Yeremiya 2:5 - Tonga Bible 1986

⁵ Ambuya atiti viyo, “Nchiheni uli cho auskemwe ŵangusaniya mwangu pakuti ŵanguya kutali ndi ine, ndipo ŵangundondoloska vinthu vyambura phindu ndipo ŵangusanduka ŵaŵakaŵaka?

Yeremiya 2:5 Referans Kwoze

2 ŴaKaronga 17:15

Ŵanguyeya vyeruzgu vyake, ndi phanganu lake lo wangupangana ndi auskeu, ndi kuchenjezgeka ko wanguŵachenjezga. Ŵangundondoloska ŵangoza ŵatesi ndipo ŵangusanduka ŵatesi, ŵangundondoloska mitundu yo yinguŵazunguliya, paku yeniyo Ambuya anguŵalanguliya kuti ŵangachitanga nge ndiyo cha.

ŴaRoma 1:21

Chifukwa pakumziŵa Chiuta ŵengavi kumkankhuska uli ndi Chiuta, chingana nkhuti ŵangumwonga cha; kweni ŵangupusa mu maghana-ghanu ghawo ndi mtima wawo wauzereza ungufipiskika,

Yona 2:8

Wo ŵaphwere vyangoza vya utesi, ŵataya kujithereska kwawo kwakuneneska.

Sumu 115:8

Wo ŵati ŵapanga ŵakozgana nawo; viyo so ndimo waliri yose wakugomekezga mwaku wo.

Yesaya 44:9

Wose wo ŵachita ŵangoza ŵe kanthu cha, ndipo vinthu vyo ŵakondweremo vitanduwa kanthu cha; ŵakaboni ŵawo kuti ŵawona nanga nkhuziŵa cha, kuti ŵangalengeskeka.

1 Samuele 12:21

rekani kupatukiya ku vinthu vyawaka vyo vilivi chanduwu nanga mbutaski, pakuti vyawaka.

Marangu 32:21

Ŵandiyuskiya ine ku sanji paku cho kuti ndi chiuta cha. Ŵandisosomo ndi ŵangoza ŵawo. Viyo ine ndikaŵayuskiyanga ku sanji ndi wo kuti mbanthu cha. Ndikaŵasosomonga ndi mtundu wakupusa.

Machitidu gha Ŵakutumika 14:15

“Mwaŵanthu, chifukwa chine muchita ichi? Nafwe te ŵanthu kwakulingana ndi imwe, taŵakutauliya imwe evangeli, kuti kutuwa ku vyawaka vyenivi mung'anamukiye kwaku Chiuta wamoyo, mweniyo wangwata kuchanya ndi pasi ndi nyanja, ndi vyose vyamwenimo:

Yeremiya 2:31

Ndipo imwe mwa ŵale phwereni mazu gha Ambuya. Kumbi ine ndaŵa bozwa kwaku Yisraele, pamwenga charu cha mdima uzitu? Na chifukwa nchine ŵanthu ŵangu ŵatiti, ‘Te ŵanangwa tizengeko so cha kwinu’?

Mateyu 15:8

‘Khamu ili litinditumbika ndi milimo yawo; kweni mtima wawo we kutari kwaku ine.

Ezekiele 11:15

“Mwana wa munthu, ŵana ŵanyako, inya ŵana ŵanyako, ŵamikoli ŵanyako, nyumba yose yaku Yisraele, inya wose, ndiwo pakuŵeniwo ŵakuja mu Yerusalemu ŵakamba kuti, ‘Wakuruta kutali kutuwako ku Ambuya; charu ichi chapaskika kwaku ifwe kuŵa chihara.’

Yeremiya 14:22

Kumbi walipo mukati mu ŵachiuta ŵatesi ŵa ŵamitundu yo wangaziŵa kupereka vuwa? Pamwenga kumbi machanya ghangaziŵa kupaska manthonera? Ndimwe pe munyake cha, Ambuya Chiuta widu? Ifwe tiŵika chigomezgu chidu mwaku imwe, chifukwa ndimwe muchita vyose ive.

Yeremiya 12:2

Imwe mutuŵapanda, ndipo iwo ŵathaza; ŵakuwa ndi ŵapasa chipasi; imwe mwe pafupi mu mlomo wawo ndipo mwe kutali ndi mtima wawo.

Yeremiya 10:8

Mbakupusa ndi ŵazereza, kusambizga kwa ŵangoza nchimuti pe!

Yesaya 29:13

Ambuya anguti: “Chifukwa ŵanthu yaŵa ŵandere pafupi ndi milomo yawo, kunditumbika ndi malilime ghawo, penipo mitima yawo ye kutali ndi ine, ndipo chopu chawo paku ine ndi langulu, la ŵanthu wo ŵakusambira chinkhumbu;

Yesaya 46:12

“Tegherezgani kwangu, mwa mitima yinonono, imwe mwe kutali ku chipozomosku:

Yeremiya 2:4

Vwani mazu gha Ambuya, mwa nyumba yaku Yakobe, ndi mphapu zose za nyumba yaku Yisraele.

Yeremiya 8:19

Avwani, kuliya kwa ŵanthu ŵangu, kutuliya mu utali ndi mu usani wa charu: “Kumbi Ambuya mulivi mu Zioni? Kumbi karonga wake kuti we mwake cha?” “Chifukwa nchine ŵandisosomole ku kukwiya ndi ŵangoza ŵawo ŵakusemeka, ndipo ndi ŵangoza ŵawo ŵachilendo?”

Ezekiele 14:5

mwakuti ndiko mitima ya ŵa nyumba yaku Yisraele, ŵeniwo wose ŵapatukako kwangu mu ŵangoza ŵawo.