Yeremiya 21:6 - Tonga Bible 1986

⁶ Ndikapumanga ŵakuja mu muzi uwu, munthu ndi nyama pamoza; ŵakafwanga ndi chideru chikuru.

Yeremiya 21:6 Referans Kwoze

Zefaniya 1:3

“Ndimarenge munthu ndi chinyama; ndimarenge viyuni vya mude ndi somba zamu Nyanja. Ndiparghang'enge ŵaheni; nkhatuzgangamo ŵanthu wose mu charu,” atiti Ambuya.

Hoseya 4:3

Chifukwa ichi, charu chitenge, ndipo wose wo ŵaja mwaku cho ŵakhuluruka nthazi, ndi so nyama zamu dondo, ndi tuyuni twa mude, chingana ndi somba zamu nyanja nazo zitoreka.

Ezekiele 14:21

“Pakuti viyo atiti Ambuya Chiuta: Kuŵenge uli ukongwako asani ndituma vyeruzgu vyangu vinayi pa Yerusalemu lipanga, chailala, vikoko viheni, ndi chideru, kudumuwamo munthu ndi chakuŵeta!

Ezekiele 14:19

Pamwenga asani ndituma chideru mu charu chiya, ndi kupunguliyamo ukari wangu ndi ndopa, kudumuwamo munthu ndi chakuŵeta,

Ezekiele 14:17

Pamwenga asani nditore lipanga pa charu chiya, ndi kuti, lipanga liporote mu charu; ndi kudumuwamo munthu ndi chakuŵeta;

Ezekiele 14:13

Mwana wa munthu, asani charu chandinangiya pa kuchita uwura magomezgeka, ndipo ine nditambasuliya janja langu paku cho, ndi kufyo ndodo yake yachiŵande ndi kutuma chilala paku cho, kudumuwako munthu ndi chakuŵeta,

Yeremiya 33:12

“Viyo atiti Ambuya ŵa maŵanja: Mu malo yagha ghenigho ndi mapopa, ghambura munthu pamwenga nyama, ndi mu misumba yake yose, mukaŵanga malo ghakujamo ŵaliska ŵachipumuzga miskambu yawo.

Yeremiya 32:24

Ehe, vidya vya ŵakuzinga vyafika ku msumba kuti ŵauthereske; ndipo chifukwa cha lipanga ndi chilala ndi chideru, msumba waperekeka ku ŵaKaldiya ŵeniwo ŵarwana ndi msumba wo. Chenicho imwe mungukamba chafiskika, ndipo ehe, mutichiwona.’

Yesaya 6:11

Sono ine ndinguti, “Mpaka zuŵanje, Ambuya?” Ndipo iwo anguti: “Mpaka penipo mizi yaŵa mapopa mwambura ŵakujamo, ndi zinyumba zambura ŵanthu, ndipo charu chaŵiya limu uyiku.

Luka 21:24

Ndipo ŵanyake ŵabayikenge ndi uyi wa lipanga, ndi ŵanyake ŵakorekenge nge mbamagoŵa ku mitundu yose, ndipo Yerusalemu waŵenge wakuphwatika ndi Mitundu, mpaka zifiskikenge nyengu za Mitundu.

Mika 3:12

Viyo chifukwa chaku imwe Zioni wakalimikanga nge ndi munda; Yerusalemu wakaŵanga ndundu ya vyakupasuka, ndi phiri la nyumba nge ndi miti yitali mulisuwa.

Ezekiele 33:29

Penipo ndipo ŵakaziŵanga kuti Ine ndine Ambuya, asani ndasanduska charu kuti chiŵe phasulu ndi mapopa chifukwa cha maunyakazi ghawo ghose gho ŵachita.

Ezekiele 33:27

Uŵanene ichi, viyo atiti Ambuya Chiuta: Mo ndiliri wamoyo, kwakuneneska wo ŵe mu malo gha mapopa ŵakabayikanga ndi lipanga: ndipo yo we mudondo ndikamuperekanga ku vikoko kuti vimuparuwe, ndipo woŵe mulinga lakukho ndimuzimphanji ŵakafwanga ndi chideru.

Ezekiele 12:16

Kweni ndikapozomoskanga ŵamanavi ŵaku iwo ku lipanga, ku Chilala ndi ku chiwowota, alinga kuti ŵasumuwe maunyakazi ghawo ghose mukati mu mitundu ko ŵaruta, ndipo ŵaziŵe kuti ine ndine Ambuya.”

Ezekiele 7:15

“Lipanga le kubwaro, chideru ndi chilala vye mukati, yo we mu munda watufwa ndi lipanga; ndipo yo we mu msumba nja ndi chiwowota vithwazuwa.

Yeremiya 42:22

Sono chifukwa cho ziŵiskani kuti mukafwanga ndi lipanga, ndi chilala, ndi chideru mu malo ghenigho munweka kwachijamo.”

Yeremiya 36:29

Ndipo gha paku Yehoyakimu karonga waku Yuda unenenge kuti, ‘Viyo atiti Ambuya, Wawocha buku ili ndipo utiti, “Chifukwa chine walemba kuti karonga wa Babiloni wakazanga kubwanganduwa charu ichi, ndi kutuzgamo ŵanthu ndi nyama?”

Yeremiya 34:17

Chifukwa cho, viyo atiti Ambuya: Mulivi kundivwiya ine kumemeza we yose ku mwana munyake ndi ku mzengezgani wake; wanangwa, ehe, nditikupaskani wanangwa waku lipanga, waku chideru, ndi wanangwa waku chilala, atiti Ambuya. Ndikamuchitaninga kuŵa chakofya ku maufumu ghose gha charu chapasi.

Yeremiya 14:12

Chingana ŵangafunga, kuti ndikavwanga kuliya kwawo cha, ndipo chingana ŵangapereka mpasku wakocha ndi mpasku wa ufwa, kuti ndivirondiyenge cha; kweni ndikaŵamaranga ndi lipanga, ndi chilala, ndi chideru.”

Yeremiya 7:20

Chifukwa cho atiti Ambuya Chiuta; Ehe, kukwiya kwangu ndi ukari wangu vikapungulikiyanga pa malo yagha, pa munthu ndi nyama, pa miti yamu minda ndi chipasi chapa nyata. Vikawochekanga ndipo kuti vikazimwikanga cha.”

Chiyambo 6:7

Viyo Ambuya anguti, “Ndisisitenge munthu yo ndalenga kumutuzga mu charu, munthu ndi nyama ndi vyakukwaŵa ndi viyuni vya mude, chifukwa nde wachitima kuti ndinguvichita.”

Yeremiya 16:4

Ŵakafwanga ndi zinthenda za kubaya. Kuti ŵakaŵatenjenga cha nanga nkhu ŵaŵika nako cha; ŵakaŵanga nge ndi vundira pa charu. Ŵakamaranga ku lipanga, ndi kuchilala, ndipo vitende vyawo vikaŵanga kurgha kwa viyuni vya mude ndi vikoko vya charu chapasi.

Yeremiya 20:4

Pakuti atiti viyo Ambuya, Ehe, ndikakuchitanga chakofya kwaku wamweni ndi ku mabwezi ghako ghose. Ŵakabayikanga ndi lipanga la ŵakupindikana ŵawo, maso ghako ghachilereska. Ndipo ndikaperekanga Yuda yose mu janja la karonga wa Babiloni; ŵakayorekiyanga mu umkoli ku Babiloni, ndipo ŵakaŵabayanga ndi lipanga.