Yeremiya 20:12 - Tonga Bible 1986

¹² Ambuya mwe ŵa maŵanja, imwe mutesa ŵarunji, imwe muwona mtima ndi zeru, ndiwoneskeni thayu linu paku iwo, pakuti ndapereka kwinu mlando wangu.

Yeremiya 20:12 Referans Kwoze

Yeremiya 11:20

Kweni, Ambuya mwe, ŵa maŵanja, imwe muteruzga mu urunji; imwe mutesa mtima ndi mzimu; ndiwoneskeni thayu linu paku iwo, pakuti ndapereka kwinu mlando wangu.

Sumu 62:8

Gomezgani mwaku iyo nyengu zose, mwa ŵanthu; muneniyeni masuzgu ghinu ghose, chifukwa ndiyo chakudingang'amo chidu.

Sumu 54:7

Pakuti mwandipozomoska ku suzgu yose, ndipo jiso langu lalereska mwa upundi pa ŵarwani ŵangu.

Yeremiya 17:10

“Ine Ambuya ndipapaska mzimu, nditesa mtima, kupaska ku munthu we yose kwakulingana ndi thowa zake, kwakulingana ndi chipasi cha machitidu ghake.”

Sumu 59:10

Chiuta wangu mu chifundu chake wakumanenge nane; Chiuta wangu wakandiwoneskanga kuthereskeka kwa ŵarwani ŵangu.

Sumu 139:23

Ndipenjeni, A Chiuta, ndi ziŵani mtima wangu; ndeseni, ndipo bowozgani maghanaghanu ghangu.

Sumu 7:9

Zomerani kuti uheni wa ŵaheni umare. Kweni imwe zengani ŵakurunjika, imwe mutesa mzimu ndi mitima, ndimwe Chiuta wakurunjika.

Yeremiya 17:18

Ŵalengeskeke ŵeniwo ŵatindisuzga; kweni ine mungandilengeska cha; ŵadiskike nthazi rekani kundidiska nthazi ine. Toleni paku iwo zuŵa liheni muŵaphwanye ndi kuphwanya kwa kaŵi.

Yesaya 37:14

Hezekiya wanguronde karata ku janja la mathenga ndi wanguŵerenga, ndipo Hezekiya wangukwere ku nyumba ya Ambuya, ndi wangumutandika karata yo paurongo pa Ambuya.

Sumu 17:3

Asani imwe mungayesa mtima wangu, asani mungachezga nane ndi usiku, asani mungandipima, kuti mukasaniyangamo uheni cha mwaku ine; mlomo wangu kuti ulakwa cha.

Sumu 11:5

Chiuta watesa ŵarunji ndi ŵaheni, ndipo mzimu wake utinkha wakwanja viwawa.

Chivumbuzi 18:20

Kondwereni paku iyo, kuchanya ko, ndi imwe mwaŵakupaturika, mwaŵakutumika ndi ŵamchimi; chifukwa Chiuta wamweruzga paku vyo wangumuchitiyani.”

Chivumbuzi 6:10

ndipo ŵangukambura ndi mazu ghakuru, kuti, “Mpaka zuŵanji Ambuya Mwaŵanthazizose, ŵakupaturika ndi ŵakuneneska, murekenge kweruzga ndi kutayiya thayu yapa ndopa zidu paku wo ŵaja pa charu?”

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.

1 Petro 4:19

Viyo, so ŵeniwo ŵakomwa kwakulingana ndi khumbo laku Chiuta ŵapazgiye mauzima ghawu mu kuchita umampha ku mlengi wamagomekezgeka.

1 Petro 2:23

wachinyozeka iyo, kuti wanyozanga cha; wachikomwa, kuti wafinganga cha, kweni wajiperekanga kwaku mweniyo wateruzga kwaurunji.

Yeremiya 12:8

Ŵanthu ŵangu ŵaŵa kwaku ine uli ndi nkharamu mu dambo, ŵatinditafuliya; chifukwa cho ndaŵatinkha.

Yesaya 38:14

Uli ndi kaŵeruŵeru pamwenga tofu ndibangula, nditamantha uli ndi nkhunda. Maso ghangu ghavuka ndi kulereska, kuchanya. Ambuya mwe ndisuzgika; muŵe imwe akundivikiriya!

Sumu 86:4

Ambuya, kondweskani mteŵeti winu, chifukwa ndiyinuskiya kwinu mzimu wangu.

2 Mikoka 24:22

Viyo karonga Yoashi kuti wangukumbuka cha ulemu wo Yehoyada wiske waku Zekariya wangumuchitiya, kweni wangubaya mwana wake, ndipo wachifwa, wanguti, “Ambuya achiwone ichi ndipo awezge nduzga!”

1 Samuele 1:15

Hana wangwamuka wanguti, “Awa, Ambuya ndaŵa munthukazi wakusuzgika ukongwa; kuti ndamwa vinyo chingana nchakumwa chakuloŵereska cha, kweni ndaperekanga mzimu wangu paurongo pa Ambuya.

Sumu 58:10

Wakondwenge wakurunjika wachiwona thayu; marwayo ghake wasukengemu ndopa za ŵaheni.