Yeremiya 30:10 - Tonga Bible 1986

¹⁰ Viyo reka kopa, Yakobe we, mteŵeti wangu, atiti Ambuya, chingana nkhufipa mtima, Yisraele we; pakuti ehe, ndikakutaskanga kutuwa kutali, ndi mbeu yako kutuwa ku charu cha uŵanda wawo. Yakobe wakawenga ndi kuja mu chisisi ndi kufwasa, ndipo kukaŵangavi wakumofya.

Yeremiya 30:10 Referans Kwoze

Hoseya 2:18

Ndipo mu zuŵa lo ndamukukuchitiya phanganu ndi nyama zamu dondo, ndi viyuni vya mude, ndi vithu vyakukwaŵa pasi. Ndipo nkhabwanganduwanga uta, lipanga ndi nkhondo mu charu ndi nkhamugonekanga kwakufwasa.

Yeremiya 29:14

Ndikasanirikanga ndi imwe, atiti Ambuya, ndipo ndikakuwezgiyaninga umampha ndikukuunjikani pamoza kutuwa ku mitundu yose ndiku malo ghose kweniko ndikukudikiskiyani, atiti Ambuya, ndipo ndikakuwezgiyaninga ku malo kweniko ndingumutuzgani kuya ku umkoli.

Yesaya 43:5

Mungopanga cha, pakuti nde namwe pamoza; ndikakuziyaninga ndi mphapu yinu kutuwa ku vuma, ndipo kutuwa ku zambwe ndikamuwunjikaninga.

Yesaya 44:2

Viyo atiti Ambuya wo angukupanga, wo angukuumba kutuwa ku chibali ndipo akakovyanga: Ungopanga cha Yakobe, mteŵeti wangu, Yeshuruni yo ndasankha.

Yesaya 35:9

Nkharamu kuti yizengemo cha, chingana nchikoko nacho so kuzamo cha; kuti vikasanirikangamo muwa cha, kweni ŵakutaskika ndiwo ŵakendanga mwenimuwa.

Yohane 12:15

“Mungopanga cha, mwa ŵanthu ŵaku Zioni: awona, Karonga wako watuza, wakugara pa mwana wa mbunda.”

Yeremiya 33:16

Mu mazuŵa ghenigha Yuda wakataskikanga ndi Yerusalemu wakajanga wakuvikiririka. Ndipo ili ndilo zina lo ŵakadanikanga nalo: ‘Ambuya mburunji widu.’

Yeremiya 23:8

kweni kuti, ‘Mo aliri Ambuya amoyo wo wangutuzga ndi kurongozga Yisraele kutuwa mu charu chaku nkhonde ndi kutuwa mu vyaru vyose vyenivyo anguŵadikiskiyako.’ Sono ŵakajanga mu charu cha ŵeneko.”

Yeremiya 23:3

Pavuli ndikaunjikanga ŵakujapo ŵa mskambu wangu kutuwa ku vyaru vyose kweniko ndinguŵadikiskiya, sono ndikaŵawezgiyanga ku khora lawo, ndipo ŵakaŵanga ŵakupapana ndi ŵakwandana.

Yeremiya 3:18

Mu mazuŵa gho nyumba yaku Yuda yikaŵanga pamoza ndi nyumba yaku Yisraele, ndipo wose pamoza ŵakatuwanga ku charu chaku nkhonde kuza ku charu chenicho ndingupaska auskemwe kuchihara.

Zekariya 3:10

Mu zuŵa lo, atiti Ambuya ŵa maŵanja, munthu yose wadanenge mwanase wake kuja pasi mu mphereska yake ndi mkuyu wake.”

Ezekiele 38:11

Kuti, ‘Ndikakweranga kulimbana ndi charu cha mizi yambura malinga; ndikarotokiyanga pa ŵanthu ŵachisisi wo ŵaja kwa kufwasa, wose ŵaja mwambura malinga, ŵalivi mipiringizgu pamwengamalikomo.’

Ezekiele 16:52

Nyamuwa soni zako, chifukwa ndiwe wapepuska cheruzgu ku ŵana ŵanyako; chifukwa cha mauheni ghako, maunyakazi ghanandi gho wachita kwakuruska iwo, viyo mbakurunjika iwo kwakuruska iwe. Uchiti soni, nawe unyamuwe kulengeskeka kwako, pakuti wachitiska kuti ŵana ŵanyako ŵawoneke kuŵa ŵakurunjika.

