Yeremiya 27:15 - Tonga Bible 1986

¹⁵ Ine ndilivi kuŵatuma, atiti Ambuya, kweni ŵachima ndi utesi mu zina langu, pakuti kukaŵanga kuti ndikakudikiskaningimo ndipo mukafwanga, imwe pamoza ndi ŵamchimi ŵeniwo ŵatimuchimiyani.”

Yeremiya 27:15 Referans Kwoze

Yeremiya 27:10

Mautesi gheniwo ŵachima kwaku, kuti ndikudikiskeningimo, ndipo mukafwanga.

2 Mikoka 25:16

Kweni weche kukamba, karonga wanguti kwaku iyo, “Kumbi takumika kuŵa mpangi-fundu wa karonga? Chetama! Vinu ungabayika?” Viyo mchimi wanguchetama, kweni wanguti, “Ndaziŵa kuti Chiuta wadumuwa kukubaya chifukwa wachita ichi ndipo kuti wavwiya fundu yangu cha.”

Chivumbuzi 19:20

Ndipo chingukoleka chikoku cho ndi pamoza nacho mchimi-mtesi yo, mweniyo wanguchita minthondwi pa maso pake, mwaku yeniyo wanguŵarandizgiya ŵeniwo ŵanguronde lisimbu la chikoku, ndi wo ŵalambiyanga chikozgu chake. Yaŵa ŵaŵi ŵangupong'eka ŵamoyo mu nyanja ya moto yo njakukole ndi fukunyira.

Mateyu 24:24

Chifukwa ŵayukenge ŵanthu ŵanyake wo ŵajiŵikengemo kuti ndiwo Kristu ndi ŵanyake kuti mbamchimi. Ndipo wapaskenge visimikizgu vikuru ndi minthondwe, kwachirandizga (asani kwenga kwamachitika chingana mbakusankhika nawo)

Mateyu 15:14

Warekeni: mbachirongozgi ŵachiburumutiya. Ndipo asani wachiburumutiya warongozga wachiburumutiya, wose ŵaŵi ŵawenge mu zenje.”

Yeremiya 29:9

pakuti mbutesi weniwo ŵachima kwaku imwe mu zina langu; ine ndilivi kuwatuma, atiti Ambuya.

Yeremiya 23:21

“Ndengavi kuŵatuma ŵamchimi, kweni iwo ŵachimbiyanga, Kuti ndingurongoro nawo cha, kweni iwo ŵachimanga.

Yeremiya 23:15

Chifukwa cho atiti Ambuya ŵa maŵanja pa ŵamchimi, “Ehe, ndikaŵahiŵanga ndi mafuzi ndikuŵapaska maji gha nduru kumwa; pakuti ku ŵamchimi ŵamu Yerusalemu ndiko kwatuliya uwura-chiuta mu charu chose.”

Yeremiya 20:6

Ndipo iwe Pashuru, ndi wose ŵakuja mu nyumba yako, mukayanga mu umkoli mukarutanga ku Babiloni, ndipo mwamufwiya kwenikuwa ndi kuŵikika kwenikuwa, iwe ndi mabwezi ghako ghose, kwaku wo iwe wachima vyautesi.”

Yeremiya 23:25

Ndavwa vyo ŵakamba ŵamchimi wo ŵachima mautesi mu zina langu, ŵatiti, ‘Ndalota, ndalota!’

Yeremiya 29:8

Pakuti atiti viyo Ambuya ŵa maŵanja, Chiuta waku Yisraele: Mungaŵazomerezanga nga cha ŵamchimi ndi ŵakombeza ŵinu wo ŵe mukati mwinu kukupusikani imwe; ndipo mungategherezganga ku maloto gho ŵalota cha,

Yeremiya 14:14

Ndipo Ambuya anguti kwaku ine: “Ŵamchimi ŵachima mautesi mu zina langu: ine kuti ndinguŵatuma, chingana nkhuti ndinguŵalanguliya cha, nanga nkhurongoronawo cha. Ŵachima kwaku imwe viwona vya utesi, ŵabwebweta waka, ndi kupisika kwa mu mitima yawo.

Yeremiya 38:22

Ehe, ŵanthukazi wose wo ŵakusiyika mu nyumba ya karonga waku Yuda ŵarongozgekiyenge ku ŵaraŵara ŵa karonga wa Babiloni ndipo ŵakambanga kuti, ‘Mabwezi ghinu ghamagomekezgeka ghamupusikani ndipo ghamuthereskani; sono po marundi ghinu ghaphatiya mu ulambwe, ŵatuwako kwinu.’