Yeremiya 19:13 - Tonga Bible 1986

¹³ Nyumba za Yerusalemu ndi nyumba za ŵakaronga ŵaku Yuda, nyumba zose zenizo pa mitenje yake vyachema vikochekiyapo ku liŵanja lose la kuchanya, ndi mipasku yakumwa yikudikiyapo ku ŵachiuta ŵanyake, zikakazuzgikanga, nge ndi malo gha Tofeti.’ ”

Yeremiya 19:13 Referans Kwoze

Yeremiya 32:29

ŴaKaldiya wo ŵaturwa ndi msumba uwu ŵakazanga ndi kupong'a moto pa msumba uwu, kuwocha, ndi zinyumba zo pa mabagha ghake sembe za vyakusunkhizga zaperekeka kwaku Bala ndi mpasku ya vya kumwa yadirikiya ku ŵachiuta ŵanyake, kundisosomole ine ku kukwiya.

2 ŴaKaronga 23:12

Wangubwanganduwa majochero gha pa mitenje ya chipinda cha pachanya chaku Ahazi cho ŵakaronga ŵaku Yuda ŵangupanga, ndi majochero gho wanguzenga Manase mu mabwalo ghaŵi gha nyumba ya Ambuya, wanguwiskiya pasi ndi wanguswa tumana tumana, ndipo wangutaya fuvu lake mu kamsinje ka Kidroni.

Zefaniya 1:5

ndi wo ŵasopa pachanya pa nyumba, maŵanja gha kuchanya; ndi wo ŵasopa ndi kurapa ku Ambuya, ndipuuli ŵarapa Milikomu;

Yeremiya 7:18

Ŵana ŵadeŵa nkhuni, auskeu ŵakozga moto, ndipo ŵanthukazi ŵakantha nthimphwa, kubikiya viŵande fumukazi ya kuchanya; ndipo ŵadira mipasku ya kumwa ku ŵachita ŵanyake, kundisosomole ine kukukaripa.

Marangu 4:19

Ndipo muchenje vinu mungayunuskiya maso ghinu kuchanya, ndipo penipo mungawona dazi, mwezi, nyenyezi, ndi vya liŵanja lose lakuchanya, mungang'anamukiyaku ndi kuvisopa ndi kuviteŵete vinthu vyenivyo Ambuya Chiuta winu wavipereka ku ŵanthu wose ŵa pasi pa mtambo wose.

Yeremiya 44:18

Kweni po tingureka koche vyachema fumukazi ya kuchanya ndi kumpaska chisopo chakudira, vinthu vyose vyatisoŵa ndipo tamarika ndi lipanga ndi chilala.”

Sumu 79:1

A Chiuta, ŵamitundu ŵazinga ŵanthu ŵinu mu charu! Ŵakazuzga nyumba yinu yakupaturika, ŵapasuwa Yerusalemu.

Sumu 74:7

Nyumba yinu yakupaturika akocha ndi moto, ŵakukazuzga malo ghakujamo zina linu ndi pasi viyo.

2 ŴaKaronga 23:10

Ndipo ŵangukazuzga Tofeti, yo we mudambo la ŵana ŵaku Hinomu kuti paulevi yumoza wakuti wawochemo mwana wake munthurumi pamwenga mwana wake munthukazi kuŵa mpasku kwaku Moleki.

Machitidu gha Ŵakutumika 7:42

Kweni Chiuta wangung'anamuka, ndipo wanguŵapereka kwachiteŵete liŵanja la machanya uli ndimo kwalembeke mu buku la ŵamchimi: ‘Kumbi mungunditole vyakubayika ndi visopu, virimika machumi ghanayi (40) mu bozwa wanyumba we waku Yisraele?

Ezekiele 20:28

Pakuti po ndinguti ndaŵatore ku charu cho ndinguŵarapiya kuŵapaska, sono iwo po pose ŵanguwona mtunthu wose utali pamwenga muti wose uŵisi ŵanguperekapo sembe zawo penipa, ndikupereka mpasku wawo wakundisosomole; penipa wangukwezga vya fungu lawo lamampha, ndipo penipa wangudira mipasku yawo yakumwa.

Yeremiya 52:13

Ndipo wangocha nyumba ya Ambuya, ndi nyumba ya karonga, ndi nyumba zose zamu Yerusalemu; nyumba yose yikuru wangocha.

2 ŴaKaronga 23:14

Wanguswa tumanatumana mizati, ndi kudumuliya pasi vikozgo, ndipo wanguzaza malo ghawo ndi viwanga vya ŵanthu.

Machitidu gha Ŵakutumika 10:9

Kweni ndi mlenji, ŵachiruta ŵeniŵa mu nthowa ndi kuŵandika ku msumba wo, Petro wangukwere pa nyumba pachanya kwachiromba, akhumba pa ora lachinkhonde ndi chomoza.

2 ŴaKaronga 17:16

Kweni iwo ŵangujowo marangu ghose gha Ambuya Chiuta wawo, ŵangujichitiya vikozgu vyakwenguwa vya ng'ombe ziŵi, ŵangujichitiya Ashera, ndipo ŵangusopa maliŵanja ghose kuchanya, ndipo wangutataliya Bala.

Yeremiya 8:2

ndipo vikanikikanga pa lumwi ndi mwezi ndi maliŵanja ghose gha kuchanya, ghenigho ŵanthu wo ŵangwanja ndi kughatataliya, ghenigho wangurondo, ndi ghenigho ŵangupenja ndi ŵangughasopa, ndipo kuti vikaunjikikanga chingana nkhuŵikika cha: vikaŵanga nge ndi vundira pa chisku cha charu.

Yeremiya 19:12

Viyo ndimu ndikachitiyanga malo yagha, atiti Ambuya, ndi ŵakujamo ŵake, kuti msumba uwu uŵe nge ndi Tofeti.

Yesaya 22:1

Ghakukambika gha pa dambo la chiwona. Mung'anamuwanje po mutiti mwakwera, mose mwe pachanya pa zinyumba,