Yeremiya 20:11 - Tonga Bible 1986

¹¹ Kweni Ambuya ŵe nane uli ndi wankhondo wakofya; chifukwa cho ŵakundisuzga ŵakaguŵanga, kuti ŵakandipundanga cha. Ŵakalengeskekanga weniukongwa, chifukwa kuti ŵakachitangapo kanthu cha, kuyuyulika kwawo kwa muyaya kuti kukaruwikanga cha.

Yeremiya 20:11 Referans Kwoze

Yeremiya 1:19

Ŵakarwananga nawe kweni kuti ŵakakupundanga cha pakuti ine nde nawe pamoza kukupozomoska,” atiti Ambuya.

Yeremiya 1:8

Ungopanga iwo cha, pakuti nde nawe kukutaska iwe,” atiti Ambuya.

Yeremiya 15:20

Ndipo kwaku yaŵa ŵanthu ndikakulimbiskanga nge ndi linga la mkuŵa; ŵakarwananga nawe, kweni kuti ŵakakupundanga cha, pakuti ine nde nawe pamoza, kukutaska ndi kukupozomoska, atiti Ambuya.

Yeremiya 17:18

Ŵalengeskeke ŵeniwo ŵatindisuzga; kweni ine mungandilengeska cha; ŵadiskike nthazi rekani kundidiska nthazi ine. Toleni paku iwo zuŵa liheni muŵaphwanye ndi kuphwanya kwa kaŵi.

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Sumu 6:10

Ŵarwani ŵangu wose ŵalengeskekenge ndi ŵatenthemenge ukongwa; ŵakaweriyanga kuvuli, ŵakachitanga soni kwamabuchibuchi.

Sumu 40:14

Ŵachiti sono ndipo ŵatimbanizgikiye pamoza wo ŵapenja kukwamphuwa umoyo wangu; awezgeke kuvulindi awayulike wo ŵanweka kundipweteka!

Sumu 35:26

Ŵachiti soni ndipo wose pamoza ŵatimbanizgike, wo ŵakondwa pa soka langu! Ŵavware soni ndi chilengesku wo ŵatijikuzga pakumikana nane!

ŴaRoma 8:31

Viyo tikatingenji kwaku vyenivi? Asani Chiuta we kuchiri kwaku ifwe, wakumikana nafwe njani?

Yeremiya 23:40

Ndipo ndikatoliyanga paku imwe kusekeka, ndi soni za muyaya, zo kuti zikaruwikanga cha.’ ”

2 Timote 4:17

Kweni Mbuya iyo wangumapo pamoza nane, ndipo wangundikhomeska; alinga kuti mwaku ine mumemezu wo ufiskike, ndipo kuti ŵanguvwa ŵaMitundu wose: ndipo ndingutaskika ku mlomo wa nkharamu.

Yesaya 45:16

Wose ŵalengeskeka ndi ŵatimbanizgika, ŵakuchita ŵangoza ŵatimbanizgikiya pamoza.

Sumu 66:5

Zaninga ndi muwone vyo Chiuta wachita: nchitu zake mukati mu ŵanthu zakuziziswa.

Danyele 12:2

Ndipo ŵanandi wo ŵagona mu fuvu la charu ŵayukenge, ŵanyake ku umoyo wa muyaya, ndi ŵanyake ku soni, ndi chilengesku cha muyaya.

Sumu 65:5

Mutitamuka, Chiuta Mtaski widu, ndipo mutititaska pakuchita vinthu vyakuziziswa. Ŵanthu mu charu chose chapasi, ndi ŵakusirgha la zinyanja, ŵagomekezga mwaku imwe.

Sumu 47:2

Pakuti Ambuya, Apachanya limu, mbakofya, ndi karonga mukuru pa charu chose chapasi.

Yesaya 41:14

Ungopanga cha, owe fusi Yakobe, imwe mwa ŵanthu ŵaku Yisraele! Ndikovyeninge, atiti Ambuya; muwobozi winu ndi Mtuŵa Yumoza yo waku Yisraele.

Sumu 129:2

Kutuliya ku uhurwa wangu, wandisuzga, kweni kuti wandipunda cha.

Yeremiya 15:15

Ambuya mwe, imwe muziŵa; mundikumbuke ndi muchezge nane, ndipo toleni thayu chifukwa changu pa wakundisuzga. Mukukunthiyapo kwinu rekani kundituzgapo; ziŵani kuti chifukwa chinu ndipinga matozo.

Yeremiya 22:22

Mphepo yikaliskanga ŵaliska ŵako wose, ndipo mabwezi ghako ghakarutanga ku umkoli; sono ukalengeskekanga ndi kutimbanizgika chifukwa cha mautimbanizi ghako ghose.

Yeremiya 32:18

Imwe murongo chanju chinu chikuru ku vikwi vya ŵanthu, kweni musiskiya kulakwa kwa auskeu pa ŵana ŵawo, imwe chiuta mukuru ndi wakulimba, mwa ŵenimwe zina linu ndimwe Ambuya ŵa maŵanja,

Yeremiya 1:18

Ndipo ehe, ine msana wale ndikuchita iwe kuŵa nge ndi muzi wa malinga, mzati wa chisulu, ndi malinga gha mkuŵa kulimbana ndi charu chose ndi ŵakaronga ŵaku Yuda, ndi mafumu ghake, ŵazukuru ŵake, ndi ŵanthu ŵamu charu cho.