Yeremiya 2:32 - Tonga Bible 1986

³² Kumbi mwali wangaruwa vyakujizganga navyo vyake, pamwenga mwali wanthengwa vyakuvwara vyake? Kweni ŵanthu ŵangu ŵandiruwa mazuŵa ghambura maŵerengeka.

Yeremiya 2:32 Referans Kwoze

Sumu 106:21

Ŵanguruwa Chiuta mtaski wawo yo wanguchita vikuru mu Egipiti,

Yeremiya 13:25

Ichi ndichu chigaŵa chinu, phande lo ndakupimiyani imwe, atiti Ambuya, chifukwa mwandiruwa mwakomekezga mu mautesi.

Yeremiya 3:21

Mazu ghavwika pa mapiri ghayumu, kuliya ndi kuŵeyere kwa ŵana ŵaku Yisraele, chifukwa ŵananga nthowa yawo, ŵaruwa Ambuya Chiuta wawo.

Yeremiya 2:11

Kumbi mtundu ukusinthapo ŵachiuta ŵake, chingana iwo kuti mbachiuta ŵeneko cha? Kweni ŵanthu ŵangu ŵakusinthiskana unkhankhu wawo ndi cho kuti chitanduwa cha.

Yesaya 17:10

Mwaruwa Chiuta winuyo watimutaskani, ndipo mwaruwa Jalawi linu lakubisamamo; chifukwa chenichi, chingana mungapanda mbeu zakukondweska ndi kundondomeka tumiti twa ŵachiuta ŵalendo,

Hoseya 8:14

Chifukwa Yisraele waruwa mulengi wake, ndi wazenga nyumba zikuru, ndipo Yuda wandaniska misumba ya malinga; kweni nditumenge moto pa misumba yake, ndipo wamukocha malinga ghake.

Yesaya 61:10

Ndikakondwerenga ukongwa mu Ambuya, mzimu wangu ukajikuzgiyanga mwaku Chiuta; pakuti wandivwarika vivwalo vya chipozomosku, wandivwinkha ndi munjirira wa ukongorekwa, uli ndimo mweni nthengwa watijivwarikiya vivwalo vyakunozga nge ndimo mwali wa nthengwa watijinozge ndi vyakung'anima.

Sumu 9:17

Ŵaheni ŵakarutanga ku muunda, yose mitundu yakuruwa Chiuta.

Yeremiya 18:15

Kweni ŵanthu ŵangu ŵandiruwa ine, ŵatoche sembe ku ŵachiuta ŵatesi; ŵaguŵa mu nthowa zawo, mu miseu ya mwaka, ndipo ŵasere mu tunthowa twakudumuwa, ŵareka mseu ukuru,

Yeremiya 13:10

Ŵanthu ŵaheni yaŵa ŵeniwo ŵakana kuvwa mazu ghangu, wo ŵarondo mu unonono wa mtima wawo ndipo watataliya ŵachiuta ŵanyake, ŵakaŵangauli ndi lamba ili, lo kuti ndamampha ku kanthusocha.

Chivumbuzi 21:2

Ndipo ndinguwona msumba wakupaturika wo, Yerusalemu mufya, wakusikako kuchanya kutuliya kwaku Chiuta, wakurongosoleka nge ndi mwali wanthengwa wakuvwarikikiya mrumi wake.

Ezekiele 22:12

Mwaku iwe ŵanthu ŵaronda vimbundi vya kudiskiya ndopa, uronde chanduwu ndi chakusazgiyapo upindula vya ŵanasi ŵako mwa nkhaza; ndipo wandiruwa ine, atiti Ambuya Chiuta.

Chiyambo 24:22

Po ŵagamila ŵangumara kumwa, munthu yo wanguto mphete ya golide yo uzitu wake wenga nusu wa uzitu wa shekelo, ndi makoza ghaŵi gha pa manja ghake, uzitu wake wa ndrama chumi za golide;

2 Samuele 1:24

“Imwe mwa ŵana ŵanthukazi ŵaku Yisraele, liriyani Sauli, yo wangumuvwarikani vya kujeduka ndi vyakuworofoka, yo wanguŵika vyakutoweska vya golide pa vyakuvwara vinu.

Chiyambo 24:53

Ndipo muŵanda yo wangutuzga vigwenjere vya siliva ndi golide ndi vyakuvwala, ndi wanguvipaska kwaku Rebeka: wangupaska so ku mzichi wake ndi ku anyina vyakuzganga vya mitengo yikuru.

Chiyambo 24:30

Wanguti wawona mphete ndi makoza pa manja gha mzichi wake, ndipo wanguti wavwa mazu ghaku Rebeka mzichi wake kuti, “Viyo ndimo wakambiya nane yo munthu,” wanguruta ku munthu yo; ndipo wangumuwona, wanguma pafupi ndi ŵagamila pa chisima.

Yesaya 57:11

Njani yo mungutenthema ndi kopa, po mwakambanga utesi, ndipo mwengavi kundikumbuka, mwengavi kundighanaghana? Kumbi po ndaja ŵaka cheti ine, kwa nyengo yitali, chifukwa cho kuti mutindopa cha?

Yeremiya 2:33

“Munozgadi nthowa yinu pakupenja mabwezi ghinu! Ndipo kuti chingana nkhu ŵanthukazi ŵaheni mwarunguchizga nthowa zinu.

Marangu 32:15

“Kweni ŵanthu ŵaku Jeshuruni ŵangututuŵa ukongwa ndi ŵangusakata, ŵangututuŵa ukongwa, ŵangukuwa kuŵa ŵakhome, ŵangute fwatefwa. Ndipo ŵangusiya Chiuta yo wanguŵalenga, ndi ŵangutafula pa jarawe la utaski wawo.

Ŵeruzgi 8:34

Ndipo ŵaYisraele kuti ŵangukumbuka Ambuya Chiuta wawo cha, yo wanguŵapozomoska ku janja la ŵakupindikana ŵawo wose kosekose;

Yeremiya 23:27

Wo ŵakhumba kuti ŵanthu ŵangu ŵaruwe zina langu chifukwa cha maloto ghawo gho ŵanenerana yumoza ndi munyake, inya nge ndimo auskeu ŵanguruwiya zina langu chifukwa chaku Bala.