Yeremiya 18:10 - Tonga Bible 1986

¹⁰ ndipo asani uchita chiheni mu maso ghangu, kuvwiya mazu ghangu cha; po ndipo ndikang'anamukangako umampha wo ndatinge ndiuchitiyenge.

Yeremiya 18:10 Referans Kwoze

Ezekiele 33:18

Asani murunji watuwako ku urunji wake, wachita uheni, wakafwanga nawo.

1 Samuele 2:30

Pa chifukwa ichi Ambuya Chiuta waku Yisraele watiti: ‘Ndingupangana kuti nyumba yako ndi nyumba ya ausu yendenge pa maso pangu muyaya’; kweni sono atiti Ambuya: ‘Chiŵe kutali ndi ine; pakuti wose wo atinditumbika ndikaŵatumbikanga, ndipo wose wo watindiyeya ŵakayuyulikanga.

Ezekiele 18:24

Kweni asani murunji watuwako ku urunji wake ndi kuchita mphurupuru wachita vyaunyakazi vyo munthu muheni wachita, kumbi wakaŵanga ndi umoyo? Palivi chimoza cha vyaurunji vyo wanguchita chikakumbukikanga; chifukwa cha kunanga ko wananga ndi uheni wo wachita, wakafwanga.

1 Samuele 13:13

Samuele wanguti, “Wachita kwakupusa; kuti wasunga dangu la Ambuya Chiuta cha, lo angukulanguliya pakuti sono mphanyi Ambuya akuzganga ufumu wako paku Yisraele muyaya.

Sumu 125:5

Kweni wo ŵatenda munthowa za uheni wawo, Ambuya akaŵatuzgangapo pamoza ndi ŵakuchita uheni! Chimangu chiŵiye Yisraele!

1 Samuele 15:11

“Kuti ndipaska chitima kuti ndikutondo Sauli kuŵa karonga; pakuti wawere vuli wareka kundirondo, ndipo kuti wafiska marangu ghangu cha.” Ndipo Samuele wangukwiya; ndipo wanguliya ku Ambuya usiku wose.

Zefaniya 1:6

ndi wo ŵawere vuli kutuwako kwa Ambuya, kuti ŵatuŵapenja Ambuya cha chingana nkhuŵafumba iwo.”

1 Samuele 15:35

Ndipo Samuele kuti wangumuwona so cha Sauli mpaka zuŵa la nyifwa yake, kweni Samuele wanguchita chitima paku Sauli. Ndipo Ambuya anguchita chitima chifukwa angutondo Sauli kuŵa karonga pa ŵaYisraele.

Maŵerengedu 14:22

ndikalanganga ŵanthu wose wo ŵawona unkhankhu wangu ndi vya minthondwi vyangu vyo ndinguchita mu Egipiti ndi mu bozwa, ndipo ŵandesa sono kwanyengo izi chumi ŵakana kuvwa mazu ghangu,

Ezekiele 45:20

Ukachitanga kwakukozgana pa zuŵa la chinkhonde ndi chiŵi la mwezi pa munthu yose yo walakwa mu kubuda pamwenga mu ujira; viyo ndimu yikachitiyanga mphepeska kasopi.

Maŵerengedu 14:34

kwakulingana ndi mazuŵa mwaku gho mungamuskore charu, inya mazuŵa machumi ghanayi, mukanyamuwanga kwananga kwinu virimika machumi ghanayi, chirimika chimoza chifukwa cha zuŵa limoza, ndipo mukaziŵanga kuchenya kwangu.’

Maŵerengedu 14:23

palivi nanga njumoza yo wakachiwonanga charu cho ndingurapiya auskeu, chingana njumoza waku wo wangundikalariska kuti wakachiwonanga cho cha.

Ezekiele 33:12

Ndipo iwe, mwana wa munthu, kamba ndi ŵanthu ŵako, urunji wa wakurunjika kuti ukamtaskanga cha asani walakwa; nge mbuheni wa muheni kuti ukambayanga cha asani waweko ku uheni wake; ndipo murunji kuti wangaja ndi umoyo cha chifukwa cha urunji wake asani walakwa.