Yeremiya 20:10 - Tonga Bible 1986

¹⁰ Pakuti ndituvwa ŵanandi ŵatokotezga. “Mantha ghe mu malo ghose! Musumuweni! Tiyeni timusumuwe!” Ndimu ghakambiya mabwezi ghangu ghose ghakuziŵirizgana nagho, ŵakulindizga kuwa kwangu. “Akhumba wakapusikikanga, penipo ndipo tingaziŵa kumupunda, ndi kumutayiya thayu lidu.”

Yeremiya 20:10 Referans Kwoze

Sumu 41:9

Nanga ndi mwanasi wangu wapa mtima mwaku mweniyo ndingugomekezga, yo wangurgha kurgha kwangu, nayu so wandisoske chitende chake.

Sumu 31:13

Inya, ndituvwa muhihitu wa ŵanandi mantha ghe kose kose! Mo ŵaungirana pamoza upu paku ine, ndi kupangana chiŵembu kundibaya.

Yesaya 29:21

ŵeniwo ndi mazu ŵachitiska munthu kuŵa wakwananga, kumuthya chiŵana mweniyo wasusuka mu likomo, ndipo ndi mpandira wa waka ŵapenevya yo ngwakurunjika.

Yeremiya 18:18

Sono iwo ŵanguti, “Tiyeni, timuchitiye vya chiŵembo Yeremiya, pakuti dangu kuti likamaranga cha ku mzukuru, chingana ndi fundu ku wazeru, chingana ndi mazu kutuwa ku mchimi. Tiyeni, timupume ndi lilime, ndipo tireke kuphwereko mazu ghake chingana ngamoza.”

Machitidu gha Ŵakutumika 24:13

Chingana nkhuti ŵaziŵa kukusimikizgiya paku vyenivyo sono ŵatindisumuliya.

Ezekiele 22:9

Mwe ŵanthu mwaku iwe wo mbamwendanato kudiska ndopa, mwe ŵanthu wo ŵaturgha pa mapiri, ŵalimo mukati mwako wo ŵachita vinthu vya ukazuzi.

Yeremiya 6:25

Mungarutanga kwachisere mu minda, chingana nkhwenda mu museu cha; pakuti wakupindikanga wendi lipanga, mantha ghe posepose.

Nthanthi 10:18

Mweniyo wabisirizga kutinkha wendi milomo yitesi, ndipo mweniyo watundula kwa utesi ngwa kupusa.

Luka 20:20

ndipo ŵangumkhazga ndi ŵangutuma ŵaskoli wo ŵangujiŵikamo kuŵa ŵarunji, alinga kuti ŵamko ndi mazu ghake, viyo kuti ŵampereka ku cheruzgu ndi ku mtufu wa nduna.

Jobu 19:19

Mabwezi ghangu ghose gha pamtima ghandiwoya, ndipo wose wo ndingwanja ŵandiyukiya.

1 ŴaKaronga 21:20

Ahabu wanguti kwaku Eliya, “Kumbi wandisaniya, wa mphindikwa wangu we?” Wangwamuka, “Ndakusaniya, chifukwa wajiguliska wamweni kuchita mphurupuru mu maso gha Ambuya.

1 ŴaKaronga 19:2

Sono Yezebelu wangutuma thenga kwaku Eliya, kuti, “Viyo so ndimu ŵachitiyi ŵachiuta kwaku ine, ndi kuruskako so, asani umoyo wako ndirekenge kuwuchita ulaka mbumoyo wa yumoza waku wo pa nyengo nge ndi iyi la mawa.”

Machitidu gha Ŵakutumika 7:54

Ndipo pakuvwa vyenivi ŵangulasika ku mitima yawo,

Machitidu gha Ŵakutumika 5:33

Kweni iwo pakuvwa ŵangukaripa, ndipo ŵakhumbanga kuŵabaya.

Sumu 57:4

Ndigona mukati mu zinkharamu zo zendi chirghoko chakuthwazuwa ŵana ŵa ŵanthu; minyu ghawo ndi mikondo ndi mivwi, malilime ghawo ndi malipanga ghakuthwa.

1 ŴaKaronga 22:27

Mukanene kuti, ‘Viyo ndimu wanene karonga, “Uyu munthu mumuŵike mu nyumba ya magoŵa, ndipo mumurghiske kurgha kumanavi ndi maji ghamanavi, mpaka po ine ndaza mu chimangu.” ’ ”

1 ŴaKaronga 22:8

Ndipo karonga ŵaYisraele wanguti kwaku Yehosafati, “Wachalipo munthu yumoza mweniyo tingafumbako gha Ambuya, Mikaya mwana waku Imla; kweni nditumutinkha, pakuti kuti wachimapo ghamampha paku ine cha, kweni ghaheni pe.” Yehosafati wanguti, “Karonga wareke kukamba viyo.”

Yeremiya 11:19

Kweni ndenga nge ndi mberere yakuzika yakurongozgeke kukubayika. Ndengavi kuziŵa kuti chenga paku ine ŵangupangirana machitidu gha chiŵembo pa mutu wangu, ŵakuti, “Tiyeni tiphwanye chimuti ndi chipasi chake, tiyeni timudumuweko ku charu cha ŵamoyo, mwakuti zina lake lireke kukumbukika so cha.”

Yeremiya 11:21

Chifukwa cho atiti Ambuya gha pa ŵanthu ŵaku Anatoti, ŵeniwo ŵapenja kukubayani, ndi kuti, “Ungachimanga mu zina la Ambuya cha, vinu tingakubaya.”

Yeremiya 20:3

Ndi mlenje penipo Pashuru wangufwatuwa Yeremiya mu matangaja, Yeremiya wanguti kwaku iyo, “Ambuya kuti atikudana zina lako kuti ndiwe Pashuru cha, kweni Chakofya Kosekose.

Yeremiya 37:13

Penipo wenga pa chipata chaku Benjamini, mulinda yo wanguŵapo wakudanika Irija mwana waku Shelemiya, mwana waku Hananiya, wangumuko Yeremiya mchimi, wanguti, “Upatuka iwe ku ŵaKaldiya.”

Danyele 6:4

Viyo ŵarongozgi wo ndi mafumu ŵangupenja kafukwa kakumikirana ndi Danyele pa makani gha ufumu; kweni ŵengavi kusaniya nthowa nanga nkhafukwa kakumutole makani, chifukwa wenga wamagomezgeka, ndipo pengavi ubudi pamwenga kafukwa kakusanirika mwake.

Sumu 31:14

Kweni ine ndigomezga mwaku imwe, Ambuya, ndititi, “Ndimwe Chiuta wangu.”

Sumu 41:10

Kweni imwe, Ambuya, ndichitiyeni wezi, nditumphuskeni, alinga kuti ndiŵawerezgiyepo!

Yeremiya 1:19

Ŵakarwananga nawe kweni kuti ŵakakupundanga cha pakuti ine nde nawe pamoza kukupozomoska,” atiti Ambuya.