Yeremiya 18:11 - Tonga Bible 1986

¹¹ Sono, chifukwa cho, kamba ku ŵanthu ŵaYuda ndi ŵakuja mu Yerusalemu, atiti Ambuya, ‘Ehe, ndirongosole chiheni paku imwe, ndighanaghana fundo yakumikana namwe. Weniko, we yose ku nthowa yake yiheni, ndipo nozgani nthowa zinu ndi machitidu ghinu.’

Yeremiya 18:11 Referans Kwoze

2 ŴaKaronga 17:13

Kweni Ambuya anguchenjezga Yisraele ndi Yuda mu mchimi ndi muwona we yose, kuti, “Mutuweko ku nthowa zinu ziheni ndipo sungani marangu ghangu, ndi vyeruzgu vyangu kwakuyana ndi dangu lose lenilo ndingulanguliya auskemwe, ndi lenilo ndingumutumiyani mu ŵateŵeti ŵangu ndi ŵamchimi.”

Yeremiya 35:15

Ndakutumiyani ŵateŵeti ŵangu wose ŵamchimi, kuŵatuma kaŵikaŵi, kuti, ‘Ng'anamukaniko yose waku imwe ku nthowa yake yiheni, ndipo musinthe machitidu ghinu, ndipo mungalondonga ŵachiuta ŵanyake cha kuŵatataliya po ndipo mukajanga mu charu chenicho ndingukupaskani imwe ndi auskemwe.’ Kweni kuti munguvwiya cha pamwenga kutegherezga kwangu.

Yeremiya 7:3

Viyo atiti Ambuya ŵa maŵanja, Chiuta waku Yisraele, Nozgani nthowa zinu ndi machitudu ghinu, ndipo ndikakupaskaninga kuja mu malo yagha.

Yeremiya 25:5

kuti, ‘Ng'anamukaniko ku nthowa yinu yiheni ndi kumachitidu ghaheni, ndi muje pa charu cho Ambuya akukupaskani imwe ndi auskemwe kutuliya ku kale mpaka ku muyaya,

Yakobe 5:1

Ekwe, aimwe, mwaŵasambasi, liriyani ndi kulalatiya pa mausokwa ghinu gho ghatuza.

Machitidu gha Ŵakutumika 26:20

kweni ku ŵamu Damasko danga, ndi so ku ŵamu Yerusalemu, ndimu charu chose chaku Yuda, ndi ku mitundu, ndingugozga evangeli, kuti ŵang'anamuke mu mtima, ndi ŵang'anamukiye kwaku Chiuta, ndi kuteŵeta milimu yo njakwenere ching'anamuka.

Zekariya 1:3

Chifukwa ichi uŵanene, viyo atiti Ambuya ŵa maŵanja, wereni kunu kwangu, atiti Ambuya ŵa maŵanja: ine nane ndiweliyenge kwinu, viyo atiti Ambuya ŵa maŵanja.

Mika 2:3

Chifukwa ichi, viyo atiti Ambuya: Ndirunguruka chiheni kumikana ndimbumba iyi, kwaku chenicho kuti muziŵa kuwezgako masingo ghinu cha; ndipo kuti mukayendanga kwakujikuzga cha, pakuti yikaŵanga nyengo ya uheni.

Yesaya 5:5

Sono ndikakuneniyaninga, cho ndikachitanga ku munda wangu wa mphereska. Ndikapasuwanga lisitu lake, ndipo ukaliwanga: ndibwanganduliyenge pasi linga lake, ndipo ukaphwatikiyanga pasi.

Yakobe 4:13

Ekwe, aimwe, mwaŵakukamba, “Le pamwenga mawa tikenge ku muzi wakuti e, ndipo titandarenge kweniko chaka chimoza, tamgula ndi kusaska, ndi kwanduwa”;

Ezekiele 18:23

Kumbi ndenalo likondwa pa nyifwa ya muheni, atiti Ambuya Chiuta, asi chakuruska nchakuti wang'anamukeko ku nthowa yake waŵe ndi umoyo?

Ezekiele 13:22

Chifukwa kwautesi mwachitiska chitima wakurunjika nanga ine kuti ndamuchitiska chitima cha, ndi mwalimbiska muheni, kuti ndamuchitiska chitima cha, ndi mwalimbiska muheni, kuti wareke kung'anamukako ku nthowa yake yiheni mwakuti wataske umoyo wake;

Yeremiya 51:11

“Norani mivwi! Toni zinguru! Ambuya ayuska ŵakaronga ŵa ŵaMede, kuti ŵabwanganduwe Babiloni, pakuti lenilo ndilo thayu la Ambuya, thayu lapa kasopi wawo.

Yeremiya 36:7

Vinu Ambuya akavwanga kuŵeyere kwawo, ndi kuti we yose wakang'anamukangako ku nthowa yake yiheni, pakuti nkhukuru kukwiya ndi kukara ko Ambuya akambiya pa ŵanthu wawo.”

Yeremiya 36:3

Kokuli nyumba yaku Yuda yikavwanga uheni wose weniwo ndikhumba kuchita paku wo alinga we yose winu wangang'anamukako ku nthowa yake yiheni, ndikuti ndinguŵagowoke ulakwi ndi uheni wawo.”

Yeremiya 26:13

Chifukwa ichi sinthani nthowa zinu ndi machitidu ghinu, ndi vwiyani mazu gha Ambuya Chiuta winu; ndipo Chiuta wakarekanga kuchita chiheni cho wakukamba paku imwe.

