Yeremiya 20:7 - Tonga Bible 1986

⁷ Ambuya mwe, mwandipusika, ndipo ndingupusikika; mwe ŵakulimba kwakuruska ine, ndipo imwe mwapunda. Ine ndaŵa chakusekeka, zuŵa lose weyose watindiwera.

Yeremiya 20:7 Referans Kwoze

Hoseya 9:7

Mazuŵa ghakurangikiya ghafika, mazuŵa ghakuwezge thayu ghafika. Yisraele wakaghaziŵanga. Mchimi ngwakupusa, munthu wa mzimu wafuntha, chifukwa cha ubendezi winu ndi kutinkha kukuru.

Chitenje 3:14

ndaŵa chisembwere chakusekeka ku ŵanthu wose, ndaŵa sumu yawo zuŵa lose.

Ezekiele 3:14

Mzimu ungundisoska ndi kunditore kutali, ndinguruta mu kuŵaŵa kwa kufunda kwa mzimu wangu, pakuti janja la Ambuya lingundiŵiya la nthazi;

Yeremiya 20:9

Asani ndititi, “Kuti ndikamuzumbuwanga cha, pamwenga kuchima so mu zina lake,” mu mtima wangu muchita nge mwe moto wakukole wo wajarikiya mu viwanga vyangu, ndipo ndavuka kuwusunga mukati, viyo kuti ndingaziŵa kujiko cha.

ŴaHebere 11:36

Ndipo ŵanyake ŵangweseka ndi matozu ndi malikhwechu, nadidi so, ndi magoŵa ndi ulinda.

1 ŴaKorinte 9:6

Pamwenga ine pe ndi Barnaba ndifwe tirive mtufu kujirekeska kutakataka?

Machitidu gha Ŵakutumika 17:32

Kweni pakuvwa ndi chiyuka cha ŵakufwa, ŵanguwera ŵanyake; kweni ŵanyake ŵanguti, “Tikuvwenge panyake so vyapaku chenichi.”

Machitidu gha Ŵakutumika 17:18

Ndipo ŵanyake ŵanjazeru ŵaEpikuro ndi ŵaStoa ŵangukumana nayo. Ndipo ŵanyake ŵatinge, “Wangakambanji mbwebweta uyu?” Ndi ŵanyake, “Wawoneka kuŵa mtaula wa vyachiuta vilendo;” chifukwa wataulanga Yesu ndi chiyuka cho.

Luka 23:11

Herode nayo pamoza ndi ŵankhondo ŵake ŵati ŵamyeya ndi kumtombozga, ŵangumvwarika chivwaru charopa, ndipo wangumwezge kwaku Pilato.

Luka 16:14

Ndipo vyenivyo vyose ŵavwanga ŵaFarisi wo mbamwanja ndrama; ndipo ŵanyumbanga.

Mika 3:8

Kweni ine, ndazazika ndi nthazi, ndi mzimu wa Ambuya, ndi weruzgi ndi mazaza, kunena kwaku Yakobe ulakwi wake ndi kwaku Yisraele mphurupuru yake.

Yeremiya 29:26

‘Ambuya akukuŵika kuŵa mzukuru mu malo ghaku Yehoyada mzukuru, kuŵa ndi mtufu mu nyumba ya Ambuya pa munthu yose wakufuntha mweniyo wachima, kumuŵika mu gori ndi mu matangaja.

Yeremiya 17:16

Ndirivi kumukakamizgani kutuma chiheni, chingana nkhuti ndanweke zuŵa lasoka cha, imwe muziŵa; vyo vingutuwa mu milomo yangu, vyenga paurongo pa chisku chinu.

Yeremiya 15:18

Chifukwa chine kuŵaŵa kwangu kureka kumara, bala langu ndambura mapoleka likana kupo? Kumbi mukandiŵiyanga ine nge nkhamsinji kakupusika, nge ndi maji ghenigho ghatondeka?

Yeremiya 15:10

Soka ndangu, ama pakuti mungundipapa, ndamunthu wa suskano ndi wakulimbana ndi charu chose! Ndilivi kukongoleska, chingana nkhuti ndikongole ine, kweni wose ŵatinditemba.

2 ŴaKaronga 2:23

Kutuwa kuwa wangukwere ku Betele; ndipo penipo wenga weche kwenda mu nthowa, ŵahurwa ŵanyake ŵangutuwa mu msumba ndipo ŵangumunyoza, ŵanguti, “Rutanga kweranga wachaphala! Rutanga kweranga, wa chaphala!”

Jobu 12:4

Nde wakusekeka ndi mabwezi ghangu; ine, ndamwenine ndinguromba kwaku Chiuta ndipo wangundamuka, munthu murunji ndi wakunyoroka, kweni nde wakusekeka.

Sumu 119:51

Ŵakujikuzga ŵandiwera, kweni kuti ndapatukako cha ku dangu linu.

Yeremiya 38:19

Karonga Zedekiya wanguti kwaku Yeremiya, “Nditopa ŵaYuda ŵeniwo ŵakuthaŵiya ku ŵaKaldiya, vinu ndingaperekeka kwaku wo ndipo ŵanditozenge.”

Yona 4:2

Ndipo wanguromba ku Ambuya ndi wanguti, “Ndimurombani, Ambuya, ndatinge uku ndiko kunguŵa kukamba kwangu, penipo ndenga ndeche mu charu changu? Pa chifukwa cho ndinguthaŵiya ku Tarshishi; chifukwa ndinguziŵa kuti ndimwe Chiuta walisungu, ndi wawezi, wachizita kukalipa, ndipo wakuzala chanju, ndi wakugowoke uheni.

Jobu 30:9

“Ndipo ine sono ndasanduka sumu yawo, nde wakuwoyeka kwaku iwo.

Yesaya 8:11

Pakuti Ambuya ndimu angukambiya nane viyo, ndi janja lawo la nthazi paku ine, angundichenjezga kuti ndireke kwenda mu nthowa ya ŵanthu yaŵa, anguti,