Yeremiya 24:10 - Tonga Bible 1986

¹⁰ Ndipo ndikatumanga lipanga, chilala, ndi chideru paku wo, mpaka ŵakamaranga tetete mu charu chenicho ndinguŵapaska iwo ndi auskeu.”

Yeremiya 24:10 Referans Kwoze

Yesaya 51:19

Ivi vinthu viŵi vyakuwiya iwe njani yo wakatenjenga nawe? Pharghaniku, ndi wanangiku, nja ndi lipanga; njani wakakusangaruskanga?

Ezekiele 33:27

Uŵanene ichi, viyo atiti Ambuya Chiuta: Mo ndiliri wamoyo, kwakuneneska wo ŵe mu malo gha mapopa ŵakabayikanga ndi lipanga: ndipo yo we mudondo ndikamuperekanga ku vikoko kuti vimuparuwe, ndipo woŵe mulinga lakukho ndimuzimphanji ŵakafwanga ndi chideru.

Ezekiele 7:15

“Lipanga le kubwaro, chideru ndi chilala vye mukati, yo we mu munda watufwa ndi lipanga; ndipo yo we mu msumba nja ndi chiwowota vithwazuwa.

Yeremiya 34:17

Chifukwa cho, viyo atiti Ambuya: Mulivi kundivwiya ine kumemeza we yose ku mwana munyake ndi ku mzengezgani wake; wanangwa, ehe, nditikupaskani wanangwa waku lipanga, waku chideru, ndi wanangwa waku chilala, atiti Ambuya. Ndikamuchitaninga kuŵa chakofya ku maufumu ghose gha charu chapasi.

Yeremiya 27:8

“ ‘ “Kweni asani mtundu we wose, pamwenga ufumu, ukarekanga kutataliya Nebukadanezara, karonga wa Babiloni, ndi kureka kuŵika khosi lake mu gori la karonga wa Babiloni; ine ndikawulanganga mtundu wo ndi lipanga, ndi chilala, ndi chideru, mpaka penipo ndawumara ndi janja lake, atiti Ambuya.

Yeremiya 19:7

Ndipo mu malo ghenigha ndikamariskanga vinjeru vyaku Yuda ndi Yerusalemu, ndikabayiskanga ŵanthu ŵawo ndi lipanga paurongo pa ŵakupindikana ŵawo, ndi janja laku wo ŵapenja kuŵabaya. Ndikapaskanga viŵanda vyawo ku viyuni vya mude ndi ku nyama za charu chapasi kuti zirghenge.

Yeremiya 16:4

Ŵakafwanga ndi zinthenda za kubaya. Kuti ŵakaŵatenjenga cha nanga nkhu ŵaŵika nako cha; ŵakaŵanga nge ndi vundira pa charu. Ŵakamaranga ku lipanga, ndi kuchilala, ndipo vitende vyawo vikaŵanga kurgha kwa viyuni vya mude ndi vikoko vya charu chapasi.

Yeremiya 15:2

Ndipo ŵachikufumba, kuti, ‘Tikayanga pani?’ iwe utinge kwaku wo, ‘Viyo atiti Ambuya: “Wo ŵatemeke ku chideru nkhu chideru; wo ŵatemeke ku lipanga nkhu lipanga; wo ŵatemeke ku chilala nkhu chilala; ndipo wo ŵatemeke ku umkoli nkhu umkoli.” ’

Yeremiya 9:16

Ndiŵambininiskiyenge mukati mu mitundu yeniyo iwo pamwenga auskeu kuti akuyiziŵapo cha; ndipo ndikatumanga lipanga pa ku iwo, mpaka penipo ndaŵamara.”

Yeremiya 5:12

Ŵakamba vya utesi pa Ambuya, ndipo ŵatiti, ‘Kuti wachitenge kanthu cha; palivi chiheni cho chikazanga paku ifwe, chingana nkhuti tikawonanga lipanga pamwenga chilala cha.

