Yeremiya 22:16 - Tonga Bible 1986

¹⁶ Ŵangweruzga mlando wa wakusauka ndi wakusuzgika, viyo kwenga umampha. Pakuchita viyo asi nkhundiziŵa ine? atiti Ambuya.

Yeremiya 22:16 Referans Kwoze

Yeremiya 9:24

kweni yo watumbwa watumbwiye mwaku ichi, chakuti wawamo ndi watindiziŵa ine, kuti ndine Ambuya akuchita chifundu, cheruzgu ndi urunji mu charu, pakuti mu vinthu ivi ndimu ine ndikondwere, atiti Ambuya.”

Yesaya 1:17

sambirani kuchita umampha, penjani cheruzgu chirunji, wovyani ŵakusuzgika; vikiriyani ŵana ŵaranda, chitiyani lisungu vyoko.

Tito 1:16

Ŵazomera kuti mbakumziŵa Chiuta; kweni ndi nchitu zawo ŵatumkana, pakuŵa ŵauziya, ndi ŵamtafu, ndi ku nchitu yose yamampha ŵambura kwenere.

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

Yeremiya 9:16

Ndiŵambininiskiyenge mukati mu mitundu yeniyo iwo pamwenga auskeu kuti akuyiziŵapo cha; ndipo ndikatumanga lipanga pa ku iwo, mpaka penipo ndaŵamara.”

Sumu 109:31

chifukwa ŵavikiriya msauchi ndi kumutaska kwaku wo ŵatimweruzgiya ku nyifwa.

Sumu 9:10

Ndipo wo ŵaziŵa zina linu ŵaŵika chigomekezgu chawo mwaku imwe, Ambuya, kuti mwaŵajowo cha akumupenjani.

Yeremiya 5:28

ŵakuwa ndi kututuŵa, ŵali bwitubwitu. Kuti ŵaziŵa po ŵamurekezga nchitu zawo za mphurupuru cha; kuti ŵateruzga ndi urunji cha mlando wa ŵaranda ŵatuwendeska mwakwenere cha, ndipo kuti wavikiriya vyakurunjika ku ŵasauchi cha.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

Yohane 17:6

“Zina linu ndalivumbuwa ku ŵanthu wo mwandipaska; ndipo ŵasunga mazu ghinu.

Yohane 16:3

Ndipo vyenivi ŵachitenge chifukwa kuti ŵaziŵa Dada cha, chingana ndi ine.

Yeremiya 9:3

Ŵapinda malilime ghawu uli ndi uta; mu charu mwazara ndi kupusika, uneneska cha, pakuti ŵarutiriya kutuwa pa uheni kuya pa uheni, ndipo kuti ŵatindiziŵa cha ine, atiti Ambuya.

Yohane 8:19

Viyo ŵamuneniyanga, “Ŵe pani Ausu?” Yesu wangwamuka, “Kuti muziŵa cha chingana ndi ine, chingana mba Ada: asani munguziŵa ine, mphanyi mutiŵaziŵa Ada nawo.”

1 Samuele 2:2

“Kulivi mtuŵa nge mba Mbuya, palivi yumoza pade paku imwe; kulivi jarawi lakuyana ndi Chiuta widu.

Sumu 36:10

Rutirizgani chanju chinu chikuru kwaku wo ŵatimuziŵani, ndi chipozomosko chinu ku ŵakutowa mu mtima!

Nthanthi 31:9

Jura mlomo wako, weruzge kwakunyoroka, uvikiriye vyakuŵenere ŵasauchi ndi ŵakavu.

Mika 6:8

Iyo wakurongo wa munthu, cho nchamampha, ndi cho Ambuya akhumbiya iwe, kweni kuchita urunji, ndi kwanja ulemu, ndi kwenda kwakujiyuyuwa ndi Chiuta wako?