Yeremiya 23:25 - Tonga Bible 1986

²⁵ Ndavwa vyo ŵakamba ŵamchimi wo ŵachima mautesi mu zina langu, ŵatiti, ‘Ndalota, ndalota!’

Yeremiya 23:25 Referans Kwoze

Yeremiya 23:32

Inya, ndimikana ndi wo ŵachima maloto ghatesi, atiti Ambuya, ndi ŵeniwo ŵati ŵanene ndi kuŵarongozge ŵanthu ŵangu kwaŵaka ndi mautesi ghawo ndi mphwayi zawo, penipo ine kuti ndinguŵatuma, chingana nkhuŵalanguliya cha; viyo kuti ŵatiŵanduliya ndi keni kamoza ŵanthu yaŵa cha, atiti Ambuya.

Yoele 2:28

“Ndipo kuŵenge kuti pavuli, ndipunguliyenge mzimu wangu pa ŵanthu wose; ndipo ŵana ŵinu ŵanthurumi ndi ŵana ŵinu ŵanthukazi ŵachimenge, ndipo ŵaraŵara ŵalotenge maloto, ŵanyamata ŵawonenge chiwona.

Yeremiya 29:8

Pakuti atiti viyo Ambuya ŵa maŵanja, Chiuta waku Yisraele: Mungaŵazomerezanga nga cha ŵamchimi ndi ŵakombeza ŵinu wo ŵe mukati mwinu kukupusikani imwe; ndipo mungategherezganga ku maloto gho ŵalota cha,

Yeremiya 23:28

Rekani mchimi yo wendi loto wakambe loto lo, kweni yo wendi mazu ghangu wakambe mazu ghangu kwamagomekezgeka. Kumbi mwere usangananji ndi trigu? atiti Ambuya.

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

Yeremiya 8:6

Ine ndaphwere ndi kutegherezga, kweni kuti ŵakamba kwakurunjika cha; palivi munthu yo wang'anamuka ku uheni wake, kunena kuti, ‘Nchine cho ndachita?’ Munthu yose wawere ku nthowa yake, nge ndi kavalo wakuchimbiriya mu nkhondo.

Maŵerengedu 12:6

Ambuya anguti, “Tegherezgani mazu ghangu: Asani mwe mchimi mukati mwinu, ine Ambuya nditumuziŵiska kuti ndiripo mu chiwona, ndirongoro nayo mu loto.

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.

ŴaHebere 4:13

Ndipo palive chakulengeka chambura kuwoneka paurongo pake: kweni vyose vye nkhuli ndi mwazi ku maso ghaku mweniyo te ŵachifukwa nayo.

Luka 12:3

Chifukwa chenicho vyose vyo mwarongorore mu mdima, mu ukweru vivwikenge; ndipo chenicho mungurongorole mu gutu mu vipinda vitaulikiyenge pa mabagha pachanya.

Mateyu 1:20

Kweni powenga weche kughanaghana ndi ichi, wonani, mungelo wa Ambuya wangumwoneke mu loto, wakuti, “Yosefe, mwana waku Davidi, ungopanga cha kumto Mariya muwoli wako; chifukwa cho chazuwuka mwake nchaku Mzimu Wakupaturika.

Yeremiya 29:23

Chifukwa ŵachita chakupusa mu Yisraele, ŵachita ureŵi ndi ŵawoli ŵa ŵanasi ŵawo, ndipo ŵarongoro mu zina langu mazu gha utesi gho ndengavi kuŵalanguliya. Ine ndine ndiziŵa, ndipo nde kaboni, atiti Ambuya.’ ”

Yeremiya 16:17

Pakuti maso ghangu ghe pa nthowa zawo zose, kuti mbakubisama cha kwangu, nanga mbutimbanizi wawo kuti ngwakubisika ku maso ghangu cha.

Yeremiya 14:14

Ndipo Ambuya anguti kwaku ine: “Ŵamchimi ŵachima mautesi mu zina langu: ine kuti ndinguŵatuma, chingana nkhuti ndinguŵalanguliya cha, nanga nkhurongoronawo cha. Ŵachima kwaku imwe viwona vya utesi, ŵabwebweta waka, ndi kupisika kwa mu mitima yawo.

Yeremiya 13:27

Ndaghawona maukazuzi ghako, maureŵi ghako ndi kulampha-lampha kwako, uyagha-yagha wako wa ureŵi, pa mapiri ndi mu minda. Soka kwaku iwe, Yerusalemu! Kwakujariya mazuŵa ghalinga po wenga undatozgeke?”

Sumu 139:4

Nanga ndipenipo ndindarongoro. A! Ambuya, imwe mwaziŵa kale cho ndikarongoronga.

Sumu 139:2

Imwe muziŵa chose cho ndichita, kutuliya kutali muwamo maghanaghano ghangu ghose.

Chiyambo 37:9

Pavuli wangulota linyake, ndipo wangulikamba ku ŵana ŵanyake, ndipo wanguti, “Ehe, ndalota loto linyake ndipo ehe, dazi ndi mwezi ndi nyenyezi chumi ndi yumoza vyalambiyanga ine.”

Chiyambo 37:5

Sono Yosefe wangulota loto, ndipo penipo wangulikamba ku ŵana ŵanyake ŵangurutizga kumutinkha.

Yeremiya 27:10

Mautesi gheniwo ŵachima kwaku, kuti ndikudikiskeningimo, ndipo mukafwanga.

Yeremiya 27:15

Ine ndilivi kuŵatuma, atiti Ambuya, kweni ŵachima ndi utesi mu zina langu, pakuti kukaŵanga kuti ndikakudikiskaningimo ndipo mukafwanga, imwe pamoza ndi ŵamchimi ŵeniwo ŵatimuchimiyani.”

Chitenje 2:14

Ŵamachimi ŵako ŵakuwone iwe vyakuwona vyakupusika ndi vitesi; ŵalivi kuvumbuwa uheni wako, alinga kuti ŵawezge umampha wako, kweni ŵakuwone iwe vyakuwona vyakupusika ndi vyakukurandizga.

Ezekiele 22:28

Ŵamchimi ŵake ŵaŵapaka iwo ndi utotu utuŵa, ŵati ŵawone viwona vya kupusika ndi kuŵawombeze mawula gha utesi, ŵatiti, ‘Viyo atiti Ambuya Chiuta,’ penipo Ambuya kuti arongoro kanthu cha.

Zekariya 13:3

Ndipo asani munthu yumoza wawonekenge so nge ndi mchimi awiske ndi anyina wo ŵakumupapa ŵatenere kumenene kuti, ‘Uŵenge wa moyo cha, chifukwa ukamba utesi pa zina la Ambuya,’ ndipo awiske ndi anyina wo ŵakumupapa ŵamugwazi asani wachima.