Yeremiya 2:23 - Tonga Bible 1986

²³ Kumbi mungakamba uli kuti, ‘Ndakazuzgika cha, kuti ndandondoloska ŵaBala cha.’? Lereskani pa nthowa yinu muchidika, ziŵani cho mwachita, gamila mu mana wa mtafu wakwendayenda kosekose.

Yeremiya 2:23 Referans Kwoze

Yeremiya 7:31

Ndipo ŵazenga malo gha pachanya pa Tofeti, gho ghe mu dambo la mwana waku Hinomu, kwachocha ŵana ŵawo ŵanthurumi ndi ŵana ŵawo ŵanthukazi mu moto; chinthu cho ndengavi kuchitamula, chingana nkhuti chenga mu maghanughanu ghangu nako cha.

Nthanthi 30:12

Ŵalipo ŵeniwo mbakutowa mu maso gha ŵeneko, kweni kuti mbakutozgeka cha ku lisilo lawo.

ŴaRoma 3:19

Kweni tiziŵa kuti vyenivyo vyose chikamba chilangulu cho, chikambiya wo ŵe pasi pa chilangulu; alinga kuti uchetamiskike mlomo wose, ndi kuti charu chose chitoleke ku cheruzgu chaku Chiuta.

Luka 10:29

Kweni iyo, pakukhumba jujirunjiska, wanguti kwaku Yesu, “Ndipo ndi yani mwanase wangu?”

Yeremiya 31:22

Mpaka zuŵanji ukayingangayinganga, wa mwana munthukazi wambura magomezgeka? Pakuti Ambuya achita chinthu chifya, pa charu chapasi: munthukazi ndiyo wavikiriya munthurumi.”

Yeremiya 9:14

kweni ŵangangamika kurondo mitima yawo; ndipo ŵandondoloska ŵaBala, nge ndimo anguŵarunguchizgiya auskeu.

Yeremiya 3:2

Yinuskiyani maso ghinu ku mapiri gha majarawi ndipo wonani ndinampha po ŵalivi kugonapo namwe? Mumphepeti mwa zinthowa waja kulindizga mabwezi nge ndi munasara mu bozwa. Mwakazuzga charu ndi uheni wa ureŵi winu.

Nthanthi 30:20

Iyi ndi nthowa ya munthukazi mureŵi: waturgha ndipo wapuputa pa mlomo wake, ndi watiti, “Ndilivi kuchitapo kanthu kaheni.”

Nthanthi 28:13

Mweniyo wabisa mautimbanizi ghake kuti wakasakatanga cha, kweni mweniyo wazomera ndi kughareka wakarondiyanga lisungu.

Sumu 50:21

Ivi ndivyo wachita kweni ine ndingujachete; iwe waghanaghananga kuti ndiyana nge ndiwe. Kweni sono nditukuchenya, ndiŵika cheruzgu pa maso pako.

Sumu 36:2

Chifukwa watijipusika mu maso gha mweneko, watiti uheni wake kuti ungabowozgeka ndi kutinkhika cha.

Estere 8:16

ŴaYuda ŵangungweruskika, ŵangukondwa, ŵangusedere, ndi ŵanguchitikiya ulemu.

Yeremiya 2:36

Kwa muyaya mutachikamba ndi mphwayi kusintha nthowa yinu! Mukalengeskekanga ndi Egipiti uli ndimo mungulengeskeke ndi Asiriya.

Yeremiya 14:10

Viyo atiti Ambuya ghapa ŵanthu yaŵa: “Ŵanja kuyingayinga kwa viyo, ŵalivi kukanizga marundi ghawo; chifukwa cho Ambuya kuti ŵati ŵaronde cha. Sono ŵakakumbukanga mautimbanizi ghawo, ndi kulanga mauheni ghawo.”

Yeremiya 16:10

“Ndipo utakuti waŵanene ŵanthu yaŵa mazu yagha ghose, sono ŵachikufumba kuti, ‘Chifukwa chine Ambuya ataula uheni wose ukuru uwu paku ifwe? Utimbanizi widu ngune? Mbuheni uli wo tachitiya Ambuya Chiuta widu?’

Hoseya 1:2

Po Ambuya angudanga kukamba kwaku Hoseya, anguti, “Ruta ukato munthukazi mureŵi ndi ukaŵi ndi ŵana ŵaureŵi, chifukwa charu chose chichita ureŵi ukuru pakureka kuŵarondo Ambuya.”