Yeremiya 26:15 - Tonga Bible 1986

¹⁵ Kweni ziŵani kwakuneneska kuti asani mundibayenge, mukajitoliyanga ndopa zambura kalema paku mwaŵeni ndi pa msumba uwu ndi ŵakujamo ŵake, pakuti kwakuneneska Ambuya angundituma kwaku imwe kuzachirongoro mazu yagha mu makutu ghinu.”

Yeremiya 26:15 Referans Kwoze

Nthanthi 6:17

maso ghakujikuzga, lilime lakupusika, ndi manja ghakudiska ndopa zambura kalema,

Maŵerengedu 35:33

Viyo mureke kukazuzga charu cho mujamo; pakuti ndopa zikazuzga charu, ndipo palivi thumba lo lingaziŵa kuwombo charu pa chifukwa cha ndopa zo zidikamo, kweni ndi ndopa zakumweniyo pe wanguzidira.

Chivumbuzi 16:6

Chifukwa ŵanthu ŵangudiska ndopa za ŵakupaturika ndi ŵamchimi, ndipo mwapaska iwo ndopa, kuti ŵamwenge. Mbakwenere kuzimwa!”

Machitidu gha Ŵakutumika 7:60

Ndipo pakupeta makongonu, wangukambura ndi liu likuru, “Ambuya, mungaŵaŵikiya ulakwi uwu cha.” Ndipo wanguti wakamba ichi, wangura.

Mateyu 26:25

Kweni Yuda, yo wangumpachiya, wanguti, “Kumbi ndine, Rabi?” Watiti kwaku iyo, “Iwe wakamba.”

Yeremiya 22:3

Viyo atiti Ambuya: Chitani cheruzgu chirunji ndi ukongorekwa, taskani ŵakuskoŵeka mu janja la wakumusuzga yo. Ndipo rekani kunangiya pamwenga ku chitiya phuzu mlendo, wambura awiske, ndi choko, chingana nkhudira ndopa zambura kalema mu malo yagha.

Yeremiya 7:6

asani mureka kuyuzga ŵalendo, ndi ŵana ŵa masiya ndi vyoko, pamwenga kudiska kuyuzga ŵalendo, ndi ŵana ŵa masiya ndi vyoko, pamwenga kudiska ndopa za ŵanthu zambura kalema mumalo yagha; ndipo asani mukarekanga kurondo ŵachiuta ŵanyake wo ŵangumunangani mwaŵeni,

Mateyu 26:4

ndipo ŵangupangana kumko Yesu mu uchenjezi, ndi kumubaya.

Yeremiya 22:17

Kweni iwe wendi maso ndi mtima ivi vyakuchitiya chanduwu chakupusika waka, pakudiska ndopa zambura kalema, ndi pakuchita vya kusuzga ndi chiwawa.”

Yeremiya 2:34

Ndipo so pa viketi vinu pasanirika ndopa za ŵanthu ŵakavu ndi ŵakuchita umampha; mulivi kuŵasaniya ŵachiswa nyumba. Kweni ivi vyose vichiŵa viyo,

Yeremiya 2:30

Ndaŵapuma ŵana ŵinu kwambura kakwanduwapo, ŵalivi kuphwere kuwere ku umampha. Lipanga laku wamweni labaya ŵamchimi ŵako, uli ndi nkharamu yakurazuka.

2 ŴaKaronga 24:4

ndipo so pa chifukwa cha ndopa zambura mlando, paku vyo Ambuya kuti angukhumba kugowoke cha.

Marangu 19:10

Wapatuwa misumba yo, vinu ndopa zambura kalema zingadika mu charu chinu chenicho Ambuya Chiuta winu watukupaskani kuŵa chihara mwakuti kususkika chifukwa cha ndopa kungaŵa paku imwe.

Chiyambo 42:22

Ndipo Rubene wangwamuka kuti, “Kumbi ndengavi kukuneniyani ine kuti mungananga pa mhurwa yo cha? Kweni mungukana kundivwa. Viyo sono patuza chilangu cha ndopa zake.”

Chiyambo 4:10

Ndipo Ambuya anguti, “Nchine cho wachita? Mazu gha ndopa za mhurwa wako ghatindiliriya kutuwa ku nyata.

Nthanthi 6:16

Pe vinthu nkhonde ndi chimoza vyenivyo Ambuya atinkha, nkhonde ndi viŵi vyenivyo mbukazuzi kwawo:

Yeremiya 26:12

Yeremiya wangukamba ku ŵaraŵara ndi ŵanthu wose wakuti, “Ambuya angundituma kuchimiya pa nyumba iyi ndi msumba uwu mazu ghose gho mwavwa.

2 Mikoka 24:22

Viyo karonga Yoashi kuti wangukumbuka cha ulemu wo Yehoyada wiske waku Zekariya wangumuchitiya, kweni wangubaya mwana wake, ndipo wachifwa, wanguti, “Ambuya achiwone ichi ndipo awezge nduzga!”

Yeremiya 30:1

Mazu ghanguza kwaku Yeremiya kutuwa ku Ambuya: