Yeremiya 22:13 - Tonga Bible 1986

¹³ “Soka kwaku yo wazenga nyumba yake ndi kuwura ukongorekwa, ndi vipinda vyake vya pachanya ndi kuwura urunji; mweniyo watataliska mwanasi wake kwa waka, ndipo kuti watumupaska cha malipilo ghake;

Yeremiya 22:13 Referans Kwoze

Yakobe 5:4

Awonani, mphotu yo ya ŵanchitu ŵakuvuna minda yinu, yo yakoleka ndi imwe, yikuta: ndipo mibobotu ya ŵakuvuna wo yasere mu makutu gha Mweni-Maŵanja.

Mika 3:10

Imwe muzenga Zioni ndi ndopa, ndi Yerusalemu ndi ubudi.

ŴaLevi 19:13

Mungayuzganga muzenegezgani winu cha; pamwenga kumubiya. Malipilo gha wanchitu mungaghasunganga usiku wose mpaka ku mlenji cha.

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Yeremiya 22:18

Chifukwa cho atiti Ambuya paku Yehoyakimu mwana Josiya, karonga waku Yuda: “Kuti wakamutenjerenga cha kuti, ‘Owe mzichi wangu!’ Pamwenga ‘Owe mbumba yangu!’ Kuti wakamutenjerenga cha, kuti ‘Owe mbuyangu!’ Pamwenga ‘Owe chiyembwe!’

2 Mikoka 36:4

Ndipo karonga waku Egipiti wanguŵika mbali wake Eliyakimu kuwusa mu Yuda ndi Yerusalemu, wangung'anamuwa zina lake kuti liŵe Yehoyakimu. Ndipo wanguto Yehoyahazi mbali wake wanguruta nayo ku Egipiti.

2 Mikoka 36:5

Yehoyakimu wenga wa virimika machumi ghaŵi pachanya vinkhonde (25) wachamba kuwusa. Ndipo wanguwusa virimika chumi ndi chimoza mu Yerusalemu. Wanguchita uheni paurongo pa Ambuya Chiuta wake.

Yesaya 5:8

Owe kwaku wo ŵalungizgana nyumba ku nyumba, wo ŵasazga munda ku munda, mpaka penipo malo ghalivi kujapo, ndipo mwachitika kuja paku mwija mukati mu charu cho.

Yeremiya 17:11

Mweniyo wasaniya usambasi mu nthowa yambura kurunjika, wayana ndi nkhwali yeniyo yiunjika pamoza ŵana wo yengavi kukonkhomo iyo; viyo mukati mwa mazuŵa ghake usambasi ukamuthaŵanga, ndipo pa umari wake wakaŵanga bereŵeza.

Marangu 15:13

Ndipo penipo mukamurekanga kuruta kwawanangwa, kuti mumurekenge kuruta ndi manja ghambuwuya cha;

Jobu 31:39

asani ndargha vipasi vyake kwambura kulipa ndrama, ndi kuŵatayiska umoyo ŵeneko ŵaku vyo;

Habakuku 2:12

Soka kwaku yo wazenga muzi ndi ndopa, ndi kuzenga msumba pa chiŵanja cha ubudi!