti wose uŵisi mungujikaniya nge ndi munthukazi mureŵi.

Yesaya 14:25

kuti ndikaswanga mu Asiriya mu charu changu, ndi pa mapiri ghangu ndimupwatiyenge pasi pa rwayo; ndipo goŵa lake likatuwangako kwaku wo, ndi katundu wake kupheŵa lawo.”

Yesaya 10:27

Mu zuŵa liya mphingu yake yikatuwangapo pa pheŵa linu, ndipo goŵa lake likaphwanyikanga pa khosi linu.” Waruta wakwere kutuliya ku Rimoni,

Yeremiya 28:4

Ndikawezgiyanga so Yekoniya mwana waku Yehoyakimu, karonga waku Yuda, ku malo yagha ndi ŵamikoli wose ŵakutuwa mwaku Yuda wo ŵanguruta ku Babiloni atiti Ambuya, pakuti ndikafyonga gori la karonga wa Babiloni.”

Sumu 107:14

Anguŵatuzga mu mdima ndimu munkhorwi, ndi kudumuwa ma unyoro ghawo.

Ezekiele 30:18

Pa Tehafenesi lumwi likaŵanga mdima, po ndiphwanya ufumu wa Egipiti kwenikuwa, ndipo nthazi ya kujikuzga kwake yikamaranga; wakabenekerekanga ndi mtambo, ŵana ŵake ŵanthukazi ŵakarutanga ku umkoli.

Yesaya 14:1

Ambuya akaŵanga ndi chitima paku Yakobe ndipo akasankhanga so Yisraele, akaŵaŵikanga mu charu chawo ndi chawo, ŵalendo ŵakajisazganga kwaku wo, ŵakajibatikanga ku nyumba yaku Yakobe.

Yesaya 14:3

Pa nyengo yo Ambuya akupaskani chipumulo ku urwirwi winu ndi kukutimbanizgika ndi ku kutakataka kuzitu ko ŵangumutakatiskani,