Yeremiya 26:3

Vinu kokuli ŵakategherezganga, kuti we yose waweko ku nthowa yake yiheni, mwakuti nding'anamukeko ku chiheni cho ndikhumba kuŵachitiya chifukwa cha machitidu ghawo ghaheni.

Yeremiya 18:18

Sono iwo ŵanguti, “Tiyeni, timuchitiye vya chiŵembo Yeremiya, pakuti dangu kuti likamaranga cha ku mzukuru, chingana ndi fundu ku wazeru, chingana ndi mazu kutuwa ku mchimi. Tiyeni, timupume ndi lilime, ndipo tireke kuphwereko mazu ghake chingana ngamoza.”

Yeremiya 11:19

Kweni ndenga nge ndi mberere yakuzika yakurongozgeke kukubayika. Ndengavi kuziŵa kuti chenga paku ine ŵangupangirana machitidu gha chiŵembo pa mutu wangu, ŵakuti, “Tiyeni tiphwanye chimuti ndi chipasi chake, tiyeni timudumuweko ku charu cha ŵamoyo, mwakuti zina lake lireke kukumbukika so cha.”

Yeremiya 4:23

Ndingulereska pa charu, ndipo ehe, chenga mapopa ndi chambura kanthu, ndingulereska, kuchanya ukweru kwengavi.

Yeremiya 4:6

Soskani mbendera kurazga ku Zioni, thaŵani kwachibisama, mungasweranga cha, chifukwa ndituza ndi chiheni kutuliya ku nkhonde ndi phasulu likuru.

Yeremiya 3:22

“Weniko mwa ŵana ŵambura magomezgeka mwe, ndikakuchizganinga kuti muŵe ŵamagomezgeka.” “Ehe, tituza kwinu; pakuti imwe ndimwe Ambuya Chiuta widu.

Yeremiya 3:1

“Asani munthu wapata muwoli wake ndipo watumsiya, ndipo sono watuŵa muwoli wa munthu munyake, kumbi munthu yo waweriyenge ku munthukazi yo? Kumbi kuti chikazuzgikenge weni ukongwa cha charu cho? Iwe wareŵa ndi mabwezi ghanandi; kumbi ukaweriyanga kwangu? atiti Ambuya.

2 ŴaKaronga 22:13

“Rutani kafumbeni ku Ambuya gha paku ine ndi pa ŵanthu, ndi ghapaku Yuda yose, pa mazu gha buku ili lasanirika, pakuti ngukuru ukari wa Ambuya paku ifwe, chifukwa ausefwe ŵalivi kuvwiya mazu gha buku ili, kuchita kwakuyana ndi vyose vyo vyalembeke paku ifwe.”

2 ŴaKaronga 5:5

Ndipo karonga wa Siriya wanguti, “Wukenge sono, ndipo ndikatumanga karata ku karonga waku Yisraele.” Viyo wanguruta, wangupinga matalente chumi gha siliva, ndi mashekelo vikwi vinkhonde ndi chimoza vya golide, ndi vyakuvwara vya mtundu mtundu.

Chiyambo 11:7

Sono ndisikiye pasi, ndipo ndikatimbanizge lilime lawo, kuti ŵatondeke kuziŵa cho wakamba munyake.”

Yesaya 57:1

Munthu murunji watufwa, ndipo palivi yo waphwereko mu mtima wake; ŵanthu ŵakusopa ŵatoreka, penipo palivi yo wawamo. Pakuti munthu murumji watorekako ku masoka,

Yeremiya 4:1

“Asani mukawenga, Yisraele we, atiti Ambuya, mutenere kuweredi kwaku ine. Asani munderezgapo maukazuzi ghinu paurongo pangu, ndi kuti mukangang'a cha,

Yeremiya 11:11

Chifukwa cho atiti Ambuya, Ehe, ine nditole uheni paku iwo, weniwo kuti angaziŵa kuwuthaŵa cha; chingana ŵangandiliriya, kuti ndikaŵategherezganga cha.

Yeremiya 25:2

ghenigho Yeremiya mchimi wangukamba ku ŵaYuda, ndi wose ŵakuja mu Yerusalemu:

Yona 3:8

kweni munthu yose ndi nyama ŵavwale chigudulu, ndipo ŵabongo kwa nthazi kwaku Chiuta; inya, waweko yose ku nthowa yake yiheni, ndi ku nkhaza zo zemu manja ghake.

1 ŴaKaronga 22:23

Sono awona, Ambuya aŵika mzimu wakupusika mu mlomo wa ŵamchimi ŵako wose yaŵa; Ambuya akamba chiheni chapaku iwe.”

Yeremiya 4:14

Yerusalemu we, suka mtima kuti uheni utuwemo, mwakuti utaskike. Mpaka zuŵanji maghanaghano ghako ghaheni ghakajanga mu mtima wako?

Yeremiya 19:3

Wamkuti, ‘Avwani mazu gha Ambuya, mwa ŵakaronga ŵaku Yuda ndi mwa ŵakuja mu Yerusalemu. Viyo atiti Ambuya ŵa maŵanja, Chiuta waku Yisraele, Ehe, ine ndikatolenga uheni pa malo yagha weniwo po ŵanthu ŵakauvwanga, ŵakazizwanga nawo.

Yeremiya 19:15

“Viyo atiti Ambuya ŵa maŵanja Chiuta waku Yisraele, Ehe, ndikatolenga pa msumba uwu ndi pa mizi yose uheni wose weniwo ndapataula paku wo, chifukwa ŵangangamiska khose lawo, ŵakana kuvwa mazu ghangu.”