Yeremiya 30:16 - Tonga Bible 1986

¹⁶ Chifukwa cho wose wo ŵatikuphwanya ŵakaphwanyikanga, ndipo ŵakupindikana ŵako wose, yumoza ndi yumoza ŵakarutanga mu uŵanda wo ŵatukuskoŵa ŵakaskoŵekanga, ndipo wose wo ŵatukurgha ndikaŵachitanga kuti nawo ŵarghike.

Yeremiya 30:16 Referans Kwoze

Yeremiya 10:25

Punguliyani ukari winu pa mitundu yeniyo yireka kumuziŵani imwe, ndi pa ŵanthu wo kuti ŵadana pa zina linu cha, pakuti ŵamuzwanduwa Yakobe; ndi kumurgha, ndipo ŵapopeska charu chake.

Yesaya 33:1

Soka lo, wakubwanganduwa we, iwe wamweni kuti wabwanganduka cha; wakuchita chiŵembu we, kweni iwe palivi yo wakuchitiya chiŵembu! Utakuti wamara kubwanganduwa, iwe nawe ukabwangandurikanga; ndipo penipo wamara kuchita vya chiŵembu, iwe nawe kukachitikiyanga chiŵembu.

Chituwa 23:22

“Kweni asani mukategherezganga kwakuphwere ku mazu ghake ndi kuchita chose cho ndikamba, po ndipo ine ndikaŵanga mphindikwa ya mphindikwa zinu, ndi wamawongo wa ŵamawongo ŵinu.

Zekariya 2:8

Chifukwa atiti viyo Ambuya ŵa maŵanja, pavuli pa unkhankhu wawo angundituma ku mitundu yo yingumuskoŵani; chifukwa yo wakwaska imwe, ndikwesa wakwaska mboni ya jiso lawo:

Chivumbuzi 13:10

Asani munthu watemeke mkoli, ku mkoli wakenge; asani munthu wabayenge ndi lipanga, iyo nayo wabayikenge ndi lipanga. Panu pe unkhunthiya wa ŵakupaturika wo, ndi chivwanu chawo.

Zekariya 12:2

“Ehe, ndikhumba kuchita Yerusalemu kuŵa nkhombo yakutenthemeska ŵanthu wose kwakuzunguliya; kumuŵiyenge ndi Yuda so asani Yerusalemu wajarizgikenge.

Yoele 3:8

Ndiguliskenge ŵana ŵinu, ŵanthurumi ndi ŵana ŵinu ŵanthukazi mu janja la ŵana ŵaku Yuda, ndipo iwo aŵaguliskenge ku ŵaku Sabea mtundu wakutali; chifukwa Ambuya akamba.”

Yesaya 14:2

Ndipo ŵanthu ŵakaŵatonga ndi kuza nawo ku malo ghawo, nyumba yaku Yisraele yikaŵasunganga kuŵa ŵawo mu charu cha Ambuya nge mbaŵanda ŵanthurumi ndi ŵanthukazi, ŵakakonga umkoli ŵeniwo ŵanguko iwo umkoli, ndikuŵatufuliya ŵeniwo ŵangusuzga iwo.

Sumu 129:5

Wose ŵakutinkha Zioni, ŵathereskeka ndi ŵawezgeke kuvuli!

Zefaniya 2:8

“Ndavwa kulenga kwaku Moabu ndi kutuka kwa Amoni, mo walenge ŵanthu ŵangu, ndi kujikuzga ku mphaka zawo.

Habakuku 2:16

Wamukoreka ndi suzgu kwakuruska thumbiku. Mwanga nawi ndi yenda kwakuzendazenda! Chandi mu janja lamarghe la Ambuya chikazanga kwako, ndipo soni ziŵenge pa thumbiku la wo.

Nahumu 1:8

Kweni ndi kusapatiya kwa zandi amalizgiyenge limu ŵakupindikana nawo, ndi kudikiskiya ŵarwani ŵawo ku mdima.

Mika 7:10

Viyo murwani wanguwakawonanga, ndipo soni zikonge yo wanguti kwaku ine, “Ŵepani Ambuya Chiuta wako?” Maso ghangu ghamudodoleskenge; sono wakandirizgikiyenge pasi nge ndi dongo lamu gurwi.

Mika 4:11

Sono mitundu yawunjikanakumikana namwe, kuti, “Rekani ŵakazuzgike, ndi maso ghidu ghalereske pa Zioni.”

