Yeremiya 26:21 - Tonga Bible 1986

²¹ Ndipo po karonga Yehoyakimu, pamoza ndi ŵankhondo ŵake ndi ŵaraŵara wose, ŵanguvwa mazu ghake, karonga wapenjanga kumubaya; kweni Uriya wanguti waghavwa wangopa ndi wanguthaŵiya ku Egipiti.

Yeremiya 26:21 Referans Kwoze

Mateyu 10:23

Ndipo ŵachimundondoroskani mu muzi uwu, thaŵiyani ku unyake; chifukwa nadi ndinene imwe kuti mukafiskanga mizi yose yaku Yisraele cha, wenga wandazi Mwana wa munthu.

Mateyu 14:5

Ndipo pakukhumba kumubaya, wangopa mzinda wo, pakuti ŵangumpimiya nge ndi mchimi.

Yeremiya 36:26

Ndipo karonga wangulanguliya Yeramelu mwana wakaronga, ndi Seraya mwana waku Azariele ndi Shelemiya mwana waku Abdeli kwachiŵako Baruki mlembi ndi Yeremiya mchimi yo, kweni Ambuya anguŵabisa.

2 Mikoka 16:10

Penipo ndipo Asa wangukaripa ndi muwona wangumuŵika mu nyumba ya magoŵa, wangutundiya nayo pa chifukwa cha chinthu ichi. Ndipo Asa wangusuzga ŵanthu ŵanyake pa nyengo yeniyo.

Marko 6:19

Ndipo Herodiya wangumfinga wakhumbanga kumbaya; kweni wengavi nthazi;

Mateyu 10:39

Yo wasaniya umoyo wake, wawutayenge; ndipo wakutaya umoyo wake pa chifukwa chaku ine, wawusaniyenge.

Mateyu 10:28

Ndipo mungopanga cha ŵakubaya liŵavu, kweni mbakuwara nthazi kubaya mzimu: ukongwa mopenge yo ngwanthazi kwananga mzimu nawo ndi liŵavu mu gehena.

Nthanthi 29:25

Kopa munthu nkhuthya chiŵana, kweni mweniyo wagomekezga mu Ambuya we pakukho.

Sumu 119:109

Umoyo wangu wemu janja langu zuŵa ndi zuŵa; kweni dangu linu kuti ndiruwa cha.

2 Mikoka 24:21

Kweni ŵangumuchitiya chiŵembo pakuronde langulu la karonga ŵangumudina ndi mya mu khonde mwa nyumba ya Ambuya.

Yeremiya 26:10

Penipo ŵarawara ŵaku Yuda ŵanguvwa vinthu ivi, ŵanguza kutuliya ku nyumba ya karonga kuza ku nyumba ya Ambuya, ndipo ŵanguja pasi pa kuserere pa likomo Lifya la nyumba ya Ambuya.

Yeremiya 38:4

Sono ŵaraŵara ŵanguti ku karonga, “Uyu munthu wabayki, pakuti wagongoweska manja gha ŵankhondo ŵeniwo ŵakujamo mu msumba uwu, ndi manja gha ŵanthu wose, pakurongoro mazu viyo kwaku wo. Pakuti uyu munthu kuti wapenja umoyo wamampha paku yaŵa ŵanthu cha, kweni kupwetekeka ndiko.”

1 ŴaKaronga 18:10

Po aliri amoyo Ambuya Chiuta winu, kulivi mtundu pamwenga ufumu kweniko mbuyangu walivi kutumako kwachipenja imwe, ndipo asani ŵangakamba, kuti, ‘We kuno cha,’ wachitiskenge rapu ufumu wo pamwenga mtundu wo kuti ŵalivi kumusaniyani.