Yeremiya 2:2 - Tonga Bible 1986

² “Ruta, ukamemeze mu makutu gha Yerusalemu, viyo atiti Ambuya, Ndikumbuka kuti ungunditeŵete penipo wenga muhurwa, chanju chako uli ncha mwali wanthengwa, mwenimo ungundindondoloske mu bozwa, mu charu chambura kumijamo mbeu.

Yeremiya 2:2 Referans Kwoze

Ezekiele 16:60

kweni ndi kweni ndikakumbukanga phanganu langu ndi iwe lamu mazuŵa gha umwali wako, ndipo ndikamikanga phanganu la muyaya ndi iwe.

Ezekiele 16:8

“Po ndingukujumpha so ndi kukuwona, awona, ungufika pa msinkhu wakuti wanjiwe; ndipo ndingutandawuliya chakuvwara changu paku iwe, ndi kubenekere nkhuli yako; inya, ndingurapa rapu paku iwe ndi kupangana nawe phanganu, atiti Ambuya Chiuta ndipo unguŵa wangu.

Yeremiya 11:6

Ndipo Ambuya anguti, “Memeza mazu yagha ghose mu mizi yaku Yuda, ndi mu miseu ya Yerusalemu: Avwani mazu gha phanganu ili ndipo mughachitenge.

Yeremiya 7:2

“Ima wa likomu la nyumba ya Ambuya, ndipo penipo memeza mazu yagha, uti, Vwani mazu gha Ambuya, imwe mwa ŵanthu mose ŵaku Yuda imwe musere muno kwachisopa Ambuya.

Marangu 2:7

Pakuti Ambuya Chiuta winu wamutumbikani mu milimu yose ya manja ghinu. Waziŵa kwenda kwinu mu mabozwa yagha ghakuru; virimika ivi machumi ghanayi (40) Ambuya Chiuta wenga namwe, mulive kusauka.’

Hoseya 2:15

Kwenikuwa ndimupaskenge minda yake ya mphereska, ndi kusanduska chidika cha Akoro kuŵa khomo la chigomezgu. Ndipo kuwa wamukenge nge ndi mu mazuŵa gha umupupuka wake, ndi nge mpha nyengo yo wangutuliya mu charu cha Egipiti.

Yeremiya 2:6

Wengavi kukamba, ‘Ŵepani Ambuya ŵeniwo angutituzga mu charu cha Egipiti, ŵeniwo ŵangutirongozga mu bozwa, mu charu cha uyiku ndi mabuwu, mu charu cha chiparantha ndi cha mdima uzitu, mu charu chambura kuporotamo nanga njumoza, mwenimo kuti muja munthu cha?’

Marangu 8:2

Ndipo mukumbukenge nthowa yose yo Ambuya Chiuta wangumurongozgani virimika ivi machumi ghanayi (40) mu bozwa, ku muchepeskani ndi kumwesani; kuti waziŵe cho chenga mu mtima winu, vinu musungenge marangu pamwenga cha.

Chituwa 14:31

Ndipo ŵaYisraele ŵanguwona nchitu yikuru yo Ambuya anguchita pa ŵaEgipiti, ndipo ŵanthu ŵangopa Ambuya ndipo ŵanguvwana mu Ambuya ndi mu muŵanda wawo Mosese.

Mateyu 11:15

Wakuŵa nagho makutu kuvwa wavwe.

Luka 12:13

Ndipo yumoza wamu mzinda wangumunene, “Muwomba, munene mbali wangu kugaŵana nane chihara cho.”

Yona 1:2

“Soka, ruta ku Nineve, msumba ukuru, ndi ukadanirizge ku ususka, pakuti uheni wawo wakwere paurongo pangu.”

Hoseya 8:1

Ŵika mbata ku mlomo wako, chifukwa khuŵi le pachanya pa nyumba ya Ambuya, chifukwa ŵaswa phanganu langu, ndi ŵajumpha dangu langu.

Ezekiele 23:19

Kweni ndipuuli wangurutirizga ureŵi wake, wachikumbuka mo wanguchitiya ureŵi wake mu charu cha Egipiti, mu mazuŵa gha umwali wake.

Ezekiele 23:8

Kuti wangureka cha ureŵi wake wo wachitanga mu mazuŵa ghake mu Egipiti; pakuti mu umwali wake ŵanthurumi ŵangula nayo ndi kuko maŵe ghake gha umwali ndi kumudiriya ukazuzi wawo.

