Yeremiya 3:18 - Tonga Bible 1986

¹⁸ Mu mazuŵa gho nyumba yaku Yuda yikaŵanga pamoza ndi nyumba yaku Yisraele, ndipo wose pamoza ŵakatuwanga ku charu chaku nkhonde kuza ku charu chenicho ndingupaska auskemwe kuchihara.

Yeremiya 3:18 Referans Kwoze

Yeremiya 31:8

Ehe ndikazanga nawo kutuwa ku charu cha ku nkhonde, ndi kuŵaunjika kutuwa kutali ku umari wa charu chapasi, mukati mwawo mwe wachiburumutiya, ndiwakupunduka, munthukazi wakuŵa ndi nthumbo ndi yo ŵemu urwirwi wakupapa, wose pamoza; mpingu ukuru, ŵakawerenga kuno.

Amosi 9:15

Ndiŵapandenge pa charu chawo, kuti ŵakazuwikanga so cha mu charu cho ndaŵapaska,” atiti Ambuya Chiuta winu.

Hoseya 1:11

ŴaYuda ndi ŵaYisraele ŵamuwunjikika pamoza, ndi kujisankhiya murongozgi yumoza; ndipo ŵamukwera kutuwa mu charu, chifukwa zuŵa laku Yezerele likaŵanga likuru.

Yeremiya 50:4

“Mu mazuŵa gha ndimu nyengo yiya, atiti Ambuya, ŵaYisraele ndi ŵaYuda ŵakazanga pamoza, ŵakaliyanga ŵachiza ndipo ŵazamupenja Ambuya Chiuta wawo.

Yeremiya 23:8

kweni kuti, ‘Mo aliri Ambuya amoyo wo wangutuzga ndi kurongozga Yisraele kutuwa mu charu chaku nkhonde ndi kutuwa mu vyaru vyose vyenivyo anguŵadikiskiyako.’ Sono ŵakajanga mu charu cha ŵeneko.”

Yeremiya 16:15

kweni ‘Nge ndimo aliri amoyo Ambuya ŵeniwo ŵangtuzga ŵaYisraele mu charu cha kunkhonde ndi mu vyaru vyose mwenimo anguŵadikiskiya.’ Chifukwa ndikaŵawezgiyanga ku charu chawo chenicho ndingupaska ku auskeu.

Yeremiya 3:12

Ruta, ukarati maso ku nkhonde, ukamemeze mazu yagha kuti, ‘Weko Yisraele wambura magomekezgeka, atiti Ambuya. Kuti ndikakulereskanga mu ukari cha, pakuti nde wa lisungu, atiti Ambuya; kuti ndikakalipanga muyaya cha.

Zekariya 10:6

“Ndipo ndikhozgenge nyumba yaku Yuda, ndi nditaskenge nyumba yaku Yosefe. Ndizenge so nawo; chifukwa nde nawo ndi lisungu, ndipo ŵakaŵanga nge ndengavi kuŵajowo; chifukwa ine nde Ambuya Chiuta wawo ndipo ndiŵamukenge.

Hoseya 11:12

Efraimu wandizingirizga ndi mautesi, ndipo nyumba yaku Yisraele ndi chinyengo; kweni Yuda weche kuziŵikwa ndi Chiuta, ndipo ngwamagomezgeka ndi Mtuŵa Yumoza.

Yeremiya 50:20

Mu mazuŵa gho ndi mu nyengo yiya, atiti Ambuya, utimbanizi waku Yisraele ukapenjekanga, ndipo kuti ukaŵangapo cha nanga ngumoza; uheni mwaku Yuda, kuti ukasanirikanga cha nanga ngumoza; pakuti ndikagowokiyanga wo ndikasiyanga kuŵa ŵakujapo.

Yeremiya 30:3

Pakuti ehe, mazuŵa ghakazanga, atiti Ambuya, penipo ndikawezgiyanga umampha ŵanthu ŵangu, Yisraele ndi Yuda, atiti Ambuya, ndikaŵawezgiyanga ku charu chenicho ndingupaska auskeu, ndipo chikaŵanga chawo.”

Yeremiya 7:7

po ndipo ndikakupaskaninga kuja malo yagha, mu charu chenicho ndingupaska mwaka ku auskemwe muyaya.

Yeremiya 50:5

Ŵazamufumba nthowa ya kuya ku Zioni, po visku vyawo vilereska kweniko, ŵakatinge, ‘Tiyeni, tijisazge pamoza ku Ambuya mu chipangano cha muyaya, cho kuti chikaruwikanga cha.’

Ezekiele 11:17

Chifukwa ichi unene kuti, ‘Viyo atiti Ambuya Chiuta: Ndikawunjikanga imwe kutuwa mu ŵanthu, ndi kuwungang'iska imwe kutuwa mu vyaru vyo mungumbininikyamo, ndipo ndikakupaskaninga charu cha Yisraele.’

Zekariya 2:6

Ehe! Yendeskani, muthaŵeko ku charu chaku nkhonde, atiti Ambuya, chifukwa ndamumbininiskiyani kutali nge ndi mphepo zinayi za kuchanya, atiti Ambuya.

Chiyambo 12:7

Sono Ambuya anguwoneka kwaku Abramu, ndi anguti, “Ndikapaskanga charu ichi ku mbumba zako.” Viyo wanguzenga penipa jochero ku Ambuya ŵeniwo angumuwoneke.

Yesaya 43:5

Mungopanga cha, pakuti nde namwe pamoza; ndikakuziyaninga ndi mphapu yinu kutuwa ku vuma, ndipo kutuwa ku zambwe ndikamuwunjikaninga.

Yesaya 43:6

Ndikakambiyanga nkhonde, ‘Pereka,’ ndi ku malaŵi, ‘Ungakaniliyanga cha;’ wawezge ŵana ŵangu ŵanthurumi kutuwa kutali ndi ŵana ŵangu ŵanthukazi kutuwa kuchigoti cha charu chapasi,

Hoseya 2:2

“Mususkani ndi nyinamwe, suskani chifukwa ndi muwoli wangu cha, nane kuti ndi murumi wake cha. Kuti watuzgepo ureŵi pa maso pake, ndi ureŵi pakati pa maŵe ghake.