Chivumbuzi 6:8

Ndipo ndingulereska awonani, kavalo wakonda: ndipo zina laku yo wangugarapo pake lenga Nyifwa: ndipo Hadesi wangurongozgana nayo; kwaku iwo kungupaskika mtufu wapa chigaŵa chapanayi cha panupasi kwachibaya ndi lipanga ndi ndi chirara, ndindi nyifwa, ndindi vikoku vyo charu.

Marangu 28:21

Ambuya akatumanga nthenda ya chidelu kujaliriya paku imwe mpaka penipo amumarani mose mu charu chenicho museremo kuchironda kuŵa chinu.

Yeremiya 21:9

Yo wakajanga mu msumba wakafwanga ndi lipanga, ndi chilala, ndi chideru; kweni yo wakatuwanga ndi kwachithere ku ŵaKaldiya, wo ŵakuzingani wakajanga wamoyo, wakaŵanga ndi umoyo wake nge ndi mphoto ya nkhondo.

Yeremiya 42:17

Ŵanthu wose wo ŵarazga visku vyawo kuya ku Egipiti kwachija kwenikuwa, ŵakafwanga ndi lipanga, ndi chilala, ndi chideru ndipo kuti ŵakaŵanga ndi ŵakujapo cha pamwenga ŵakupozomoka ku chiheni chenicho ndikazanga nacho pakuwo.

1 ŴaKaronga 14:15

Ndipo kwanda sono Ambuya akakosonga Yisraele, ulaka ndimo dete lisukuniskikiya mu maji ndi kuzuwa Yisraele kumutuzga mu charu chamampha ichi chenicho angupaska ku auskeu, ndi kuŵaparghaniya kusirgha kwa Efrate, chifukwa ŵapanga Asherimu wawo, kusosomole Ambuya ku ukari.

Yeremiya 9:15

Chifukwa cho Ambuya ŵa maŵanji, Chiuta waku Yisraele watiti, Ehe, ndikaŵahiŵanga ŵanthu yaŵa ndi vipasi vyakuŵaŵa, ndi kuŵamweska maji gha nduru.

Yeremiya 14:12

Chingana ŵangafunga, kuti ndikavwanga kuliya kwawo cha, ndipo chingana ŵangapereka mpasku wakocha ndi mpasku wa ufwa, kuti ndivirondiyenge cha; kweni ndikaŵamaranga ndi lipanga, ndi chilala, ndi chideru.”

Yeremiya 29:17

‘Viyo atiti Ambuya ŵa maŵanja, Ehe, ndituma paku wo lipanga, chilala, ndi chideru, ndipo ndikaŵachitanga kuŵa nge ndi nkhuyu ziheni, ziheni nadi zambura kurghika.

Yeremiya 29:18

Ndikaŵandondoloskanga ndi lipanga, chilala ndi chideru, ndipo ndikaŵawoneskanga nge nchakunyozeka mu maso mwa maufumu ghose gha charu chapasi, kuwa chakutembeka, chakofya, chakuyeyeka, ndi chakusekeka mu mitundu yose mwaku yo ndikuŵadikiskiyamo,

Yeremiya 32:24

Ehe, vidya vya ŵakuzinga vyafika ku msumba kuti ŵauthereske; ndipo chifukwa cha lipanga ndi chilala ndi chideru, msumba waperekeka ku ŵaKaldiya ŵeniwo ŵarwana ndi msumba wo. Chenicho imwe mungukamba chafiskika, ndipo ehe, mutichiwona.’

Yeremiya 32:25

Kweni ndipuuli imwe, Ambuya Chiuta, mukundinene ine, ‘Gula munda wo ndi ndrama ndipo uto ŵakaboni.’ Chingana msumba wo wapaskika ku ŵaKaldiya.”

Yeremiya 42:22

Sono chifukwa cho ziŵiskani kuti mukafwanga ndi lipanga, ndi chilala, ndi chideru mu malo ghenigho munweka kwachijamo.”

Ezekiele 6:11

Viyo atiti Ambuya Chiuta: “Kuŵanga manja ghako, uku udyaka rundi lako, ndi kuti, Owe! Chifukwa cha uheni wa maunyakazi ghose gha nyumba yaku Yisraele; pakuti ŵakabayikanga ndi lipanga, ndi chilala, ndi chiwowota.