Yeremiya 30:3

Pakuti ehe, mazuŵa ghakazanga, atiti Ambuya, penipo ndikawezgiyanga umampha ŵanthu ŵangu, Yisraele ndi Yuda, atiti Ambuya, ndikaŵawezgiyanga ku charu chenicho ndingupaska auskeu, ndipo chikaŵanga chawo.”

Yeremiya 23:6

Mu mazuŵa ghake Yuda wakataskikanga, Yisraele wakajanga umamphavi ndipo ili ndilo zina wakadanikanga nalo: ‘Ambuya mburunji widu.’

Yesaya 54:4

“Ungopanga cha, pakuti kuti ukalengeskekanga cha; ungaghanaghananga cha, pakuti kuti ukatolekiyanga chilengesku cha; pakuti ukaruwanga chilengesku cha unyamata wako, kusekeka kwa uvyokoro wako kuti ukakumbukanga so cha.

Yesaya 46:13

Ndituza nacho pafupi chipozomosku changu, kuti che kutali cha, ndipo utaski wangu kuti ukasweranaga cha; ndikaŵikanga utaski mu Zioni; chifukwa chaku Yisraele unkhankhu wangu.”

Yesaya 46:11

Kudana chiyuni chikari kutuwa kuvuma munthu wa fundu yangu kutuwa ku charu cha kutali. Ndarongoro, ndipo ndikafiskanga; ndanozga kuchichita ndipo ndikachitangadi.

Chiyambo 15:1

Pavuli pa vinthu ivi mazu gha Ambuya ghanguza kwaku Abramu mu chakuwona, “Ungopanga cha Abramu, Ine nde nguru yako; mphoto yako yikaŵanga yikuru ukongwa.”

Yesaya 49:25

Kwakuneneska, viyo atiti Ambuya: “Chigana ŵamikoli ŵa chilimbi ŵangukwamphulika, ndi chakuliwa cha mweruzgi mukari chingataskika, kweni ine ndikalimbananga nawo wo ŵalimbana nawe, ndipo ndikataskanga ŵana ŵako.

Yesaya 14:3

Pa nyengo yo Ambuya akupaskani chipumulo ku urwirwi winu ndi kukutimbanizgika ndi ku kutakataka kuzitu ko ŵangumutakatiskani,

Yesaya 44:1

“Kweni sono ayivwa, Yakobe we muŵanda wangu, Yisraele mweniyo ndasankha!

Yeremiya 23:4

Ndikamikanga ŵaliska ŵeniwo ŵakaŵaphwerenga, ndipo ndi kuti ŵakaŵanga ndi mantha cha, chingana nkhudika nthazi; chingana nkhusoŵapo nanga njumoza nako so cha, atiti Ambuya.

Yeremiya 29:11

Pakuti ndiziŵa marongosoledu gha paku imwe, atiti Ambuya, marongosoledu gha umoyo wamampha, gha uheni cha, kukuwoneskani vyamampha vyo vituza ndi vyakugomezga.

Yeremiya 30:7

Owe! Zuŵa lo ndikurudi palive lakukozgana nalo; ndi nyengo ya suzgu yaku Yakobe; ndipuuli wakataskikangako kwaku lo.

Yoele 2:21

“Ungopanga wa charu, kondwa ndikusekere, chifukwa Ambuya achita vinthu vikuru!

Yesaya 49:12

Inya, yaŵa ŵakatuwanga kutali, inya, yaŵa ŵakutuwa ku nkhonde ndi kuzambwe, ndi yaŵa kutuwa ku charu cha Siyene.”

Danyele 12:1

“Pa nyengo yo Mikaeli, karonga mkuru, wayukenge, yo we ndi mtufu pa ŵanthu ŵinu. Ndipo yiŵengeko nyengo ya suzgu, yo chingana ndi kali yindaŵeko kutuwa po mtundu wa ŵanthu ukuŵiyako mpaka pa nyengo yiya; kweni pa nyengo yeniyiya ŵanthu ŵinu ŵataskikenge, yose yo zina lake lisanirikenge lakulembeka mu buku.

Hoseya 2:20

Ndikujaliyenge kuti uŵe wangu wamagomekezgeka ndipo uziŵenge Ambuya.

Hoseya 6:11

Ndipo so nawe Yuda vuna wakunozgeke. Po ndiwezga umampha wa ŵanthu ŵangu,

Mika 4:9

Sono uliliyanje ukongwa? Kumbi mulivi karonga mwaku iwe? Kumbi nchifukwa waupu wako wafwa po urwirwi wakuko nge ndi munthukazi yo wabala?