Yeremiya 2:6 - Tonga Bible 1986

⁶ Wengavi kukamba, ‘Ŵepani Ambuya ŵeniwo angutituzga mu charu cha Egipiti, ŵeniwo ŵangutirongozga mu bozwa, mu charu cha uyiku ndi mabuwu, mu charu cha chiparantha ndi cha mdima uzitu, mu charu chambura kuporotamo nanga njumoza, mwenimo kuti muja munthu cha?’

Yeremiya 2:6 Referans Kwoze

Marangu 32:10

“Wangumusaniya mu charu cha mapopa, ndi mukukoroma kwaŵaka kwa bozwa. Wangumuzinga, wangumuphwere, wangumusunga uli ndi mboni ya jiso.

Hoseya 13:4

Ndine Ambuya Chiuta winu kutuwa ku charu cha Egipiti. Muziŵa Chiuta munyake cha, kweni ine pe, ndipo pade paku ine palivi mtaski munyake.

Mateyu 4:16

Khamu lakuja mu mdima lawona kungweruka kukuru, ndi kuŵakuja mu charu ndi mduzi wa nyifwa, ukweru waŵaŵaliya.”

Hoseya 12:13

Ndi mchimi Ambuya angutuzga Yisraele mu charu cha Egipiti, ndipo ndi mchimi wangusungika.

Yeremiya 5:2

Chingana ŵatiti, “Nge ndimo aliri amoyo Ambuya,” kweni ŵarapa kwakupusika.

Yeremiya 2:8

Ŵazukuru ŵengavi kukamba, ‘Ambuya ŵepani?’ Ŵakuko dangu kuti ŵangundiziŵa cha ine; ŵakuwusa ŵangundichimwiya; ŵamchimi ŵanguchimiya paku Bala, ndipo ŵangundondoloska mu vinthu vyambura kwanduwa kanthu.

Yeremiya 2:2

“Ruta, ukamemeze mu makutu gha Yerusalemu, viyo atiti Ambuya, Ndikumbuka kuti ungunditeŵete penipo wenga muhurwa, chanju chako uli ncha mwali wanthengwa, mwenimo ungundindondoloske mu bozwa, mu charu chambura kumijamo mbeu.

Yesaya 64:7

Palivi mweniyo wadana pa zina linu, wakujipamphuska kumukoreskani imwe; pakuti mwabisa chisku chinu kwaku ifwe, ehe, mwatipereka mu janja la mphutupuru zidu.

Yesaya 63:9

Mu kuyuzgika kwawo kose iyo nayo wanguyuzgika, kweni mungelo wakuma pa maso pake wanguŵataska; mu chanju chake ndi chitima chake wanguŵawombo; wanguŵasoska ndi kuŵanyamuwa mazuŵa ghose gha kali.

Sumu 77:5

Ndighanaghana ndi mazuŵa gha mwaka, ndi kukumbuka virimika vya migonezi ya kali.

Sumu 23:4

Nanga nditenda mu phata mu munkhorwe wanyifawa; kuti ndopenge uheni cha; chifukwa imwe mwe pamoza nane; nthonga yinu ndi ndodo yinu vitindisangaruska.

Jobu 35:10

Kweni palivi yo watiti, ‘Wepani Chiuta Mlenge wangu, mweniyo wapaska sumu pa usiku pakati,

Jobu 3:5

Mdima ukuru ndi mduzi wa nyifwa viliŵange kuŵa lawo. Mitambo yiwe pachanya pake, mdima wa zuŵa ulitenthemeske.

2 ŴaKaronga 2:14

Sono wanguto chivwalo chaku Eliya cho chingumbotoka kwake, ndi wangupuma maji, wanguti, “Wepani Ambuya Chiuta waku Eliya?” Ndipo wanguti waghapuma maji, ghangupatukana ghanguma uku ndi uku, ndipo Elisha wangwambuka.

Ŵeruzgi 6:13

Ndipo Gideoni wanguti “Ndipempha, abwana, asani Ambuya ŵe nafwe pamoza, na chifukwa nchine vyatiwiya vyose ivi? Zepani nchitu zawo zose zakuziziswa zo ŵangutinene auskefwe, kuti, ‘Asi mba Mbuya wo angutitole kuno kutuwa ku Egipiti?’ Kweni sono Ambuya atitaya kuwa, ndipo atipereka mu janja laku Midiyani.”

Chituwa 20:2

“Ine ndine Ambuya Chiuta wako, mweniyo wangukutuzga mu charu cha Egipiti kutuwa mu nyumba ya uŵanda.

Marangu 1:19

“Ndipo tingusoka pa Horebe ndi kuporota mu mobozwa ghakuru ndi ghakofya ghenigha munguwona mu nthowa ya mapiri gha Amori, nge ndimo Ambuya Chiuta widu wangutilanguliya, ndipo tinguza ku Kadeshebarnea.

Yeremiya 13:16

Paskani unkhankhu ku Ambuya Chiuta winu, wenga wandaze ndi mdima, marundi ghinu ghenga ghandaguŵe pa mapiri gha mdima, penipo imwe mupenja ukweru iyo wasanduskiyako mdima, watiusanduska mdima uzitu.

Yeremiya 51:43

Misumba yake yasanduka chakofya, charu chiyumu ndi cha bozwa, charu cho munthu kuti wajamo cha, chenicho palivi mwana wa munthu wakuporotamo.

Marangu 8:2

Ndipo mukumbukenge nthowa yose yo Ambuya Chiuta wangumurongozgani virimika ivi machumi ghanayi (40) mu bozwa, ku muchepeskani ndi kumwesani; kuti waziŵe cho chenga mu mtima winu, vinu musungenge marangu pamwenga cha.

Yeremiya 5:12

Ŵakamba vya utesi pa Ambuya, ndipo ŵatiti, ‘Kuti wachitenge kanthu cha; palivi chiheni cho chikazanga paku ifwe, chingana nkhuti tikawonanga lipanga pamwenga chilala cha.

Amosi 2:10

Ndipo so ndingumutuzgani mucharu cha Egipiti, ndipo ndingumurongozgani kwa virimika machumi ghanayi (40) mu bozwa, kwazachironda charu cha Amori.