Yeremiya 26:9 - Tonga Bible 1986

⁹ Chifukwa chine wachimiya mu zina la Ambuya kuti, ‘Nyumba iyi yikaŵanga uli ndi Shilo, ndipo msumba uwu ukaŵanga mapopa, mwambura munthu wakujamo?’ ” Ndipo ŵanthu wose ŵanguunjikana kwakuzunguliya Yeremiya mu nyumba ya Ambuya.

Yeremiya 26:9 Referans Kwoze

Machitidu gha Ŵakutumika 22:22

Ndipo ŵamuvwanga mpaka pa mazu gho; ndipo ŵangusamphuska mazu, ŵakuti, “Mtuzgepo pa charu waviyo: chifukwa kuti kuyamu cha kuti waje wamoyo!”

Machitidu gha Ŵakutumika 21:30

Ndipo unguvunduka msumba wo wose, ndipo lingumotoka khamu lo: ndipo pakumko Paulo, ŵamkwekwetiyanga kubwaro kwa kasopi yo: ndipo sosonukweni ghangujarika malikomo gho.

Machitidu gha Ŵakutumika 13:50

Kweni ŵaYuda wo ŵangukhuŵirizga ŵanthukazi ŵachisopa ŵaulemu, ndi ŵanthurumi ŵara ŵa msumba, ndipo ŵanguyuskiya paku Paulo ndi Barnaba chiŵembu, ndipo ŵanguŵadikiska mu mphaka zawo.

Machitidu gha Ŵakutumika 6:14

chifukwa tamuvwa wachikamba kuti Yesu waku Nazareti mwenuyu wakabwanganduwanga malo ghano, ndipo wakasanduskanga, marusu ghenigho Mosese wangupereka kwaku ifwe.”

Machitidu gha Ŵakutumika 5:28

wakuti, “Kulangula tingulanguliya imwe kusambizgiya mu zina lo cha: ndipo, awonani mwazaza Yerusalemu ndi chisambizgu chinu, ndipo mukhumba kutole paku ifwe ndopa za munthu mweniyo.”

Yohane 8:59

Viyo ŵangusoska mya kuti ŵampong'e: kweni Yesu wangubisama, ndipo wangutuwako ku kasopi.

Yohane 8:20

Mazu yagha wangurongoro nawo muchipinda chakusungiya mu ndrama, wachisambizga mu kasopi; ndipo kuti yumoza wangumko cha; pakuti ora lake lengalindaze.

Marko 15:11

Kweni ŵazukuru ŵara ŵangusonkhezga mzinda, alinga kuti waŵafwatuliye Baraba.

Mateyu 27:20

Kweni ŵazukuru ŵara ndi ŵara ŵangukakamizga mizinda yo kuti ŵapemphe Baraba ndiyo, ndi ŵamunange Yesu.

Mateyu 21:23

Ndipo wati waza mu kasopi, ŵanguza kwaku iyo, ŵazukuru ŵara ndi ŵaraŵa khamu lo, wachisambizga, wakuti, “Uchita vyenivi ndi mtufu nuwu? Ndipo yo wakukupaska mtufu wo njani?”

Mika 2:6

“Rekani kutaula,” viyo ŵataula, “munthu kuti watenere kutaula ndi vinthu vya viyo cha; soni kuti zikatikonga cha ifwe.”

Amosi 5:10

Ŵatimutinkha yo wachenya mu likomo, ndi ŵanyanyara nayo yo wakamba uneneska.

Yeremiya 9:11

Ndikachitanga Yerusalemu ndundu, ya vyakunangika, mphanji mwakugona ŵakambwe; ndipo ndikayichitanga mizi yaku Yuda kuŵa mapopa, yambura ŵakujamo.”

Yesaya 29:21

ŵeniwo ndi mazu ŵachitiska munthu kuŵa wakwananga, kumuthya chiŵana mweniyo wasusuka mu likomo, ndipo ndi mpandira wa waka ŵapenevya yo ngwakurunjika.

2 Mikoka 25:16

Kweni weche kukamba, karonga wanguti kwaku iyo, “Kumbi takumika kuŵa mpangi-fundu wa karonga? Chetama! Vinu ungabayika?” Viyo mchimi wanguchetama, kweni wanguti, “Ndaziŵa kuti Chiuta wadumuwa kukubaya chifukwa wachita ichi ndipo kuti wavwiya fundu yangu cha.”

Machitidu gha Ŵakutumika 3:11

Ndipo wachimeremete iyo Petro ndi Yohane, khamu lose lo lingumotoke pamoza kwaku wo mu khondi lakuzumbulika laku Solomoni ŵakurwita ukongwa.

Machitidu gha Ŵakutumika 5:12

Kweni ndi manja gha ŵakutumika wo visimikizgu ndi virwitu vinandi vyachitikanga mu khamu lo: ndipo ndi mtima umoza wose ŵaungananga mu khondi laku Solomoni.

Yoswa 18:1

Sono mpingu wose wa ŵaYisraele unguwungana pa Shilo, ndipo ŵangumika hema lakuwunganamo; charu chinguthereskeka paurongo pawo.

Yeremiya 32:3

Zedekiya karonga waku Yuda wangumujariya mu ukaidi, wanguti, “Chifukwa chine uchima ndi kunena kuti, ‘Viyo atiti Ambuya: Ehe, ndiperekenge msumba uwu mu janja la karonga wa Babiloni, ndipo wakautonga;

Yeremiya 33:10

“Viyo atiti Ambuya: Mu malo yagha ghenigho mutighanena kuti, ‘Ndi mapopa mwambura munthu pamwenga nyama,’ mu misumba yaku Yuda ndi miseu ya Yerusalemu yeniyo nja uyiku, yambura munthu, pamwenga wakujamo, pamwenga nyama, mwazamuvwika so

Yeremiya 36:29

Ndipo gha paku Yehoyakimu karonga waku Yuda unenenge kuti, ‘Viyo atiti Ambuya, Wawocha buku ili ndipo utiti, “Chifukwa chine walemba kuti karonga wa Babiloni wakazanga kubwanganduwa charu ichi, ndi kutuzgamo ŵanthu ndi nyama?”

Chitenje 4:13

Ichi chenga chifukwa cha mauheni gha ŵamchimi ŵake ndi kunanga kwa ŵazukuru ŵake, ŵeniwo ŵangudiska mukati mwake, ndopa za ŵanthu ŵarunji.