Ezekiele 23:3

ŵanguŵa ŵareŵi mu Egipiti, ŵanguchita ureŵi mu umwali wawo; maŵe ghawo ghanguwiskika kwenikuwa ndipo kusongo kwa maŵe gha umwali wawo kungukoreka.

Ezekiele 16:22

Ndipo mu maunyakazi ndi mu maureŵi ghako ghose kuti ungukumbuka mazuŵa gha pa umwali wako cha, po unguŵa wankhuli ndi wambura kuvwara kanthu, wakukunkhuwa mu ndopa zako.

Yeremiya 19:2

ndipo murute ku dambo la mwana waku Hinomo pa kuserere pa Likomo la Zinga; ndipo penipa ukamemeze mazu ghenigho nditukunene.

Yesaya 58:1

“Bongoni ukongwa, kurekezga cha, kwezgani mazu ghinu uli ndi mbata; taulani ku ŵanthu ŵangu mautimbanizi ghawo, ku nyumba yaku Yakobe mauheni ghawo.

Sumu ya Zisumu 3:11

Tuwani, mwaŵana ŵanthukazi ŵaku Zioni, ndipo wonani karonga Solomoni, ndi chifuko cho anyina ŵakumufuka nacho pa zuŵa la nthengwa yake, pa zuŵa la kukondwa kwa mtima wake.

Nthanthi 1:20

Chinjeru chilongo mu museu, mu misika chisoska mazu ghake;

Chituwa 16:8

Ndipo Mosese wanguti, “Penipo Ambuya atukupaskani nyama ndi mazulo kwachirgha ndipo ndi mlenji chiŵande cha mgutu, chifukwa Ambuya avwa madinginiku ghinu gho mudinginikiya paku iwo te kane ifwe? Madinginiku ghinu kuti ghe paku ifwe cha kweni pa Ambuya.”

Yakobe 4:4

Mwaŵareŵi, asi muziŵa kuti kukondana ndi charu mbumawongu paku Chiuta? Viyo mweniyo yose wakhumba kuŵa wachikondana ndi charu wajisanduska wamawongu waku Chiuta.

Chivumbuzi 2:4

Kweni cho ndimikana ndi iwe nchakuti wareka chanju chako chakudanga.

Sumu 129:1

Yisraele sono wakambe, “Wandisuzga kutuliya ku uhurwa wangu.

Yeremiya 2:1

Mazu gha Ambuya ghanguza kwaku ine, ghakuti,

Yeremiya 3:4

Kumbi iwe ulivi kudana kwaku ine kuti, ‘Ada, mwenga bwezi langu penipo ndenga munyamata;

Hoseya 2:7

Warondonge ŵakumwanja ŵake, kweni kuti waŵasaniyenge cha, ndipo wakaŵapenjanga, kweni kuti wakaŵasaniyanga cha. Ndipo wakambenge kuti, ‘Nkharutanga ndi kuweriyana ndi murumi wangu wakudanga, chifukwa kwenga kwamampha kwaku ine kuruska mo ndiliri sono.’

Marangu 33:3

Inya, anguŵanja ŵanthu ŵawo, wose wo ŵangupaturiskikiya kwaku iwo ŵenga mu janja lawo, viyo ŵangundondoroska mu marundi ghinu, ŵakuronde kurongozga kwinu,

Sumu ya Zisumu 3:6

Nchine cho chituza kutuliya ku bozwa, nge ndi mzati wa usi wakununkhira fungu la muro ndi vyakusunkhizga, pamoza ndi vyachema vyose vya ufwa wa wakuguliska?

Hoseya 2:17

Chifukwa nkhatuzangamo mazina gha ŵaBala mu mlomo wake, ndipo kuti ghazumbulikenge so cha mazina ghawo muyaya.

Hoseya 9:10

Ndingumusaniya Yisraele nge ndi mphereska mu mapopa. Nge nchipasi chakudanga cha mkuyu, pa nyengo yake yakwamba, ndinguŵawona auskemwe. Kweni ŵanguza ku Bala-peori, ndi ŵangujipatuliya kwaku Bala, ŵanguŵa ŵakutinkhika nge nchinthu cho ŵangwanja.

Hoseya 11:1

Po Yisraele wenga mwana ndingumwanja, ndipo ndingumudana mwana wangu kutuwa mu Egipiti.