Yeremiya 2:30 - Tonga Bible 1986

³⁰ Ndaŵapuma ŵana ŵinu kwambura kakwanduwapo, ŵalivi kuphwere kuwere ku umampha. Lipanga laku wamweni labaya ŵamchimi ŵako, uli ndi nkharamu yakurazuka.

Yeremiya 2:30 Referans Kwoze

Nehemiya 9:26

“Ndipuuli ŵenga ŵa mtafu ndi ŵangukugalukiyani ndi ŵangutaya dangu linu ku msana kwawo ndi ŵangubaya ŵamchimi ŵinu, ŵeniwo ŵaŵachenjezganga kuti ŵaweriyenge kwinu, ndipo ŵangutukana ukongwa.

1 ŴaTesalonika 2:15

Wo nawo ŵangubaya Ambuya Yesu ndi ŵamchimi, ndipo ŵangutidikiska ifwe, ŵambura kumkondweska Chiuta, ndipo mbakumikirana ndi ŵanthu wose;

Machitidu gha Ŵakutumika 7:52

Nunju wa ŵamchimi auskemwe ŵengavi kumndondoloska? Ndi ŵanguŵabaya wo ŵangutauliya limu ndi kazidu ka Murunji yo; mweniyo sono imwe mwakombo ndi mwabaya.

Yeremiya 5:3

Ambuya mwe, asi maso ghinu ghapenja uneneska? Imwe munguŵapuma, kweni kuti ŵanguvwa kuŵaŵa cha; imwe munguŵamara, kweni kuti ŵangukhumba kususkikacha. Ŵalimbiska visku vyawo kwakuruska jarawi ŵakana kung'anamuka mtima.

Yesaya 1:5

Chifukwa chine mukapumikiyanga-pumikiyanga, pakuti mugarukiya-garukiya? Mutu wose ngwakutama, mtima wose utufwa chipoyo.

Mateyu 23:29

“Owe kwaku imwe, mwa ŵalembi ndi mwa ŵaFarisi mwaŵakufuvya! Pakuti muzenga miunda ya ŵamchimi, ndipo mudghoŵeska masano gha ŵarunji,

Yeremiya 7:28

Ndipo wamkuti kwaku wo, ‘Uwu ndi mtundu weniwo wengavi kuvwiya mazu gha Ambuya Chiuta wawo, ndipo kuti ŵanguronde langulu cha; uneneska wamara; ukudumulikako ku milomo yawo.

Yesaya 9:13

Ŵanthu kuti ŵangung'anamukiya kwake cha kwaku yo wanguŵakoso, chingana nkhupenja Ambuya nako cha.

Chivumbuzi 16:9

Ndipo ŵanguŵawuka ŵanthu ndi chifundizi chikuru: sono ŵangulituka zina laku Chiuta, mweniyo wenga ndi mtufu pa videru vyenivyo; ndipo kuti ŵangubezga ndi kumpaska iyo unkhankhu cha.

Zefaniya 3:2

Kuti uvwiya mazu cha, ukana kususkika. Ugomezga mwa Ambuya cha, kuti undere kwaku Chiuta wake cha.

Ezekiele 24:13

Uloso wake nkhufipiskika kwa ukazuzi wako. Chifukwa ndingwesa kukusuka kuti ungutozgeka cha kukufipirwa kwako, ndipo kuti ukatozgekanga so cha mpaka penipo ine ndakhorwa ndi kukara kwangu paku iwe.

Yeremiya 31:18

Ndamuvwa Efraimu wachichita chitima, ‘Mungundidikiska ndipo ndingudikiskika, nge ndi thole lambura kusambizgika; ndiwezgeni alinga kuti ndiŵe nge ndi kali pakuti imwe ndimwe Ambuya Chiuta wangu.

2 Mikoka 36:16

Kweni ŵanguseka ndi kuyuyuwa mathenga ghaku Chiuta ndi kuyeya mazu ghake, ŵanguŵa nyoza ŵamchimi ŵake, mpaka kandundu kaku Chiuta kanguŵayukiya ŵanthu ŵake, mpaka kungusoŵa chakupozge.

2 Mikoka 28:22

Mu nyengo ya suzgu yake wanguŵa wakunangiya-nangiya ukongwa ku Ambuya mweniyo karonga Ahazi.

2 Mikoka 24:21

Kweni ŵangumuchitiya chiŵembo pakuronde langulu la karonga ŵangumudina ndi mya mu khonde mwa nyumba ya Ambuya.

1 ŴaKaronga 19:14

Wanguti, “Ndachitiya sanje Ambuya, Chiuta wa maŵanja weni ukongwa; pakuti ŵaYisraele ŵajowo phanganu linu, ŵataya pasi viguŵa vinu vya sembe, ŵabaya ŵamchimi ŵinu ndi lipanga, ndipo ine, ine pe ndija, ndajako, ndipo ŵapenja umoyo wangu, kuti ŵakoso.”

1 ŴaKaronga 19:10

Wanguti, “Ndachitiya sanje weniukongwa Ambuya, Chiuta wa maŵanja; pakuti ŵaYisraele ŵajowo phanganu linu, ŵabwangandukiya pasi viguŵa vinu vya sembe, ŵabaya ŵamchimi ŵinu ndi lipanga, ndipo ine, ine pe ndija ndajako, ndipo ŵapenja umoyo wangu, kuti akoso.”

Yesaya 59:3

Pakuti manja ghinu ghakazuzgika ndi ndopa ndi minwe yinu ndi uheni; milomo yinu yirondoro mautesi, lilime linu ling'ung'uta utimbanizi.

Yeremiya 46:14

“Ziŵiskani mu Egipiti, memezani mu Migidoli, memezani mu Mempisi ndi Tapanesi; nenani, ‘Mume ndipo murongosoleke, pakuti lipanga likarghanga kwakuzunguliya imwe!’

Chitenje 4:13

Ichi chenga chifukwa cha mauheni gha ŵamchimi ŵake ndi kunanga kwa ŵazukuru ŵake, ŵeniwo ŵangudiska mukati mwake, ndopa za ŵanthu ŵarunji.

Ezekiele 22:24

“Mwana wa munthu, kamba kwaku iyo kuti, Iwe ndiwe charu chambura kutozgeka, pamwenga kuwiyapo vuwa mu zuŵa la ukari.

Danyele 9:13

Nge ndimo kukurembeke mu dangu laku Mosese, soka lose ili laza paku ifwe, kweni tilivi kuromba lisungu la Ambuya Chiuta widu, kujiwezga ku uchikana marangu widu, ndi kuvwiya uneneska winu.