Yeremiya 23:12 - Tonga Bible 1986

¹² Chifukwa cho nthowa zawo zikaŵanga kwaku iwo nge ndi nthowa zakuteremuka mu mdima, mwenimo ŵakadikiskikiyangamo ndi kuwa; pakuti ndikatolenga chiheni pakuwo mu chirimika cha kulangika kwawo, atiti Ambuya.

Yeremiya 23:12 Referans Kwoze

Yeremiya 13:16

Paskani unkhankhu ku Ambuya Chiuta winu, wenga wandaze ndi mdima, marundi ghinu ghenga ghandaguŵe pa mapiri gha mdima, penipo imwe mupenja ukweru iyo wasanduskiyako mdima, watiusanduska mdima uzitu.

Yeremiya 11:23

ndipo palivi yumoza waku wo wakasiyikanga. Pakuti ndikatolenga chiheni pa ŵanthu ŵaku Anatoti, chirimika cha kulangika kwawo.”

Nthanthi 4:19

Nthowa ya muheni ye uli ndi mdima wamunkhorwi; kuti ŵaziŵa cha chenicho ŵaguŵamo.

Sumu 35:6

Nthowa yawo yiŵe mdima ndi yakuteremuka, mungelo wa Ambuya waŵandondoloske!

Yohane 12:35

Wanguŵanene Yesu, “Nyengo yimanavi Kungweruka kweche mukati mwinu. Mwendenge mweche nako kungweruka, winu mdima ungamsaniyani; pakuti wakwenda mu mdima kuti waziŵa ko watiya cha.

Yesaya 8:22

ŵakalereskanga charu cha pasi, kweni ehe, suzgu ndi mdima, munkhorwe wa suzgu, ndipo ŵakapong'ekanga ku mdima uzitu.

Sumu 73:18

Nadi mukuŵaŵika mu malo ghakuteremuka; ndi kuŵawiskiya kupharghaniko!

Chituwa 32:34

Kweni sono rutanga, kaŵarongozge ŵanthu ku malo gho ndikukunene; ndipo muthenga wangu wakakudanjiriyanga. Ndipuuli, mu zuŵa lo ndazamuchezga, ndazamutole uheni wawo paku wo.”

Yuda 1:13

mayigha ghakari gha nyanja, ghenigho ghamokoka phovu la soni zawo; nyenyezi zakurandiyarandiya, kwaku zenizo wasungikiya munkhorwe wa mdima muyaya.

1 Yohane 2:11

Kweni yo ngwakumtinkha mbali wake wemu mdima, ndipo mu mdima wo watenda, ndipo kuti waziŵa cha kweniko wata, pakuti mdima wo waburumutizga maso ghake.

Mika 7:4

Wamampha waku wo walingana ndi chatata, wakunyoroka ukongwa waku iwo walingana ndi lisitu la minga. Zuŵa la ŵalonda ŵawo, ndi la chilangu chawo; laza sono, kutimbanyika kwa vinjeru vyawo kwafika.

Yeremiya 50:27

Bayani nkhuzi zake zose, muyi nazo kukubayika. Soka kwaku iwo pakuti zuŵa lawo laza nyengo ya chilangu chawo.

Yeremiya 48:44

Yo wathaŵa ku mantha, wakawanga muzenje, ndipo yo wakwera kutuwa mu zenje wakawiranga mu chiŵana. Pakuti ndikatolenga vinthu ivi paku Moabu mu chirimika cha kulangika kwawo, atiti Ambuya.

Jobu 18:18

Wachimbizgika kutuwa ku ukweru kuya ku mdima, ndi wazirimitiya mu charu cha ŵamoyo.

Marangu 32:35

Thayu ndangu, ndi kuwerezgiyapo, kwa nyengo penipo rundi lawo likateremukanga, pakuti zuŵa la soka lawo laŵandika, ndipo kubwanganduka kwawo kutuza ruŵi.

Sumu 82:5

Kuti ŵaziŵa cha chingana nkhuwamo, ŵatenda-enda mu mdima, ndipo urunji wawara mu charu chapasi.

Chitenje 2:20

Awonani Ambuya ndipo alereskani! Ndiyani yo mwachitiya ichi? Kumbi nkhwamampha kuti ŵanthukazi ŵarghenge ŵana ŵawo, ŵana ŵeniwo ŵanguŵaphwere? Kumbi nkhwamampha kuti mzukuru ndi mchimi ŵabayikenge viyo, mu malo ghakupaturika gha Ambuya?

Yeremiya 8:12

Kumbi ŵanguchita soni penipo wanguchita ukazuzi? Awa, kuti ŵanguchita soni ndi keni kamana cha; ŵengavi kuziŵa kuzimbwa. Chifukwa cho ŵakawanga mukati mu ŵakuwa, penipo ndikaŵalanganga ŵakathereskekanga, atiti Ambuya.