Yeremiya 3:11 - Tonga Bible 1986

¹¹ Ndipo Ambuya anguti kwaku ine, “Yisraele wambura magomezgeka wajirongo kuŵa wakwananga kamanavi kwakuruska mutesi Yuda.

Yeremiya 3:11 Referans Kwoze

Ezekiele 23:11

“Muhurwa wake Oholiba wanguchiwona ichi, kweni ndipuuli iyo ndiyo wanguvunda so ukongwa mukujipereka kwake ndi ureŵi wake wo wenga uheniku kuruska wa muku wake.

Hoseya 11:7

Ŵanthu ŵangu ŵaŵika mitima yawo pakutuwako kwaku ine; viyo ŵarongozgeke ku goŵa, ndipo palivi yumoza walituzgengeko.

Hoseya 4:16

Yisraele wangangamika nge ndi ng'ombe yinthukazi yimana; kumbi sono Ambuya angaziŵa kuŵaliska nge ndi mwana wa mberere mu dambo lisani?

Ezekiele 16:47

Kweni kuti ungukhorwa cha kwenda mu nthowa zawo, pamwenga kuchita kwakuyana ndi maunyakazi ghawo; ndipo mu kanyengo kamanavi waka iwe unguvunda ukongwa kwakuruska iwo mu nthowa zako zose.

Yeremiya 3:22

“Weniko mwa ŵana ŵambura magomezgeka mwe, ndikakuchizganinga kuti muŵe ŵamagomezgeka.” “Ehe, tituza kwinu; pakuti imwe ndimwe Ambuya Chiuta widu.

Yeremiya 3:8

Wanguwona kuti chifukwa maureŵi ghake ghose Yisraele, wambura magomekezgeka yuwa ndingumudikiska ndi kumupaska karata wa chipata; kweni ndipuuli Yuda mzichi wake phula kuti wangopa cha, iyo nayo wanguruta kwachichita maureŵi.

Yeremiya 3:7

Ndipo ndingughanaghana kuti, ‘Watakuti wachita viyo pavuli wakaweriyanga kwangu’, kweni kuti wanguwe cha; ndipo Yuda mwana munyake phula wanguchiwona.

Yeremiya 11:10

Ŵawere vuli ku mautimbanizi gha ambuyawo, ŵeniwo ŵangukana kuvwa mazu ghangu; ŵandondoloska ŵachiuta ŵanyake kuŵatataliya; ŵaYisraele ndi ŵaYuda ŵaswa phanganu langu lenilo ndinguchita ndi auskeu.