Ezekiele 35:5

Chifukwa unguŵa ndi kutinkha kwa muyaya, ungupereka ŵaYisraele ku nthazi ya uyi wa lipanga mu nyengo ya soka lawo, pa nyengo ya kulangika kwawo kwakumariya;

Ezekiele 29:6

“Penipo ndipo wose ŵakuja mu Egipiti ŵakaziŵanga kuti ine ndine Ambuya. Chifukwa chovyo cho iwe unguchita kuŵa Yisraele chinguŵa nge ndi ndodo ya dete,

Chitenje 1:21

“Avwani mo nditamanthiya; palivi yumoza wakundisangaruska. Ŵakupindikana ŵangu wose ŵavwavya suzgu yangu; mbakukondwa pakuti ndimwe mwachichita. Zani nalo zuŵa lo mwataula, ndipo muŵachite uli ndimo ndaŵiya ine.

Yeremiya 2:3

Yisraele wenga wakupaturika ku Ambuya, vipasi vyakudanga vya vuna yake. Wose wo ŵangurghapo vyo ŵangwananga; uheni unguza paku iwo, atiti Ambuya.”

Yesaya 54:17

palivi chidya cho chapangikiya paku iwe chikachitanga kanthu, iwe ukasuskanga lilime lose lenilo litukuyukiya mu cheruzgu. Ichi nchihara cha ŵateŵeti ŵa Ambuya, ndi kurunjiskika kwawo kwakutuliya kwangu, atiti Ambuya.”

Yesaya 54:15

Asani munthu wayuska ndeu, kuti njakutuwa kwangu cha; we yose wakwambana nawe ndeu wakawanga chifukwa chako.

Zekariya 14:2

Chifukwa ndiwunjikenge mitundu yose ya ŵanthu kurwana ndi Yerusalemu, ndipo msumba urondekenge ndi nyumba ziskoŵekenge, ndi ŵanthukazi ŵachichizgikenge; chigaŵa charwande cha msumba chiyorekenge kuruta ku uŵanda, kweni ŵanthu ŵakujako kuti ŵabayikenge cha mu msumba.

Zekariya 1:14

Mungelo wa Ambuya yo wakambanga nane wanguti kwangu, ‘Danirizga uti, Viyo atiti Ambuya ŵa maŵanja: Nde ndi sanje yikuru ndi Yerusalemu ndiso ndi Zioni.

Yeremiya 50:28

“Avwani! Ŵathaŵa ndi kunyeremuka ku charu cha Babiloni, kwachitaula mu Zioni thayu la Ambuya Chiuta widu, thayu lapa kasopi wake.

Yeremiya 25:12

Kweni pavuli pa virimika machumi ghankhonde ndi ghaŵi (70) ndikalanganga karonga wa Babiloni ndi mtundu weniuwa, charu cha ŵaKaldiya, chifukwa cha utimbanizi wawo, atiti Ambuya, charu chikaŵanga mapopa muyaya.

Yeremiya 12:14

Viyo atiti Ambuya pa ŵanyangu wose ŵaheni wo ŵakwaska charu chenicho ndikupaska ŵanthu ŵangu ŵaYisraele, kuchihara: “Ehe, ndikaŵazuwanga kutuwa mu charu chawo ndipo ndikazuwanga nyumba yaku Yuda mukati mwawo.

Yeremiya 8:16

“Kututa kwakukoroma kwa ŵakavalo ŵawo kuvwika kutuwa mu Dani, pakuvwa kuliya kwa ŵakavalo ŵanthurumi charu chose chiyaghayika. Ŵatuza kunanga charu ndi vyose, vyakuzaza mwaku cho, muzi ndi wose ŵakuja mwaku wo.

Yeremiya 30:15

Chifukwa chine uliya ndi kulasika kwako? Kuŵaŵa kwako nkhwambura mapozgeka. Ndachita vinthu ivi kwaku iwe, chifukwa kulakwa kwako nkhukuru, chifukwa mauheni ghako nganandi.

Marangu 30:7

Ndipo Ambuya Chiuta winu wakaŵikanga matembo yagha pa ŵakumutinkhani ndi ŵakupindikana ŵinu wo ŵamusuzganinga.

1 Samuele 17:53

Ndipo ŵaYisraele ŵanguwe kukudikiska ŵaFilisti.

Nthanthi 22:23

pakuti Ambuya akaŵakambiyanga murandu wawo ndi kupoka umoyo waku ŵeniwo ŵapoka umoyo wawo.

Chitenje 1:22

“Kuchita kose kuheni kwawo kuze paurongo pinu; ndipo muchiti nawo uli ndimo mwachitiya ine chifukwa cha mautimbanizi ghangu ghose; pakuti mitamanthu yangu njinandi ndipo mtima wangu walakatuka.”

Zekariya 1:15

Ndipo nditundiya ukongwa ndi mitundu yakufwasa; chifukwa penipo ndingukaripa kamanavi, iwo ŵangurutizga suzgu.

Zekariya 2:12

Ndipo Ambuya asankhenge Yuda nge ndi phande lawo mu charu chakupaturika cho, ndipo asankhenge so Yerusalemu.”