Yeremiya 19:11 - Tonga Bible 1986

¹¹ ndipo wamkuti kwaku iwo, ‘Viyo atiti Ambuya ŵa maŵanja: Umu ndimu ndikaswiyanga ŵanthu yaŵa ndi msumba uwu, nge ndimo munthu waswiya chiyaŵi cha muumbi, mwakuti kuti chingazindika so cha. Ŵanthu ŵakaŵikananga mu Tofeti chifukwa malo ghanyake ghakuŵikamo palive.

Yeremiya 19:11 Referans Kwoze

Sumu 2:9

Uŵausenge ndindodo ya chisulo, ndi kuŵaphwanya tumana tumana nge nchiŵiya cha muwumbi.”

Yesaya 30:14

ndipo kusweka kwake kwe nge nchiŵiya cha muumbi cho chaphwanyika kwambura lisungu, viyo kuti mutivimbanduka twake nanga nkhazinga kamoza kuti kangasanirikapo cha ko kangaŵa kakupariya moto pa chipa, pamwenga kuneghiyako maji pa chisima.”

Chitenje 4:2

Ŵana ŵakuzirwa ŵa Zioni, ŵakuzirwa nge ndi golide wakwengeka, mo ŵang'anamukiya nge ndi viŵiya, nchitu ya janja la muumbi!

Chivumbuzi 2:27

ndipo wakayiwusanga ndi ndodo ya chisulo, uli ndimo viyaŵi vya dongo viphwanyikiya, nge ndimo ine nane ndarondere mazaza ku Ada:

Yeremiya 13:14

Ndipo ine ndikaŵabwanyaniskanga uyu ku munyake, ŵauskeu ndi ŵana pamoza, atiti Ambuya. Kuti ndikachitanga chitima pamwenga kuŵareka waka nanga nkhuŵa ndi lisungu nako cha, kuti ndireke kuŵananga.’ ”

Yeremiya 19:6

Chifukwa cho mazuŵa ghakazanga, atiti Ambuya, penipo malo yagha kuti ghazamdanika so Tofeti cha, pamwenga dambo la mwana waku Hinomo, kweni dambo Lakubayiyamo.

Machitidu gha Ŵakutumika 21:11

Ndipo pakuza kwaku ifwe, wanguto likwamba laku Paulo, ndipo wangujimanga marundi ndi manja, wanguti, “Ivi wakamba Mzimu Wakupaturika, ‘Viyo ŵaYuda mu Yerusalemu ŵamumanga mweneko wa likwamba lenili, ndi kumpereka mu manja gha ŵaMitundu.’ ”

Nthanthi 6:15

chifukwa uyowe ukazanga pake kwamabuchibuchi, ruŵi-ruŵi wakaswekanga kwambura machizgika.

Yeremiya 19:12

Viyo ndimu ndikachitiyanga malo yagha, atiti Ambuya, ndi ŵakujamo ŵake, kuti msumba uwu uŵe nge ndi Tofeti.

Yeremiya 48:38

Pachanya pa nyumba zose za Moabu ndi mu maluluwa mose kuti mwe kanthu so kanyake cha kweni kutenje pe; pakuti ndaswa Moabu nge nchiyaŵi chenicho palivi yumoza wakuchiphwere, atiti Ambuya.

Yeremiya 51:63

Utakuti wachimara kuwerenga buku ili ukamangiriyeko mwa kwaku lo, ndi ukalipong'e pakati pa Efrate,

Yeremiya 25:34

“Mwenjerwe, imwe ŵaliska; ndipo liyani, kunkhurukani mu vyoto, imwe ŵambuyawo ŵa mskambu, pakuti mazuŵa gha kubayika kwinu ndi kumbininiskika ghafika, ndipo mukaŵanga nge mbabira ŵakusankhika.