Yeremiya 23:11 - Tonga Bible 1986

¹¹ “Mchimi ndi mzukuru ŵaŵi viyo ŵakana Chiuta; chingana ndi mu nyumba yangu ndasaniya utimbanizi wawo, atiti Ambuya.

Yeremiya 23:11 Referans Kwoze

Zefaniya 3:4

Ŵamchimi ŵake mbanthu ŵakupusika; ŵambura magomekezgeka; ŵazukuru ŵake ŵafipiska malo ghatuŵa, ŵabendezga dangu.

Yeremiya 6:13

“Pakuti kwamba ku mumana kwachifika ku mura wawo, we yose ndi msusi chifukwa cha chanduwu chakupusika; ndipo kutuwa ku mchimi mpaka ku mzukuru we yose wachita kwakupusika.

Ezekiele 23:39

Chifukwa po ŵanguti ŵabaya ŵana ŵawo kuchitiya sembe za ŵangoza ŵawo, pa suŵa lenilo pe ŵangusere mu malo ghangu ghakupaturika kughakazuzga. Awonani, ichi ndicho ŵanguchita munyumba yangu.

Yeremiya 32:34

Wakumika maukazuzi ghawo mu nyumba yeniyo yidanika ndi zina langu, kuyikazuzga.

Ezekiele 8:16

Ndipo wangunditore mu luluwa la mukati la nyumba ya Ambuya; awonani, pakhomo pa kasopi wa Ambuya, pakati pa khonde lake ndi jochero, penga akhumba ŵanthu machumi ghaŵi ndi ŵankhonde, ŵangurazga misana yawo ku kasopi wa Ambuya, visku vyawo vingurazga kuchiri ku vuma, ŵasopanga lumwi ku kutuliya kwake.

Yeremiya 11:15

Nkhwanjiwa wangu wendi mazaza uli mu nyumba yango, penipo iyo wachita nchitu zachilengesku? Kumbi marapu ndi nyama ya mpasku vingaziŵa kutuzgapo soka pinu? Kumbi mungaziŵa kutumbwa penipo?

Yeremiya 8:10

Chifukwa cho ndipaskenge kuŵanyake ŵawoli ŵawo, ndi minda yawo ku ŵakuŵathereska, chifukwa kwamba ku wakumariya kufika ku mura wakuruska we yose ndi msusi chifukwa cha chanduwu chakupusika; kutuwa ku mchimi kufika ku mzukuru, we yose wachita kwakupusika.

Yeremiya 7:30

“Pakuti ŵana ŵaku Yuda ŵachita uheni mu maso ghangu, atiti Ambuya, ŵamika maukazuzi ghawo mu nyumba yeniyo yikudanika ndi zina langu, kuyikazuzga.

2 Mikoka 36:14

Wose ŵara ŵa ŵazukuru, ndi ŵanthu ŵangunanga ukongwa kulingana ndi ukazuzi wa ŵamitundu, ndipo ŵangukazuzga nyumba yaku Chiuta yo iyo wanguyipatuwa mu Yerusalemu.

Ezekiele 8:11

Ndipo paurongo pawo panguma ŵanthurumi machumi ghankhonde ndi ghaŵi ŵa mu ŵaraŵara ŵa nyumba yaku Yisraele, ndi Yazaniya mwana waku Shafani wanguma mukati mwawo. Yumoza ndi yumoza wenga ndi mbali mu janja lake, ndipo mtambo wa usi wa vyakusunkhizga ungukwera.

Ezekiele 7:20

Chitowero chawo chakujeduka ŵanguchitiya unkhankhu wa ŵaka, ndipo ŵanguchita vikozgu vyawo vya maunyakazi ndi vinthu vyawo vya maukazuzi, mu chifukwa cho ndikachichitanga kuŵa chinthu cha mwikhu kwaku iwo.

Yeremiya 23:15

Chifukwa cho atiti Ambuya ŵa maŵanja pa ŵamchimi, “Ehe, ndikaŵahiŵanga ndi mafuzi ndikuŵapaska maji gha nduru kumwa; pakuti ku ŵamchimi ŵamu Yerusalemu ndiko kwatuliya uwura-chiuta mu charu chose.”

Yeremiya 5:31

ŵamchimi ŵachima vyautesi, ndipo ŵazukuru ŵateruzga mo ŵakhumbiya iwo; ŵanthu ŵangu ŵatanja vyaviyo, kweni mwazamchitanji utakuti waza umari?

2 Mikoka 33:7

Ndipo ngoza wakusema chikozgo cho wanguchita, wanguŵika mu nyumba yaku Chiuta yeniyo Chiuta wangukamba kwaku Davidi ndi kwaku Solomoni mwana wake, “Mu nyumba iyi ndi mu Yerusalemu yo ndasankha mukati mu mafuko ghose ghaku Yisraele, ndiŵikengemo zina langu muyaya;

2 Mikoka 33:5

Wanguzenge maliŵanja gha kuchanya, majochero ghose mu mabwalo ghaŵi gha nyumba ya Ambuya.

Yeremiya 50:6

“Ŵanthu ŵangu ŵaŵa mberere zakusoŵa; ŵaliska ŵawo ŵaŵa aserezga pa dondo, kuŵawezge kutali ku mapiri; kutuwa ku phiri kuya ku mtunthu ndimu ŵayende, ŵaruwa khora lawo.

Chitenje 2:20

Awonani Ambuya ndipo alereskani! Ndiyani yo mwachitiya ichi? Kumbi nkhwamampha kuti ŵanthukazi ŵarghenge ŵana ŵawo, ŵana ŵeniwo ŵanguŵaphwere? Kumbi nkhwamampha kuti mzukuru ndi mchimi ŵabayikenge viyo, mu malo ghakupaturika gha Ambuya?

Ezra 10:18

Ŵana ŵa ŵazukuru wo ŵangusanirika kuti ŵangujitole ŵanthukazi ŵa chilendo ndi yaŵa: Maseya, Eliezere, Yaribi ndi Gedaliya ŵana ŵaku Yeshua, mwana waku Yozadaka ndi ŵabali ŵake.

Ezekiele 44:10

Kweni ŵaLevi, chingana ŵangundithaŵa ine po ŵaYisraele ŵangurandiya mu ŵangoza ŵawo ndipo ŵangunyamuwa kulangika kwa pa kwananga kwawo.

Zefaniya 3:3

Nduna zake mukati mwake ze nge ndi nkharamu yakukoroma; ŵeruzgi ŵake ndi mphumphi za mazulo zo kuti zisiya kanthu cha mpaka ndi mlenji.