Yeremiya 22:21 - Tonga Bible 1986

²¹ Ndingurongoro nawe mu kusakata kwako, kweni iwe unguti, ‘Kuti ndivwengeko cha.’ Umu ndimu yaŵiya nthowa yako kutuwa ku uhurwa wako, kuti wavwiya mazu ghangu cha.

Yeremiya 22:21 Referans Kwoze

Yeremiya 32:30

Pakuti ŵaYisraele ndi ŵaYuda ŵachita kanthu kanyake cha kweni uheni pe pa maso pangu, kwamba ku uhurwa wawo; ŵaYisraele ŵalivi kuchita kanthu kanyake kweni kundisosomole ine ku kukwiya ndi nchitu ya manja ghawo, atiti Ambuya.

Yeremiya 3:25

Tiyeni tigone pasi mu kulengeskeka kwidu, ndipo kujiyuyuwa kwidu kutivimbe; pakuti talakwiya Ambuya Chiuta widu, ifwe pamoza ndi auskefwe kutuwa ku uhurwa widu inya mpaka msana wale; ndipo tilive kuvwiya mazu gha Ambuya Chiuta widu.”

Yesaya 48:8

Mulivi kuvwapo, mulivi kuviziŵapo, kutuliya ku mwaka gutu linu lilivi kujurikapo. Pakuti ndinguziŵa kuti mwatinge muchitenge mwakupusika, ndi kuti kutuliya ku kawi mungudanika ŵachigaruka.

Nthanthi 30:9

vinu ndingaguta ndi kuruwa iwe, ndi kukamba kuti, “Mbayani nawo Ambuya?” Pamwenga ndingaŵa so wakusauka, ndi kuba, ndi kukazuzga zina laku Chiuta wangu.

Ezekiele 20:8

Kweni ŵangugaruka kwaku ine kuti ŵangundivwiya cha; munthu yose kuti wangutaya vinthu vyakutinkhika vyo maso ghake ghangukorokwa navyo cha, nanga nkhutaya ŵangoza ŵaku Egipiti. “Penipo ndingughanaghana kuti ndiŵapunguliye ukari wangu ndi kumarizga kukara kwangu paku iwo mukati mu charu cha Egipiti.

Yeremiya 35:15

Ndakutumiyani ŵateŵeti ŵangu wose ŵamchimi, kuŵatuma kaŵikaŵi, kuti, ‘Ng'anamukaniko yose waku imwe ku nthowa yake yiheni, ndipo musinthe machitidu ghinu, ndipo mungalondonga ŵachiuta ŵanyake cha kuŵatataliya po ndipo mukajanga mu charu chenicho ndingukupaskani imwe ndi auskemwe.’ Kweni kuti munguvwiya cha pamwenga kutegherezga kwangu.

Yeremiya 6:16

Viyo atiti Ambuya: “Mani mu zinthowa, ndipo lereskani, fumbani nthowa za mwaka, ko kwe nthowa yamampha; ndipo mwende mwaku yeniyo! Ndipo musaniye chipumulu cha mizimu yinu. Kweni iwo ŵanguti, ‘Kuti tendenge mwaku yo cha.’

Ezekiele 20:28

Pakuti po ndinguti ndaŵatore ku charu cho ndinguŵarapiya kuŵapaska, sono iwo po pose ŵanguwona mtunthu wose utali pamwenga muti wose uŵisi ŵanguperekapo sembe zawo penipa, ndikupereka mpasku wawo wakundisosomole; penipa wangukwezga vya fungu lawo lamampha, ndipo penipa wangudira mipasku yawo yakumwa.

Ezekiele 20:21

Kweni ŵana ŵangundigarukiya; kuti ŵangwenda muvirunguchizgu vyangu cha; ndipo kuti ŵanguphwere kusunga malangulu ghangu cha, ghenigho munthu pakughasunga wakaŵanga ndi umoyo; ŵangukazuzga masabata ghangu. “Penipo ndingughanaghana kuti ndiŵapunguliye ukari wangu ndi kutaya kukara kwangu paku iwo mu bozwa.

Ezekiele 20:13

Kweni nyumba yaku Yisraele yingundigarukiya mu bozwa; kuti ŵangwenda muvirungu chizgu vyangu cha, ŵangutinkha malangulu ghangu, gho munthu pakughasunga wakaŵanga ndi umoyo; masabata ghangu nagho ŵangughakazuzga ukongwa. “Penipo ndingughanaghana kuti ndiŵapunguliye ukari wangu mu bozwa, alinga kuti ndiŵamarizgiye limu.

