Yeremiya 23:15 - Tonga Bible 1986

¹⁵ Chifukwa cho atiti Ambuya ŵa maŵanja pa ŵamchimi, “Ehe, ndikaŵahiŵanga ndi mafuzi ndikuŵapaska maji gha nduru kumwa; pakuti ku ŵamchimi ŵamu Yerusalemu ndiko kwatuliya uwura-chiuta mu charu chose.”

Yeremiya 23:15 Referans Kwoze

Yeremiya 8:14

Chifukwa chine tija chisisi? Unjikanani pamoza tirutenge, kwachisere mu mizi ya malinga, tikafwiye mwenimo, pakuti Ambuya Chiuta widu ŵatiteme kufwa, ndipo ŵatipaska maji gha nduru kuti timwe, chifukwa talakwiya Ambuya.

Yeremiya 9:15

Chifukwa cho Ambuya ŵa maŵanji, Chiuta waku Yisraele watiti, Ehe, ndikaŵahiŵanga ŵanthu yaŵa ndi vipasi vyakuŵaŵa, ndi kuŵamweska maji gha nduru.

Chitenje 3:15

Wandizaza ndi vyakuŵaŵa wandigutiska vya nkhanya.

Chitenje 3:5

wandizinga ndi wandikulunga ndi kuŵaŵa ndi suzgu;

Sumu 69:21

Po ndenga wanja, ŵangundiliska nduru, po ndenga wanyota, ŵangundimweska vinyo wakuŵaŵa.

Chivumbuzi 8:11

Ndipo zina la nyenyezi yo linguzumbulika Muŵaŵa: ndipo chigaŵa chachitatu cha maji chinguŵa chakuŵaŵa; ndipo ŵangufwa ŵanthu ŵanandi chifukwa cha maji gho, pakuti ghanguŵaŵiskika.

Mateyu 27:34

ŵangumpaska kumwa mphereska zakusazgamo nduru: ndipo wati walaŵa kuti wangukhumba kumwapo cha.

Chitenje 3:19

Kumbukani suzgu yangu ndikuŵaŵa kwangu, vyankhanya ndi nduru!

Marangu 29:18

Phwereni vinu wangaŵapo mukati mwinu munthurumi pamwenga munthukazi, pamwenga mbumba, pamwenga khamu lo mtima wake utuwako ku Ambuya Chiuta widu, kuruta kwachiteŵete ŵachiuta ŵa mitundu yo, vinu mungaŵa mukati mwinu musisi wakupasa chipasi chakubaya ndi chakuŵaŵa.

Yeremiya 14:15

Chifukwa cho atiti Ambuya gha pa ŵamchimi ŵeniwo ŵachimiya mu zina langu, chingana ndengavi kuŵatuma, ŵeniwo ŵatiti, ‘Lipanga ndi chilala kuti vikazanga pacharu ichi cha’: Ndi lipanga ndi chilala ŵakamaranga ŵamchimi wo.

Zekariya 13:2

“Ndipo kukaŵanga pa zuŵa lo, atiti Ambuya ŵa maŵanja, ndituzgengeko mazina gha ŵangoza ku charu; mwakuti ŵakakumbukikanga so cha; ndipo so ndituzgengemo mu charu ŵamchimi, ndi mzimu uheni.

Yeremiya 9:14

kweni ŵangangamika kurondo mitima yawo; ndipo ŵandondoloska ŵaBala, nge ndimo anguŵarunguchizgiya auskeu.