Yeremiya 23:21 - Tonga Bible 1986

²¹ “Ndengavi kuŵatuma ŵamchimi, kweni iwo ŵachimbiyanga, Kuti ndingurongoro nawo cha, kweni iwo ŵachimanga.

Yeremiya 23:21 Referans Kwoze

Yeremiya 14:14

Ndipo Ambuya anguti kwaku ine: “Ŵamchimi ŵachima mautesi mu zina langu: ine kuti ndinguŵatuma, chingana nkhuti ndinguŵalanguliya cha, nanga nkhurongoronawo cha. Ŵachima kwaku imwe viwona vya utesi, ŵabwebweta waka, ndi kupisika kwa mu mitima yawo.

Yeremiya 27:15

Ine ndilivi kuŵatuma, atiti Ambuya, kweni ŵachima ndi utesi mu zina langu, pakuti kukaŵanga kuti ndikakudikiskaningimo ndipo mukafwanga, imwe pamoza ndi ŵamchimi ŵeniwo ŵatimuchimiyani.”

Yeremiya 23:32

Inya, ndimikana ndi wo ŵachima maloto ghatesi, atiti Ambuya, ndi ŵeniwo ŵati ŵanene ndi kuŵarongozge ŵanthu ŵangu kwaŵaka ndi mautesi ghawo ndi mphwayi zawo, penipo ine kuti ndinguŵatuma, chingana nkhuŵalanguliya cha; viyo kuti ŵatiŵanduliya ndi keni kamoza ŵanthu yaŵa cha, atiti Ambuya.

Machitidu gha Ŵakutumika 13:4

Viyo iwo, pakutumika ndi Mzimu Wakupaturika iyo, ŵangusikiya ku Selukia; kutuwa kweniko nako ŵangulowoke ku Kupro.

Yohane 20:21

Yesu wanguŵanene so, “Chimangu chikuŵiyeni! Mo Dada wanditumiya ine, nane so ndikutumani.”

Yeremiya 29:31

“Tuma ku ŵamikoli wose, kuti, ‘Ambuya atiti gha paku Shemaya waku Nehelamu: Chifukwa Shemaya wakuchimiyani penipo ine ndengavi kumutuma, ndipo wamuchitiskani kugomekezga utesi,

Yeremiya 29:9

pakuti mbutesi weniwo ŵachima kwaku imwe mu zina langu; ine ndilivi kuwatuma, atiti Ambuya.

Yeremiya 28:15

Ndipo Yeremiya wanguti kwaku Hananiya, “Ayivwa, Hananiya, Ambuya alivi kututuma, ndipo ŵanthu yaŵa ŵagomekezga mu utesi wako.

Yesaya 6:8

Ndipo ndinguvwa mazu gha Ambuya ghakuti, “Ndikatumanga yani, ndipo ndiyani wakatirutiyanga?” Sono ine ndinguti, “Ndine pano! Nditumeni.”

ŴaRoma 10:15

Ndipo ŵataulenge uli, kwambura kuti ŵatumika? Uli ndimo kwalembeke, “Nkhutowa nako marundi gha ŵakugozga vyamampha!”

Yeremiya 27:14

“Rekani kutegherezga ku mazu gha ŵamchimi wo ŵatiti, ‘Kuti mukatataliyanga karonga wa Babiloni cha,’ pakuti mbutesi wo ŵatimuchimiyani.

Yeremiya 29:8

Pakuti atiti viyo Ambuya ŵa maŵanja, Chiuta waku Yisraele: Mungaŵazomerezanga nga cha ŵamchimi ndi ŵakombeza ŵinu wo ŵe mukati mwinu kukupusikani imwe; ndipo mungategherezganga ku maloto gho ŵalota cha,