Yeremiya 2:31

Ndipo imwe mwa ŵale phwereni mazu gha Ambuya. Kumbi ine ndaŵa bozwa kwaku Yisraele, pamwenga charu cha mdima uzitu? Na chifukwa nchine ŵanthu ŵangu ŵatiti, ‘Te ŵanangwa tizengeko so cha kwinu’?

2 Mikoka 33:10

Ndipo Ambuya angukamba ndi Manase ndi ku ŵanthu ŵake, kweni kuti ŵanguvwiya cha.

Marangu 31:27

Pakuti ndiziŵa mo mulili ŵakugaruka ndi ŵanonono. Ehe, penipo ndeche wamoyo pamoza namwe, le mwaŵagarukiya Ambuya. Pavuli pa nyifwa yangu kwazamukuŵa uli!

Marangu 9:24

Mwenga ŵa chigaruka kumikana ndi Ambuya Chiuta winu kutuwa zuŵa liyandingumuziŵiyani.

Marangu 9:7

Kumbukani ndi rekani kuruwa mo mungukalipiskiya Ambuya Chiuta winu mu bozwa. Kutuwa pa zuŵa liya mungutuliya mu charu cha Egipiti mpaka mwafika mu malo yagha, mwaŵa ŵakugarukiya Ambuya.

Sumu 129:1

Yisraele sono wakambe, “Wandisuzga kutuliya ku uhurwa wangu.

Yeremiya 3:24

“Kweni kwamba ku uhurwa widu chinthu cha soni chananga vyose vyo auskefwe ŵangugomekezga, viŵetu vyawo ndi ŵaliska ŵawo, ŵana ŵawo ŵanthurumi ndi ŵanthukazi.

Yeremiya 13:10

Ŵanthu ŵaheni yaŵa ŵeniwo ŵakana kuvwa mazu ghangu, wo ŵarondo mu unonono wa mtima wawo ndipo watataliya ŵachiuta ŵanyake, ŵakaŵangauli ndi lamba ili, lo kuti ndamampha ku kanthusocha.

Yeremiya 19:15

“Viyo atiti Ambuya ŵa maŵanja Chiuta waku Yisraele, Ehe, ndikatolenga pa msumba uwu ndi pa mizi yose uheni wose weniwo ndapataula paku wo, chifukwa ŵangangamiska khose lawo, ŵakana kuvwa mazu ghangu.”

Yeremiya 48:11

Moabu waja pa chimangu kutuliya ku uhurwa wake, nge ndi vinyo yo watengama pa visika vyake; walivi kukhutulikapo kutuwa ku chiyaŵi ichi kuya ku chiyaŵi chiya, walivi kurorekapo nanga nkhu umkoli; chifukwa cho kunowa kwake kweche mwake, ndipo chema chake kuti chasinthapo cha.

Zekariya 7:7

Pa Yerusalemu wenga ndi ŵakujamo ndi usambasi, ndi mizi yake yakumuzungurizga, ndipo ŵanthu ŵajanga kuchiri kumwera ndi mu chidika, kumbi asi ndi yagha mazu gho Ambuya anguwandiska ndi ŵamchimi wawo ŵakale?”

Yeremiya 2:25

Kanizga maphazi ghako kuŵa ghambura skapato ndi chigolomelo chinu chambura nyota cha. Kweni imwe munguti, ‘Palivi kakulindizga, pakuti ndanja ŵalendo, ndirutenge kuŵalondo.’

Yeremiya 25:3

“Kwavirimika machumi ghaŵi pachanya vitatu (23) kwamba pa chirimika cha chumi ndi vitatu (13) chaku Josiya mwana waku Amoni karonga wa ŵaYuda, mpaka zuŵa lino, mazu gha Ambuya ghaza kwaku ine, ndipo ndakamba kaŵikaŵi kweni kuti mwavwiya cha.

Yeremiya 25:4

Mulivi kuvwiya nanga nkhutegherezga kuti muvwe, chingana Ambuya anguwerezgapo-werezgapo kutuma ŵateŵeti ŵawo wose ŵamchimi,

Yeremiya 25:7

Kweni kuti mungundivwiya cha, atiti Ambuya, mungundisosomole ku ukari ndi nchitu za manja ghinu, viyo mungujitole uheni paku mwaŵeni.

Yeremiya 25:8

“Chifukwa cho atiti Ambuya ŵa maŵanja: Chifukwa mulivi kuvwiya mazu ghangu,

Zefaniya 3:2

Kuti uvwiya mazu cha, ukana kususkika. Ugomezga mwa Ambuya cha, kuti undere kwaku Chiuta wake cha.